بنت _ الشيخ

تهديد،....

اسماعيل ...راح دخل للديوان وشاف بالصدفه زهراء والشيخ ومازن وكم شخص ويسال زهراء اذا القاتل واحد منهم ...شافه الشيخ

الشيخ..اسماعيل اتفضل حبيبي محتاج شي

اسماعيل..هاا لا لاا بس ردت اشوف الوالد كالوا هنا بالديوان وماهو راح اشوفه خاف طالع يلا بالاذن...

الشيخ.. الله وياك ...

اسماعيل بس طلع راح خابر ابراهيم

اسماعيل..الووو ولك انت رحت بيهه

ابراهيم..خير شبيك

اسماعيل.. الشيخ ويا بته جاي تشوف منو القاتل انقذ روحك تره اذا مالكو القاتل بالديوان نوب ياخذ بته ويفتر عالبيوت يفتشون بيت بيت .....

ابراهيم..بسيطه ......وقفل التلفون

اسماعيل..الوو الوو ولك رد مخبل ....

........

ابراهيم طلع بسرعه من البيت وراح يم الديوان صار وره الديوان يراقب الوضع ....

ابراهيم..انه لازم احجي وياها اليوم قبل باجر ...والخوف عله عيونه
——-
زهراء...لا بابا ولا واحد بيهم

الشيخ..متاكده شفتيه زهراء بابا هاف مخربطه

زهراء..بابا ولله شفته هو شعره اسود وبي صفار خفيف وعيونه سود وشوي طويل وخشن اتذكر شكله ....

وهمه يحجون دخل ابو المقتول وعمه ...

الشيخ.. اهلا اهلا استاذ محمد

محمد..شيخ سالم انه اريد تكلي لكيت القاتل ابني لو لا تره دمنه بعده حار

الشيخ..لكيت شاهد وانشالله بس يشوف شكله ويتامد منه اسلمه الكم ...

محمد..منو الشاهد ؟

الشيخ..بتي زهراء شافته بالصدفه وقت الحادثه وخافت تحجي

محمد..زهراء بابا انتي شفتي زين اذا هسه اخذناج لشخص شاكين بي احنه تعرفينه؟؟

زهراء..اي عمو اعرفه ((حجت بخوف))

محمد..لتخافين كلنه وياج ...انتي اذا تخافين ترحين بس انطيني مواصفاته...

زهراء...شعره اسود وبي صفار قليل وهو طويل شوي وخشن وعيونه سود

محمد.. منو منكم سامع بهيج مواصفات او يعرف شخص بهذه الاسم؟؟؟

محمد.. زين ماعرفتي اسمه

زهراء..لا ولله عمو ماعرفته

الشيخ.. روحي رجعي للبيت زهراء..

الشيخ..يلا محمد نروح نشوف منو مواصفاته هيج نكصله صوره ونراويهه ...بس اريد واحد جوه ايدك مصور يروح يصور كل شخص بالقريه بحجة انو الشيخ يريد صور يحطهن بالبطايق نريد نسوي احتفال حته نحط صورالمعزومين وتجيب الصور ونراويهن لزهراء وتشوف اذا موجود بينهم ،...

محمد..اي فكره حلوه ..

.............

زهراء..رجعت وهيه تمشي تحس واحد يمشي وراها ....دارت وجهه ماشافت واحد

زهراء..تره انه ادري اكو واحد يمشي وراي اطلع اذا انت رجال

طلعلهه ابراهيم

ابراهيم... اريد احجي وياج بس كلمتين لا تخافين

زهراء..انت ؟؟ شتريد مني

ابراهيم..شوفي لا تخافين ولله ماسويلح شي بس اويد احجي وياج حجايتين اسمعيني..

زهراء..ماريد احجي وياك ولا كلمه وراح اكول كلشي لابوي راح اكله انت القاتل ((حجت بعصبيه وحركه))

ابراهيم.لا بس سمعيني لخاطر الله

زهراء..صرخت ..ااااااه ياناااس ياعاا....اجه سد حلكهه وطلع مسدس((سلاح))وحطه على راسهه

ابراهيم..تسكتين احسن مافرغ الرصاصات كلهه براسج اسكتي كتلج هنه حجايتين اسمعيهن لا تخليني اتصرف وياج غير تصرف

ابراهيم..وخر المسدس ورجع ..سمعي ماريد احد يدري انه القتلته صدكيني بدون قصد قتلته ولله العضيم بالغلط انه طلعت سلاحي انضف بي وهو هددني وكال انطيني فلوس اداينك صار خمس سنين  وهو صدك دايني صار خمس سنين بس ولله ماعندي فلوس ...حطيت السلاح براسه وهددته كتله اضربك اذا عدت هذه الكلام وكتلك يصير عندي فلوس وانطيك الدين مالتك بعدين مادري شون ضغطت عالسلاح وضربته صدكيني بدون قصد .....

زهراء.. بخوف..شوف انه ماكدر اكلهم مازن هو الي قتل الولد ...شنو ذنبه فهمني ..

ابراهيم..لا لا مو مازن انتي كليلهم انه ماشفت القاتل ار نسيت شكله..

زهراء..وشلون اسوي هيج فهمني انه حجيت كدام ابوي وكدام اهل المقتول وهسه مايعوفوني اذا ماشفت القاتل ......

ابراهيم.. مممم لعد ماعندي غير حل واحد...

ابراهيم..يا اما تسكتين وحته لو شفتيني كدامهم تكليلهم مو هو القاتل ....يا اما اتصرف غير تصرف وياج

زهراء.. انه اسوي الي عليه واكلهم انت الي قتلته .....اناني تريد تطلع من المصيبه وتذبهه براس غيرك شنو ذنبهم ....وبعدين ليش خايف انت روح وكلهم بالغلط قتلته ...

ابراهيم..انتي مخبله شنو بالغلط قتلته هذه محمد اعرفه كلش زين ياخذ بثاره الدم بالدم ... وبعدين مخد شافني غيرج انتي وانه ماخايف غير منج ...اخاف لتححين واروح بيهه ....

زهراء..انت شنو اسمك؟؟؟

ابراهيم....هههههه وانه بدون عقل اكلج شنو اسمي حته ماسمع اله واسمي يم الشيخ ...

ابراهيم..هسه تفقنه ؟

زهراء...عشنو ؟انه ماتفقت وي احد فهمتني وبس ارجع احجي كلشي لابوي وهمزين شفتك لان تذكرت شكلك عدل وحفضته بالزايد....

ابراهيم.. اذا حجيتي صدكي ابوج ماراح يبقه عايش

زهراء.. شسوي يعني؟؟

يتبع......