في اليوم الثاني الساعه 9 صباحا...
اسماعيل .. الو ابراهيم شنو صاير ما تسال
ابراهيم ..اسماعيل مالي خلك كول شتريد
اسماعيل..اليوم بيت احمد هنا حبيبي وجايين هادين علمنطقه يريد
يعرفون منو القاتل .. باختصار همه يم بيت الشيخ يعني كاعدين يم الشيخ روح انقذ روحك
ابراهيم .. بيت احمد منو ؟
اسماعيل ..اهل المقتول شبيك يصيحولهم بيت احمد
ابراهيم ..ارك شكرا اسماعيل عالمعلومه بس انه تعبان ومالي خلك اليوم كلش مريض وانه متاكد زهراء ماتحجي لهذا لا تتعب روحك يلا
اسماعيل..ولك مو صوجك صوجي الي دايما اوصلك اخبار يلا روح
ابراهيم ..ههههه باي حبيبي
اسماعيل .. الله وياك يالعزيز
.....................................
زهراء.. بابا ولله ماطلع يمهم اخاف ماتشوفهم كلهم مسلحين
سالم..ولج امشي بس احجيلهم المواصفات ودخلي
اسماء..سالم عوف بتي ماتطلع ولا تروح يمهم طلعهه من السالفه شنو ماتخاف عليهه انت
سالم..استغفرالله راح افلش البيت عله راسج اسماء لا تخليني اتعصب جم مره كتلج لا تصغريني بعينج
زهراء.. ماما انتي سكتي انه ماخايفه منهم بس خايفه من السلاح الي بيدهم
تسماء.. اللهم طولج ياروح هسه وين ورطتينه يا يمه
سالم ..امشي زهراء
....دخلت زهراء وي ابوها
ابو احمد.. اهلا وسهلا
زهراء ترجف وتفرك بايدهه
احمد..انتي الي شفتي القاتل ؟
سالم.. اي وهيه مستعده تعرف شكله بس انت راويهه الصور
احمد..وليش هيه ماتحجي شنو راح ناكلهه
سالم..الي يستجوب بتي انه مو انت ولا غيرك شوكت ما انه اكلهه احجي تحجي فاهمني
ابو احمد.. اي شيخ سالم ولايهمك اصلا احمد ما يقصد ( وضل يخزر باحمد)
سالم..كوليلهم بابا عالمواصفات ولا تخافين
زهراء.. ما ما اتذكر ..
احمد.. شنو ماتذكرين هيه لعبه وماتذكرين
سالم،. صوتك مايعله بالديوان افتهمت لو لا
احمد.. اسف شيخي بس شوي تنرفزت وضجت انه هم من حقي اعرف قاتل اخوي ودمي فاير
سالم.. اي ولا تستعجل بتصرفاتك ونوب تروح العالم كلهه من ايدك
زهراء.. بابا ماتدكر المواصفات اصلا جاي انسه الشكل
أنت تقرأ
بنت _ الشيخ
Teen Fictionبنت الشيخ .. تشاهد جريمه وهي الشاهد الوحيد ...المجرم يبحث عنها والناس تبحث عنها ....
