فرحي و سعدي بزهري المكوز

بارت 2

😱 فرحي و سعدي بزهري المكوز 😱
بقلم ✍ : ✌ كاپيطوسة المغربية ✌

اما من ناحية الخدمة خلااااااص بلا مانهضرو عليها هاديك حالة خاصة المهم لاتزربوش .. مزال غاتتعرفو على زهرها مزيااااان
.. غادا جارة فرجليها صندالة خوها رجليها كايعومو فيها وصلات للفران لقاتو عامر بقات كاتتسنا نوبتها جابت خبزهم و مشات لعند خوها للكولفازور وقفات حدا الباب و بدات كاتبرح
زاهية : عصااااااااااام وا عصااااااااااااام وا النممممم قالت لك ماااما دووووز تاكل العدس ... خرج لعندها شاب فالعشرينات فايتها بعام طويل و رقيق شعرو كحل و ملامحو كايشبهو لمحجوبة ، خرج ساخط من تما شدها من المونطو
عصام : ياك كانقول لمك ماتبقايش تبرحي الحومة كاااملة عرفاتنا مغديين بالعدس
زاهية : غاطلق من المونطو ولا هاد الطبق غا يجي مطبوع فكمارتك سرييي انا نيت لي جايا نعيط لك
عصام : زيدي زيدي قدامي يا وجه النحس محمد هو لي كايعرف لك ... بقاو غاديين فالطريق و هما مناكرين يضور يضور و يجمعها معاها للقرفادة و هي ضور ضور و تزطم لو على سبرديلة
عصام : شو ديلمك كي رجعتيها شكون غايصبنها دابا
زاهية : بيان سييغ خويا العزيز لي غايصبنها
عصام : 10 دراهم و تصبنيها
زاهية : 25 درهم نصبنها و نشمشها
عصام : غاتصبني ليا مانطة بناقص كاع
زاهية : على خاطر خاطرك
عصام : 20 درهم اخر تمن
زاهية : عطيني العربون دابا
عصام : هادشي ولا داخل فيه العربون
زاهية : بنادم هو لي يشد رزقو عندو مابقات تقة فهاد الزمان
عصام : شدي يا الخطية ... مد لها 10 دراهم خشاتها فصدرها ... وصلو للدار دخلو بجوج لقاو الأم ديالهم فالكوزينة مشات عطاتها الخبز و الصرف شوية تم داخل محمد و هو الأخ الأكبر ليهم و فيديه ختهم الصغيرة مريم عندها 8 د سنين هازة شكارة فضهرها
محمد : ها واحد السلام عليكم
محجوبة : ( من الكوزينة ) محمد شفتك جيتي بكري هاد نهار ماخدمتيش؟؟ ... مشا باس لها يديها و راسها و نفس الشي دارو مع جداتو
محمد : لا الواليدة اليوم ساليت بكري .. فين سلوى مزال ماجات؟
زاهية : راها فخدمتها
عصام : ايوا هي بعدا لقات فين تخدم كيتك نتي لي لاخدمة لا زواج
زاهية : بقا تجبدني ا داك بو ودنين على اساس نتا طفرتيه بناقص من شي جلاس معاك ... ناضت تعاون مها فالكوزينة .. حطو الغدا و تغداو
الحاجة طامو : ايوا يا الحادكة دوك الحوايج ناويا تخلعيهم ( ل بالشدة ... كاتقصد بيها الخليع )
محجوبة : يدي طابو بجافيل و ضهري مابقاش قد
عصام : و هاد البكرة اش كادير منين ماتعاونكش الواليدة
زاهية : البكرة هي مك ... هزات راسها لقات كلشي حبس الماكلة ... ماجات فين تستوعب ان مها و خوها محمد جالسين حتى هما فوق الطبلة حتى ضربات لها محجوبة المرطوب بالعدس .. مع هزات الكاس باش تشير عليها بيه لقاتها طارت للكوزينة
محجوبة : طوال لك اللسان المعزة ياك وليتي تعايري فيا عاين باين
عصام : و طبسيل لاااش الواليدة خسرتي عليها طبسيل ديال العدس راه الكاس حداك كون فلقتيها بيه و خليتو طبسيل بعيد دابا انا اش غاناكل
محمد : نوض غبر عليا كمارتك تا نتا معاها ... حتى طرف ديال الخبز مايدوزش لينا معاكم
عصام : و مالي انا اش درت
محجوبة : غا تنوض ضرق عليا زلافتك ولا الكاس يجي فالراس اويلي ا عباد الله ناوييين يطردقو ليا مرارتي .. نووض جمع الوقفة اش باقي كادير حدايا
الحاجة طامو : بنتي زاهية واااا بنتي زاااهية جيبي معاك ديك الكوكوط و دوزي تتغداي
زاهية : ( من الكوزينة ) ميي واش نجس
محجوبة : تجيك فالراس جيبي الكوكوط و دوزي تجغددي حسابي معاك هو التالي ... يتبع