😱 فرحي و سعدي بزهري المكوز 😱
بقلم ✍ : ✌ كاپيطوسة المغربية ✌
دارت ليكيت فودنيها و بقات جالسة .. فواحد اللحظة كايبان لها بنادم كلو كايشوف لجهتها دخلها الشك فراسها .. ضارت موراها تشوف واش كايشوفو فشي حد موراها و لقات حتى لي موراها كايشوفو فيها حيدات دوك ليكيت من ودنيها و خنزرات فالبشري
زاهية : مالنا اش كاين
راكبة : السيدة مسكينة من الصباح و هي كاطلب فيك تعطيها بلاصتك و نتي منخلاها عيييب و عار هادشي لي كاديري فيه
زاهية : اينا سيدة
شعال العوافي : و زايدا كاديري فيها ماسمعتيهاش مابقيتوش تحشمو يا هاد الجيل
زاهية : ا العموم راني ماشي صمكة كون قالتها لي كون عطيتها ليها بكل صدر رحب ... جاها الصوت من اللور
ام صمك : و مال الصمك ماشي بنادم؟؟؟ كاتعايري لي ولدي زعما حيت شفتيه ماكايسمعش و نتي كاتسمعي الله يعطيك ما عطاك باش تجربي و تحسي
زاهية : الحاجة يهديك الله فين عايرتو
***** : و باقا كاتتعاير مع مرا كبر منها والله مابقيتو تحشمو
زاهية : يا ودي ينعل ديلمي انا كاع لي باغا نركب فشي طوبيس مع المحازق ... تسمع صوت من شخص اخر
سعاي : صافي غير حيت ربي ماعطانيش الفلوس وليتي تعايري فيا بالحازق ( هز كفوفو للسما ) الله ياخد فيك الحححق الله ياخد فيك الحق
زاهية : اودي سمحوووولي انا حمقة و مسطية و مقطعة الوراق ها عار ربي غير حبسو ... كانت مرا خرا راكبة فطوبيس و فيديها بنتها شوية مخلخلة
ام المخلخلة : اش درت لك ا بنتي حتى تفكريني فمعاناة بنتي ... واش بنتي ماشي بنادم بحالها بحالكم؟؟؟ واش حيت ربي ماعطاهاش العقل لي جا يعاير فيها
شعال العوافي : هاد السيدة عنصرية ا عبااااد الله خاصنا ندعييوها ... بدا كايطلع لها الخز للراس
زاهية : ستغفر الله العظيم بغيت غييير نعرف شكون هاد كحل الكمارة لي صبحت عليه هاد صباح نكحل عليه عيشتو .. نطق شخص اخر ولكن هاد المرة ماكانش مغربي ( ديك الهاء حطيتها بلاصة العين يعني ماشي خطأ كتابي )
سينيغالي : هلااش ا ختي واش لي ماشي بيض ماشي بنادم بحالكم حنا سينيغال جينا لبلادكم و ئتابرناها بلادنا و نتي دابا كاتعايري فينا
زاهية : لااااا إله الا الله اش درت يا سيدي ربي حتى نطيح فهادشي فنهار واحد واخا نكون يهودية مايوقعش لي هادشي
يهودي : ا ختي كلنا بحال بحال ... بحال اليهودي بحال المسلم كلنا اخوة علاش هاد العنصرية كااملة
شعال العوافي : عيطوو البوليس يجيو يشوفو هادشي لي كادير هاد سيدة
زاهية : نتا بعدا القزحييي يا شعااال العوافي سكت غير سكتنا يرحم بااااك نتا السبب ... تسمع صوت اخر مبنت
القزحي : ( بدا كايبكي ) حيت ربي ماخلقنيش بحالي بحالكم ولات القزحي معيورة ... حطات يديها على راسها هادو مافيهاش غايسطيوها
زاهية : لا لا لا لا داااابا تأكدت زهري ولد الكلب ... مع نطقات ديك ولد الكلب نبح واحد الكلب كان فطوبيس مربوط
ظعال العوافي : طلقوووو على مها
مول الكلب : روووكي ا لاطاك ... مع طلقو مولاه جا كايجري لعندها و كاينبح تحلات الباب ديال طوبيس هبطات كااااتجري رجليها كايوصلو لضهرها حتى بان لها طوبيس تحرك عاد وقفات باش ترجع النفس .. جاها صوت اخر من اللور
***** : زااااهية
زاهية : يزهاو عليكم الكلاب و الحمير اش بغييييتو عندي هاد صباح
حميد مول زريعة : هادا غير انا ا مالك؟؟
زاهية : صااااافي كمااالت
حميد مول زريعة : ياك لاباس ا زين ديالي ياكما شي حد قلقك راني ندخل للحبس على ودك انا
زاهية : الحبس هو لي غانضرب عليك انا لاماعطييتينيش التيساع فهاد اللحظة ا حمييد قلب هي الله يرحم باك و بدل ساعة بساعة خرا
حميد مول زريعة : اش كاديري هنا بعدا
زاهية : ضارب بيا الكاغيط؟؟؟؟ ... زادت خلفة مع طريق و خلاتو ... يتبع
أنت تقرأ
فرحي و سعدي بزهري المكوز
Romance💣💣💥 حـــــــصـــــــريـــــــا 💥💣💣 فقط في 👑 #حــــــريـــــم الســلــــــــطـــــــان 👑 بعنوان : 🚫😱 #فرحي_وسعدي_بزهري_المكوز 😱🚫 بقلم ✍ : 🚫 #كاپيطوسة_المغربية 🚫 #Nezha_El_filali بطييييخاتي دلااااحاتي فريييييزاتي بطاطاطاتي صافي باراك ب...
