ابراهيم.. زهراء انه ورطتج بهذه الشي وانه لازم اوكف وياج مثل ما وكفتي وياي .. امشي نروح للشيخ ونححيله كلشي ..بس لا انتي لا ترحين وياي حته لا يكول انتي تعرفين وضميتي عنه انه راح اكله انه القتلت، (جمال، جمال اسم المقتول ) ...
زهراء مسحت دموعهه ..ابراهيم لاء لا تححي شي
ابراهيم..ليش
زهراء..واذا سوولك شي ابراهيم .. ماريدج تتاذين بسببي زهراء خلص اليوم بليل اجي احجي كلشي لا تشيلين هم
زهراء.. لا ماخليك تحجي ولله .. انت ماشفتهم شون شايلين سلاح ..
ضلت تصرخ بوجهه.. انت ماتحس بامك او باختك ليش تريد تروح وتكلهم وتحط روحك بخطر .. انه ماريدك تحجي
ابراهيم.. اسف .. مو قصدي اجرحج بس انه متضايك وحاس الدنيا سوده بوجهي زهراء .. انتي يمكن محتاره بيني وبين ابوج .. بس انه محتار بينج وبين اهلي وبين نفسي وبين وبين كلشي ضدي زهراء .. واحس نفسي جاي اجرحج كل يوم يمر ..
زهراء.. لا انه اعرف بيك ماتريد تجرحني بس ...قاطعهه ابراهيم وكلهه...
انه تعلقت بيج زهراء...
زهراء.. شنو
ابراهيم.. من عرفتج عن قرب حبيت الحجي وياج وحبيت الكعده وياج .. زهراء ضليت اتخلق المساكل اخر فتره حته اشوفج .. وانه من حسيت بهذه الاحساس تجاهج حسيت الدنيا سودت بوجهي ..لان انتي اذا تبقين ضامه هذه السر راح تتاذين بسببي ..
ومن جهه ثانيه اذا حجيت اني واختي راح يتاذن بسببي
انه .. ضايع زهراء
زهراء.. مادري شجاوبك ابراهيم فاجئتني بكلامك.. شوف انه ماعرف ليش جاي امنع نفسي وماحجي لاحد انو انت القتلت جمال ولله ماعرف.. اخاف عليك وماعرف شنو السبب ..
ابراهيم.. انه اذيتج وياي هواي زهراء ومن حقج ترحين وتحجين صدكيني مازعل..
زهراء.. ابراهيم كلمه اخذهه مني .. محد راح يعرف انت القاتل مدام انه عايشه...
