لجمالي قصة(باللهجة العراقية)

البارت الثاني

بعيونـي🙈لـو بيـڪ الخـلل؟ صدگنـي
مـو شغلـة غـزل😌مـن تمشـي خطواتـك تظـل دگـات گلبـي تبوكها..

لارين : ولج ابرار انتظري يولي انشلع حذائي مااكدر امشي
ابرار : عزة ولج شنو هاي هسة وكته حذائج ينشلع بالشارع شلون راح نوصل للبيت

لارين : جنت راجعة اني وبنت عمي ابرار من المدرسة جان الجو بارد كلش احنة هسة ببداية شهر 12
جانت تمطر وشوارع بغداد بالمطر ماشاء الله عبالك داخلة بالمحيط الاطلسي تصير فيضانات مو طبيعية
وانشلع حذائي بالطريق اني من النوع مااخذ الحذاء العملي اخذة زرق ورق اهم شي الشكل فبسرعة تنكطع

احتاريت شسوي وبعد طريق طويل على مانوصل للبيت
ابرار : ولج خل اندك الباب على بيت من هالبيوت ينطونة حذاء او نعال يشبهج تلبسي

لارين : لا ياخايسة اني نعال يا حقيرة
ابرار : امشي ولج امشي ام حذاء المشلوع 😂😂

لارين : دكينا الباب على الناس كنالهم بس حذاء البسة هسة وباجر ارجعة
فاتت البنية ورا نص ساعة رجعتلنا جايبة وياهة شحاطة من زمن بيبتي انطتنياهة وطبكت الباب بوجهي

ابرار : كبرر هذولة عبالهم راح ناخذهة فجابولج وحدة حتى بيبتي متقبل تلبسهة من قدمهة

لارين : شسوي امري لله راح البسهة
رجعنا للبيت لما دخلت شفت زيد جان واكف يحجي ويا عمتي ونفس اناقتة وشكله اليجنن
كلما اشوفة يرفلة كلبي

ماكلتلكم اني احب زيد بس حب من طرف واحد مااعرف اذا هو يبادلني نفس الشعور اولا
بس هو دائما يشاقة وياي ويضحك ويسولف
خلاني اتعلق بي كلش

جنت مبهذلة لان راجعة من المدرسة وتعبانة مردت زيد يشوفني هيج رحت للغرفة بسرعة قبل ليشوفني بدلت ملابسي وغسلت وجهي ورفعت شعري
حطيت شوية كحلة وصاحوني على الغدة

كعدت اتغدة واني عيني على زيد شلون ياكل وشلون يحجي

ورا شوية كام من الغدة بسرعة استغربت لان ماأكل شي اني هم كمت رحت للمغسلة شفته واكف هناك
اقتربت عساس اغسل بس اني متعمدة اقترب منه

وكفت بصفة وهو انتبه عليه
كلبي كام يدك بسرعة من اكون قريبة منه احس كلبي حيطلع من صدري

زيد : شلونج اليوم بالمدرسة
لارين : شحجيلك تبهذلت بهذلة مصايرة
هو عقد حاجبة وكال
زيد : ليش شصار وياج
لارين : والله انشلع حذائي وعود رحت اطلب من ناس حذاء انطوني شحاطة عبالك مال بيبتي من زمن العصملي

زيد : ههههه هيا هاي اذا على هاي هينة عبالي غير شي

لارين : طبعا اني امتمت تمتمت بالحجي كتلة اي بس هاي بس انحرجت لأن بالشارع

زيد : اي حقج اني طالع هسة تريدين شي اجيبلج وياي
لارين : سلامتك مااريد شي
زيد : ولج احجي شجيبلج وياي
لارين : مااريد شي
زيد :طبج مرض
لارين : لالا انتظر جيبلي وياك ببسي
اني اعشق الببسي اموت علي

زيد : ماشي راح اجيبلج

لارين : ضليت اباوع علي وهو يمشط بشعرة بعدين خلة عطر واني بس صافنة اباوع علي
بعدين لبس جاكيت انتبهت على الجاكيت كلش حلو موديلة جديد ينلبس رجالي بناتي
كلتله هذا حيل حلو

زيد : يعني عجبج
لارين : اي حلو
بعدين شو هذا نزعة وكال
زيد :هاج هذا مني الج
لارين : لا يمعود هذا مالتك شلون اخذة
بس هو سحب ايدي وخلة بيها
اني بكلبي فرحانة كلش
ورا مطلع زيد من البيت رحت لأبرار اكمز ومكيفة

ابرار : شبيج متخبلة ليش تكمزين
لارين : اي متخبلة بزيد
طبعا الكل يدري بيه احب زيد حتى اخو زيد ازغر منه بسنة يعرفني احب زيد

بس مو الكل يعني الكبار ميعرفون

ابرار : ادري بيج متخبلة بزيد مو جديدة هاي بس احجيلي شصار حتى هيج تكمزين

لارين :حجيتلهة كل الصار وهيا بس صافنه  وتاشرلي بعيونهة وراية
انداريت اريد اشوف شكو وهيا هيج خافت
وجان اشوف زيد واكف على الباب

صوتو وانزل التكملة ❤