لجمالي قصة(باللهجة العراقية)

البارت العاشر

يومأ ما ستسأل نفسك كيف اضعت قلبها ؟

لارين : واني اسمع حجي ابرار كمت كوه اتنفس اختنكت اريد اسحب نفس ماكو دخت ووكعت

لما كعدت لكيت نفسي بلمستشفى حاطيلي مغذي وامي وابرار يمي

مكدرت الزم نفسي كامت ادموعي تنزل لحالهة اجتي ابرار حضنتني بهاي الاثناء دخلو بابا وزيد

زيد وكف قريب السرير وكال الحمدلله على السلامه لولو
اني مارديت علي
عاد بابا حجى كال صاير عدها انهيار عصبي وباوع على ابرار كللهة شصار مو جنتو تدرسون ليش هيج صار وياهة

ابرار: رديت علي بخوف والله عمو مااعرف هيا كاعد تقرة ووكعت
اني دا احجي وادخلت ام لارين كلتله هاي يمكن من ضغط الدراسه صار وياهة هيج هيا حيل تتوتر بالامتحانات

لارين: شكد خبيثة يمكن فتهمت الموضوع وصفطتلة  جذبه دمرتني هيا وزيد والله مرات افكر انتحر
مو كافي هيج اتعذب شنو ذنبي من اني زغيرة وكبرت واني احبه
ليش ميحس بيه شنو ماعندة كلب واني حلوة
مو اكول محلوة حتى ميحبني
ومايوم بدر مني شي محلو حتى سالفة وليد اول مرة اسوي هيج

ضليت بس ابجي على حضي بشنو احسن مني هاي اليحبهة ويريد يخطبهة

اني دا ابجي اجت امي مسحت دموعي وحضنتني
عود دتمثل دور الام الحنون ميفيد والله كرهت حياتي من وراهم هيا وهذا الواكف كبالي وكاشخ وعطرة تارس المكان
واني كلبي ديحترك من ورا
الله يحرك كلبه مثل مامحروك كلبي علي

رجعوني للبيت وضلت ابرار يمي ماعافتني
صارت اقرب الي من خواتي وكفت وياي هواي
لما الكل عافني حتى امي اقرب الناس الي محاسة بيه
بس خطية ابرار معافتني ولا لحظة
اني قررت اموت حب زيد بداخلي هاهية خلص لو شيصير زيد ماارجعة لكلبي ولو كلبي دك بااسمه احط طلقة بكلبي وارتاح عذبني بمافيه الكفاية صرت اتعامل ويا مجرد ابن عمتي لا اكثر ولا اقل
مسحت حب زيد من حياتي كلهة
قريت للأمتحانات شلون مجان وخلصت منهة
واجت العطلة ورجعنا لحبست البيت بس احس امي تغيرت وياي
طبعا حقهة تغيرت اذا وليد وشردته وزيد وعرفت بي ميريدني شلون متكيف وتتغير

جنت كاعدة واجه ابوية هو وامي وانطوني هدية نجاحي

مااجذب واكول مافرحت بلعكس فرحت علاقل حسيت باهتمامهم والفرحني اكثر جانت الهدية موبايل حديث

بوستهم وشكرتهم بس ماكملت فرحتي من رحت لغرفتي لحكتني امي وكلتلي باعي لارين ديربالج تعيدين سوالفج ترى هلمرة اكول لأبوج ومراقبتج
لتحاولين تسوين شي مثل ذيج المرة

كتلهة اي اعرف

ورا ايام جنه كاعدين على العشة وكال زيد لابوية خالي راح نطلع نسهر برة اني ومحمد وابرار ورحمه (اخت ابرار اكبر منهة مخطوبة)  هم اخوهن  قبل ناخذهن ويانه تقبل تروح ويانه لارين