لجمالي قصة(باللهجة العراقية)

مشهد

لارين: بديت اقرة امتحان الكيميا وسرحت لعالم ثاني عالم كله حب مابي بس اني وحبيبي علي
انقطع تفكيري على صوت ماما وهيا تكلي لارين وين صافنة اقري كيميا 
لان باجر عندي امتحان باوعت للساعة 10 ونص واني مدا اعرف اقرة لان مشتاقتله صعدت لغرفتي  واتصلت
بحبيبي علي جنت كلش مشتاقه لصوته من يهمس بأذني احبج اويلي شكد اعشقة
صارلنا اكثر من شهر متزاعلين وعساس انتهى كلشي بيناتنه هو مقبل يتنازل ويعتذر مني واني متراجعت بموقفي لان جرحني بوكتهة وبقينه على هاي لحالة

بس مكدرت اتحمل بدونه احبه كلش ومااكدر اعوفة
وهسة صار يومين من تصالحنا
هواي الي رادو يفرقونة ومنهم امي وابويه وبنت عمي الخاينة خواتي صديقاتي احس العالم كله ضدنا
بس حبنا اقوى ممايصورون ميكدرون يفرقونة

اتصلت والموبايل يدك ومنتظرة علي يرد عليه ورا 10 ثواني انتظرة فتح الخط وصدمني بكلامه

علي : ها خير شتريدين

لارين : خنكتني العبرة بس قاومت وجاوبته بكبرياء
سلامتك مااريد شي
ثواني وكام يصيح علية بعصبية كال شنو تخونيني ويا واحد ويجبلج هدية يخليها يم الباب جوا التانكي مو ويصيح بعصبية وشنو تفتحين كاميرا ويا وحدة متعرفيها وتحجين ويا حماهة

لارين : اني ضليت مصدومة مااعرف منين عرف بهاي السالفة بس الشخص الوحيد الي كلتله عليهة صديقتي رونق
هو كام يصيح ويكفر والخط مفتوح اول مرة اشوفه بهاي الحالة 
اني كمت ابجي
هو ميتحمل يسمعني ابجي

شوية تهدة وكال كافي لتبحين
وسد الخط اني انهاريت كمت ابجي ودموعي تجري عبالك شلال

متحملت رجعت اتصلت علي
رد علية بس صوته هالمرة جان يختلف جان يبجي ويحجي ويكلي ليش خنتيني لارين ليش شسويتلج

لارين: ابجي واحجي اسمعني علي والله مخنتك سوء فهم بس والله مفتهم السالفة غلط

هاي وحدة تعرفت عليهة وصارت صديقتي اسمهة حنين فتحت وياهة كاميرا ومجان احد موجود يمهة انته منو كلك بهاي السالفه 

علي : مو مهم منو كلي بس اني كتلج لتوثقين باأحد ماكو شخص ينوثق بي كتلج كلشي يصير وياج تعاي سولفيلي بس انتي متسمعين كلامي ابد

لارين: رونق الي كلتلك موو؟
علي: صديقاتج كلهن مو خوش تدرين
صديقتج منى اجتي اعترفتلي بحبهة وصديقتج شذى 24 ساعة تحجي وياية وميانه عبالك حبيبهة
ورونق  تحتار شتحجي وياي هسة ادزلج محادثاتهة وشوفي اخلاقهة واني مااريد اكلج حتى لتنقهرين وتخرب علاقتج بيهن
صديقاتج مابيهن وحدة زينة بس ريتاج خطية البنية بس تسلم وتروح ومحترمة نفسهة 
ألا بقيت صديقاتج كلهن جذابات

لارين: ضليت ساكته صدمني متوقعت صديقاتي هيج يكونن خاصة منى هيا مرتبطة وعافت حبيبهة والي افتهمتة تحب علي

علي : هاهية لارين انتهى كلشي بيناتنه انسي انج تعرفيني

لارين: لا علي بربك لتعوفني والله انتحر تعرفني اسويهة مستعدة اموت ومااعيش بدونك لتعوفني علي خليني ابررلك موقفي

دا احجي وسد الخط بوجهي ضليت ابجي رجعت اتصلت علي بس مارد علية

ابجي بصوت ناصي حتى ميسمعن خواتي لان اني وخواتي كلنا بغرفة وحدة

ورا شوية اتصلت عليه رونق استغربت الوقت متأخر وهيا متخابرني بهيج وقت هذا الشي اثبتلي هيا الي سوت هيج

فتحت الخط عليهة بس مابينتلهة شي
رونق : هلا لولو شلونج انتي وعلوش
لارين: زينين عسل
رونق : ها عسل 😉 اكلج صدك بعدج تحجي ويا يوسف

لارين : لما كالتلي هيج شكيت بالموضوع
كبل اتصلت بعلي لكيته مشغول عرفت هاي مسوية مكالمة جماعية وتريد علي يسمعني واني احجي

ملحكت ارد لأن سمعت صوت عالي عياط من جوا
يربي شصاير نزلت اركض و....

رأيكم بالبارت نزلتلكم مشهد من القصة حتى اذا
تعجبكم انزلهة
اذا معجبتكم كولولي حتى لا اتعب نفسي 😂😂
صوتو علمود انزل

اشوفكم بالبارت الاول
جاووو