😱 فرحي و سعدي بزهري المكوز 😱
بقلم ✍ : ✌ كاپيطوسة المغربية ✌
تغداو و جمعو و طواو ... محمد ناض لشغالو و الباقي و كأي عائلة من العائلات المغربية ضروري من القيلولة مور الغدا ... وصلات العشية ريحت اتاي بالنعناع تطلقات فالدار .. محجوبة كاتوجد كاسكروط لولادها و راجلها ... جا راجلها و سلوى و تجمعو على الطبلة ديال كاسكروط
عصام : واش دابا انا غايبقاو حوايجي موسخين ماغايتصبنوش؟؟
زاهية : بلا ماتشوف فيا .. انا براسي بغيت غير نخرج نقلب على خدمة مالقيت مايتلبس
سلوى : ماما و انا حوايجي لي بقاو فشبكة ديال تصبين سيمانة مابقيت نلقا باش نبدل
محجوبة : لي عندي قلتو لكم مابقيت قادرة على تصبين لي وسخ شي حاجة يصبنها ( شافت فراجلها بتخنزيرات )
الطاهر : ا مالنا على دوك الشوفات المرا
محجوبة : ( كاضور فراسها ) ياودي يا الراجل ياودي عولنا عليك بكريييي كاتشوفني نضل نشقا و نخمل و تقوووول واش تحن فيا
الطاهر : اش بغيتيني ندير المرا ندير الفواطة و نجي نعاونك؟؟؟
عصام : لا واقيلا الواليدة بغات الخدامة لي تعاونها فالشقا ... الحاجة طامو كانت كاتاكل و طالقا وديناتها معاهم مع سمعات الخدامة و هي توحل لها
الحاجة طامو : كح كح كح كح اكحححح كح كح
زاهية : حلااال حلااال شدي شربي الما ... شدات الكاس هبطات عليه فدقة وحدة دارت يديها فجنابها و خرجات عينيها فالزاهية
الحاجة طامو : صااااااافي داكشي لي بقا خاصك غير الخدامة بنت الوزييير نتي
محجوبة : الحاجة واش انا قلت لكم بغيت شي خدامة
زاهية : نتااا يا وجه المشاكل لي قلتيها ها نتا شعلتي العوافي تاني
الحاجة طامو : ايوا و اش بغات لالة محجوبة؟؟
زاهية : مي لالة الواليدة قصدات ماكينة ديال الصابون
محجوبة : الله يرضي عليك ا بنتي نتي لي كاتفهميني ... ضحكات حتى بانو سنانها و بدات تفقص فعصام
زاهية : ايوا الواليدة راني عارفا لي كاين
الحاجة طامو : لاااا ثم لااا ثم لاااا انا ماموافقاش كاع .. داكشي فيه غير الضياع ديال الضو و خسران الفلوس كون لقيتو حتى دوك المشاقف تهرسوهم و الثلاجة و التفازة تبيعوهم باش نحافضو على الضو
محجوبة : و نحيدو البولات و نوليو نضويو باللامبا و علاش لا نهزو قشاوشنا و نرجعو لعصر جدودنا
الحاجة طامو : الطاااهر صااافي هادي هي ميمتي كبيدتي كاتشوف مراتك كاطنز عليا و تعاير فيا و نتا ساكت
محجوبة : ( مخرجة عينيها ) يهديك الله الحاجة انا عاااايرتك؟؟؟؟
الطاهر : وا صافي الله يهديكم واش غانبقا انا فوقما نجي نلقا نفس الاسطوانة دابا شنو المطلوب مني
محجوبة : بغيت ماكينة ديال الصابون
الطاهر : صافي غدا نشريوها غير هنيونا من هاد الصداع و فريع الراس خليو هاد شدق الخبز يدوز لينا .. بقات الحاجة طامو غضبانة
زاهية : و اخييييرا حوايجي غايبقاو يتصبنو و ينشفو بزربة كاع لي فالحومة عندهم الماكينة بقينا غير حنا
عصام : ختي الغزالة واحد ل10 دراهم عندك ماناوياش ترجعيها؟ مابقيتي غاتصبني والو الماكينة غادير كلشي
زاهية : ( بإبتسام عريضة ) خويا الحبيب العربون ماكايرجعش
سلوى : ايوا مزال مالقيتي شي خدمة تخشي فيها راسك دوك ديبلومات لاياش نافعين
عصام : نافعين تبيعهم لمول زريعة
زاهية : غدا غانوض نقلب على خدمة نعاود نجرب زهري
عصام : نهضر ولا بلاش
زاهية : هضرتك خليها عندك عااارفة دوك زين الهضور ديالك
عصام : لن و لن و لم و ابدا يقبل شي حد يخدمك واش من نيتك باغاهم يخدمو معاهم خطية نهار تخدمي عندهم يديرو فاييطط
زاهية : ( بإبتسامة عريضة ) عااارفة هادشي ا خويا الحبييب عرفتي علاش؟
عصام : علاش؟؟
زاهية : لي تابعاه شي تابعة كحلة بحالك و يصبح و يمسي على كمارتك كي بغيتيه يطفرو؟ وا كووووول تسديييدة ولا اروع
عصام : شحال حامضة
زاهية : الحامض غالي ( قربات لودنيه ) و خوروك بالعلالي
عصام : لا نييت طوال لك داك اللسان
زاهية : الله اودي مالي اش قلت
محجوبة : ( بفرحة ) غدا نفقص الجارات بالماكينة الجديدة ... هاكاك كملو النهار محجوبة ماقادها فرحة بالماكينة و الحاجة طامو كاتتفقص فبلاصتها ... يتبع
أنت تقرأ
فرحي و سعدي بزهري المكوز
Roman d'amour💣💣💥 حـــــــصـــــــريـــــــا 💥💣💣 فقط في 👑 #حــــــريـــــم الســلــــــــطـــــــان 👑 بعنوان : 🚫😱 #فرحي_وسعدي_بزهري_المكوز 😱🚫 بقلم ✍ : 🚫 #كاپيطوسة_المغربية 🚫 #Nezha_El_filali بطييييخاتي دلااااحاتي فريييييزاتي بطاطاطاتي صافي باراك ب...
