لجمالي قصة(باللهجة العراقية)

البارت التاسع

ﺄنا لست سيئـةهَ ، لڪن  ﺄلعالم لا يفهمني ،🙇🏻‍♀♥️  ء

لارين: كمت ارجف من الخوف كبل اجه ببالي شلون ضربتني العصر وهيا لازمتلي العودة ولا رفلهة جفن وهيا تضرب بنتهة

دموعي كامت تنزل وصرت امتمت بلحجي بس زيد سبقني ووكف كدامهة كاللهة

زيد: مديصير شي بنت خالي واجيت اشوف امهة الرقيقة شمسوية بيها شنو من كلب عندج مزوركة البنيه

ردت علي بكل برود وهيا رافعة حاجبهة
شي ميخصك اني وبنتي وبنت خالك جاي تشوفهة ساعه ب3 ونص بليل وكاعد على جربايتهة ولازم ايدهة

لارين: كالت هيج وعينهة عليه
اني كلت اليوم تموتني وتكول لابوية هو هذا الناقصني جنت بوحدة صرت بثنين

زيد:شقصدج مااسمحلج هيج تكولين لارين مثل اختي
والكل يعرف هذا الشي وشيصير لو لزمت ايد اختي

ردت علي وكالتله يله هسة اطلع بره الحجي مو وياك ويا بنتي المفوتتك لغرفتهة

زيد: شوفي اذا مديتي ايدج عليهة ميصير خير

لارين: اني كلبي وكع بلكاع من الخوف يمه بسلا تصير مشكله بهلليل

كالتله امي وشتريد تسوي مثلا هيا بنتي واني حرة
اموتهة اضربهة مالك علاقة

زيد: اكول لخالي عليج خل نشوف يرضى بتصرف مرته وفوكاهة كاعد تتهمني

لارين:اني من صار موضوع ابوية بلسالفه اختنكت كمت كوة اسحب النفس
والي خوفني اكثر رد امي علي كلتلة اذا كلت لأبوهة هيا تعرف شراح يصيرلها

اني سمعت هيج لو وجهي صار اصفر والدنيا كامت ادور بيه وين اكو هيج ام
معقولة هيج دتهددني اذا زيد كال لأبوية اكيد هيا راح تكوللهم سالفه وليد وكتهة حتى زيد يصف وياهة
يربي ليش هيج غلطت غلطة بس هيج عقاب هواي عليه

دخت حيل واباوع على زيد وامي يحجون بس مااسمع كلامهم حطيت ايدي على راسي ووكعت بلكاع

هذا اخر شي اتذكرة قبل ماافقد الوعي

زيد: جنت احجي ويا ام لارين وسمعنا وكعة وقوية
هاي لارين وكعت شلتهة اني وامهة وطبعا امهة ليشوفهة شلون خايفة عليهة ميصدك هيا نفسهة الضاربتهة

رحت جبت مي رشيت على وجهة كعدت بس دايخه شربناهة مي
كالت اريد انام عوفوني وحدي اني طلعت من الغرفة وضلت امهة

بس خفت لتروح تضربهة
ضليت واكف يم الباب لما طلعت من يمهة رحت لغرفتي

من كعدنا الصبح بالي يم لارين بس مكدر اروحلهة بسبب امهة عاد شفت ابرار كتلهة شلون صارت لارين

ابرار: استغربت زيد من الصبح يسئلني عن لارين
كتله زينه مابيهة شي نايمه هسة
مراح اداوم اليوم