#للنصيب_حكاية_اخرى
بقلمي وئام البياتي
الجزء ١٨
مرت اياااام واني كاعدة بلبيت ياريام جايتنا يا اني وامي بلسوك داجهز روحي ... مرة طبينا جنة بلسوك اني وامي وريام وجهالها ويانا لكينا سيف وحسام وساهر كاعدين سلمنا ورحت بدلت ونزلت على العشا سوينا اني وريام ورة العشا طلعوا حسام وريام سيف كعد ساعة وراها طلع حسيت اكو حجي صار بس محد حجى لا هو ولا ساهر ولا حتى حسام امي طبت نامت وساهر شفته يصفن طبيت عليه للهول ..ها ابوالشباب شكو ماكو..
ساهر.. ها غلوة تعالي ..
غلوة.. كعدت كباله. اي سولف..
ساهر.. شسولف..
غلوة.. شحجيتوا..
ساهر.. شكو غلوة..
غلوة.. شكو ساهر حبيبي سيف شبي ..
ساهر.. ماكو شي عود ريام تحجيلج ..
غلوة.. يعني اكو شي احجي حبيبي ..ضليت انكنك لحد ماخرطلي الاول والتالي وسيف مديكدر يحجيها .. الخميس عرسه والحنة بنفس اليوم ويريدون يبلغوني وخايفين .. اي عادي..
ساهر..شنو العادي ..
غلوة.. خنكتني العبرة وجنها صارت صدك ياربي زين ليش اختنكت حسيته يكرهني ويجوز يحبها وبعدين ميريدني خصوصا اذا صارت حامل ..اني مااتزوج الا ورة سنة ابوية يعني مو اقل من ٦ شهور وبهلاشهر يمكن تحمل ..
ساهر.. ها غلوة اشو سكتي ..
غلوة.. بس رمشت وكعن دموعي..
ساهر ..اي ليش دتبجين يا اختي مو انتي الي طلبتي منه..
غلوة .. اي ..اي اني..
ساهر.. اي لعد شبيج ياعيني..
غلوة.. لك ساهر صارت صدك حجي لسان مو مثل متصير صدك ..
ساهر.. دكافي ياعيني كافي ياحبيبتي كافي تدرين مو زين عليج وانتي من قبلتي بي تدرين بي متزوج وسيف خوش سيف كافي القهر والمرار الشافه وهو يدور عليج ..
غلوة.. لا هاي هية بس يعني من حقي انفه عن روحي بدمعتين حقي مو؟
ساهر.. كافي حبيبة ليروح ضغطج يصعد ..
غلوة.. لا لا عادي .. ديلة متكوم تنام ..
ساهر.. اي هسة كايم لان كلش مطفي بس ماريدج تفكرين غلوة وربج هي تصفى وحدها وكولي ابو السوس كال ..
غلوة.. صار حبيبي صار جان يوم اثنين ..رحت لغرفتي اريد انام مكدرت هلكد مابجيت اباوع على الموبايل متصل يعني كاعد هسة..افتحه هسة واحجي وياه ..ها يبعد العمر انت شدتسوي حالك من حالي لو فرحان بعرسك شلون راح تشوفها سيف وشلون راح تتعامل وياها وهم راح تكشخ بعرسك هو انت العادي مالتك عريس عاد بيوم زواجك هم راح اكدر انام ليلي واني ادري اليوم انت بحضن غيري غفيت على دموعي وكعدت فوك ١٠ الصبح ..امي صعدتلي ..
امي.. ولج يمة ليش ليهسة نايمة خاف مريضة..
غلوة.. ها يمة صباح الخير ..
امي ..صباح الخير والعافية على عيونج ابوية دكومي عاد..
غلوة.. اي يوم كايمة .نزلت يمها جانت مسوية ريوك وكاعدة بلمطبخ ساهر طالع كعدت يم الصوبة والجاي على اللمبة كعدت وصفنت على النار شلون تصعد وتنزل بعد جم يوم راح اصير مثلج وكلبي يحترك ومراح اكدر اطفي ..تليفوني فوك رحت جبته وجيت كعدت نفس الكعدة مالي واهس اكوم ابد امي جانت خطية كايمة من الصبح مسوية غدة .اباوع على الموبايل لا داك ولا داز مسج ولا اي اتصال يلة هسة اكيد بدائرته لو ديحضر لعرسة مادري اووف كام دماغي يودي ويجيب ب ١٢ ونص ريام طبت هي وجهالها .تباوع عليه كأنما تريد تعرف عرفت لو لا ابتسمت ابتسامة قهر راسن افتهمت كامت امي دتصلي وجهالها يكمزون منا ومنا اجتي كعدت كابلتني يم الصوبة اني كاعدة وساندة راسي على رجلي وحاضنتها بثنين ايدي وصافنة على الصوبة ..
ريام .. ها غلوتي..
غلوة.. ها ريمو..
ريام .. شلونج حبيبتي..
غلوة.. اطمئني ريام لتضغطين على نفسج ساهر كلي..
ريام ..لتضوجين نفسج حبيبتي والله فترة ويصير عادي ..
غلوة.. لا يابة شضوج اكلج جان لازم يصير قابل نضل نتهزم منه..
ريام ..خطية البارحة جان يحجي وية الولد يكللهم والله غصبن عني وماكدر اتراجع لان خاله متوسل بي وكايلة ميخالف حتى لو هي الثانية بس مو مال تطلكها عيب بحقها وهي صغيرة وتصير مطلقة وشايل همج وشلون يوصلج الخبر..
غلوة.. يمعودة ياخبر هو اني كلتله وتوسلت بي ..
غلوة.. ادري بيج عاقلة وعقلج جبير...
غلوة.. هههه ريام هاي السالفة بيها عقل والله لو حاسة هذا احساسي قبلها من عرفت هو خاطب بت خاله فلا اقبل ريام شايفة هاي النار كلبي مثلها ومديطفى من حسيتها راح تصير صدك احس راح يروح مني وينساني وخصوصا اذا حبلت يبووو عليه يعوف بت خاله ويباوع بخلقتي والله اموت بلياه..
ريام..لا حبيبتي يعني انتي متعرفين شكد يحبج ..
غلوة.. يلة عادي على كولتج هي شغلة تعويد فترة وانسى هسة لان بعدها بدايتها هسة انسى مو؟ دنجت..ريام سيف غير الغير وين اولي اذا راح مني ..
ريام .. وين يروح ويعوفج ..
غلوة..اباوع دك موبايلي سيف يتصل باوعنا اني وياها ..
ريام .. ها ابن حلال والله..جاوبي..
غلوة.. من كل عقلج ريام وين الي حيل اكول الوو ..
ريام.. يعني حتعوفي هيج ..
غلوة.. انتي جاوبي كولي نايمة راسها يوجعها بس فتحي سبيكر اريد اسمع صوته ..
ريام ..ولج عيب..
غلوة.. لا عفية ماكدر احجي وياه فدوة ممستعدة ..بس شالت التليفون انكطع ..رد خابر.. شالته..
ريام .. الوو هلو سيف اني ريام ..هلا بيك عيني لا ماكو شي بس البارحة بصراحة بلكوة نامت ..لا من جيت امي سولفتلي بس تكعد اخليها تخابرك .. لا لا ماكو شي هسة جنت يمها بغرفتها بس تليفونها جان على الشحنة وشفتك دكيت كلت خاف يضل بالك وجاوبتك ..لا خوية تدلل عيني الكم .. بالف سلامة يوصل يوصل ان شاءالله ..سلم وباله يمج ..
غلوة.. عادي يتعود.
ريام ..كافي ولج كافي هلتشاؤم كومي يلة خاف يجي العصر ..
غلوة.. هو كال..
ريام .. لا بس مدام مجاوبتي هسة يكمزلج ..
غلوة.. لا ميجي .بس هسة يرد يخابر.. بقيت على نفس الكعدة كامت هي خطية نظفت البيت كعدت امي تغدينا ولكمة محاطة بحلكي من البارحة بليل .احس معدتي اذا اكلت ينكلب سم ويسممني احس بيها نار بس تكلب .. شربت لبن وكعدت ميهلي اكوم بيومها ريام بقت العصر كمت سبحت وبدلت وكعدت اصلي وبعدين كمت نمت لليل كل شوية تجي ريام ..
ريام .. كومي ولج موزين هلنوم ..
غلوة.. ميهلي اكوم ريام عوفيني .. ومن نومة لنومة صار عندي هروب حتى ماافكر بشي لان بس اكعد انثول ومتأكدة ضغطي يصعد من التفكير وخصوصا ماعندي شي يلهيني بقيت نايمة لحد ما اجتني ريام تركض ..
ريام .. كومي يمعودة اجة مو كلتلج ولج مخابر على تليفونج واني مسامعته واجة هسة جوة خابرت ساهر ديعزل ويجي ..
غلوة.. ومنو يمة ..
ريام .. امي كاعدة دكومي عاد ..
غلوة.. كايمة كايمة .. كمت غسلت ورجعت لبست تراكسود اسود ولميت شعري ونزلت بس شنو مالي خلك كلمة بس واحد يباوع عليه ابجي نزلت كاعدين بلهول .رحت للمطبخ ريام دتسوي عشا خطية ..هاحبي والله اسفة عايفة بيتج وجاية ..
ريام .. لا يولي حسام اليوم راح لكركوك وراح ابات يمكم ..
غلوة .. زين بس اسلم عليه وارجع وياج ..
ريام.. لا روحي كعدي خلصت ماعندي شي ..
غلوة.. رحت يمهم بس طبيت ظل يباوع من فوك ليجوة عود رجعتي على الاسود لان من يوم ماعقدت واني البس نيلي لو جوزي شافني ودنج ورجع باوعلي .. السلام عليكم بست راس امي ..ها سيف شلونك اسفة مجاوبتك هسة ريام دتسولفلي اسفة والله بس ماعرف شبيه بس اريد انام ..
سيف.. زين الحمدلله بالي يمج..
امي .. ليش يمة رجعتي على الاسود ..
غلوة.. عادي يوم .. اي خالة شلونها الولد دنيا اخبارها..
سيف.. الحمدلله كلهم زينين ..
غلوة.. طبت ريام هاج غلوة ترة مروة ٢٠ مرة داكة .. اي انطينيا.. هو وامي التهوا وعينه يمي احس بي شمر اذنه يمي ..هلو مراوي حبي شلونج ولج جنت نايمة والله ..لا الحمدلله زينة ..بيش طالبتني يولي مالي حيل الضغط والله كلش ديأذيني ..كافي ولج شبيج اليوم اشو انتي تالي الليل تخرفين.هههه ..
مروة.. غلوة حبيبتي لتديرين بال والله يوم ويعدي ..
غلوة.. باوعت عليه .خنكتني العبرة ماعرف من تذكرت وهو كاعد كبالي ماعرف شصار بيه معرفت هلكد صعبة ..
مروة.. ها غلوة شبيج ..
غلوة.. مروة بعدين اخابرج .. ريام جانت اباب الهول اشرتلها انطيتها الموبايل وكمت .انتبه عليه ..
ريام ..ها مراوي لا عادي حبي ماكو شي هلا بيج ..اي والله تعرفين صاحبتج شكد حساسةهههه اوكي الله وياج حبيبتي ..
غلوة.. رجعت بس بين انو غسلت هااا راحت..
ريام.. اي تكول باجر امرلها الصبح ..
غلوة.. اي زين..
ريام.. هاج موبايلج ساهر وين بلة دنريد نتعشا مو متنا جوع اباوع عليهم اثنينهم مغندبين هو يباوع عليها ويجاوب امي بلا تركيز وامي عيونها متعينها وكاعدة تخرط براس الولد ..ام ساهر حبيبة ..
امي.. ها ولج شتريدين..
ريام.. يمة راس الولد حرام عليج ابتسم وباوع عليه..
سيف.. لا عوفيها شنو السالفة سوالف الحجية تخبل والله ..
ريام .. يا سوالف ابو الشباب انت ولا كلمة حفظت مو هههه.. خرب ضحك ورد دار وجهه عليها وهي عينها على التلفزيون ..
سيف.. خيرج غلوة..
غلوة.. ها لا والله بس راسي وعيوني يمكن بدة الضغط ركضت ريام جابت جهاز الضغط قاسته صاعد درجتين كاموا يعرفون الاسعافات الاولية مو يومية مركضتهم للمستشفى .طب ساهر شافهم ملمومين عليه لان حتى سيف اجة كعد يمي يفرك بأيدي وبراسي واني دوخة تجيبني ودوخة توديني وامي تعد وتصف عليه لان مماكلة النهار كله ..وساهر سودة عليه اكله هبطة..
ساهر .. اي ليش ياغلوة ليش والله راح تشليني فد يوم..
غلوة.. اسم الله عليك يويل ان شاءالله اني انت اشفت بحياتك بعدك صغير..
ساهر.. لا وانتي طبيتي بلعمرين مو ..
غلوة.. كامت امي جابت اكل وتوكلني مثل الجهال وهو صافن بوجهي شدتباوع خرب ضميرك على هلخلقة شكد حلو هسة لو اني احلى منك مادير بال ..حس عليه دافكر بي ماعرف شأكوله ماعندي حجي مهضومة وكلبي مفطور مابيه بعد حيل للقهر والدرد المنتظرني .. كام ساهر ديسبح ترخص من سيف وراح وامي شالت الصينية وطلعت دتسويلي حليب وريام كامت تنوم جهالها وصارت ساعة ٩ ونص وهو كاعد وساكت دنج ويلعب بتليفونه واني صفنت على التلفزيون عود داتابع مسلسلة واني كلشي ممفتهمة ..
سيف.. ها غلوتي شلون صرتي ..
غلوة.. ها عيني تسلم الحمدلله احسن ..
سيف.. ليش هيج صار بيج ..
غلوة.. طبعا عيونه تحجي ..نظراته موتتني .. ..والله ياسيف احس روحي خربانة هههه.
سيف.. حتى لو متشتغلين اصلا مو بس خربانة امووووت عليج روحي بيج مربوطة هذا مالتج ويأشر على صدره بس انتي وداعتج ميريد غيرج ولا راح يحب ويعشك غيرج ..
غلوة.. صافنة بعينه يحجي بهدوء وهمس موتني بس رمشت نزلت دموعي ..
سيف.. اروح فدوة لدموعج ليش تحركين دمي يويل بدموعج هاي ..
غلوة.. سيف خايفة لتعوفني والله اموت ماعرف اشو اجاني احساس انو احتمال تعوفني ..
سيف.. منو يعوفج يولي اشو كمتي تخربطين..
غلوة.. لا والله سيف يعني....
سيف.. يعني شنو سولفي وكعتج معناه دماغج متروس افكار شنيعة عني مو؟
غلوة.. سيف زواجنا احتمال يتأخر ..
سيف.. غير لما تطلع السنة مال الحجي الله يرحمه تريدين قبله بعد احسن منا هسة تكومين وياية..
غلوة.. لا عفية داأحجي صدك ..
سيف..اي كملي..
غلوة.. يعني بهاي الفترة يجوز مرتك يعني..
سيف.. شبيها صخمانتي احجي..
غلوة.. استغربت من اسلوبه هيجي يحجي عليها .. سيف ليش هشكل تحجي عليها ..دنج..
سيف.. غلوة ايمان اني مرايدها ..
غلوة.. ابتسمت ..تدري هاي اول مرة اعرف اسمها .. المهم كمل..
سيف.. وانجبرت من امي بس مكدرتلي بس ابوها احرجني كدام العشيرة كلها بلكعدة مال غيث وجبرني عليها وحجيت وياها كووومة ذلت روحها بشكل اني متعجبني هيج انسانة غير لسانها صغيرة واهلها طاعجيها مو هي الي ممكن اكمل وياها حياتي وتبنيلي بيتي وتصير ام جهالي ..
غلوة.. شنو هلحجي سيف ترة عكب باجر عر...... وبلعت الحجاية مدتطلع مني يعني مبقة شي مو مال تكسر بخت البنية حرام عليك سيف ..
سيف.. رحت حجيت وياها صار مرتين من لكيتج وهسة هم قبل فترة حتى ننهي كلشي لان ماريد اضلمها غلوة احتمال جبير راح اقصر وياها حتى بمشاعري لان مو بيدي .. ماكو غيرج بلكلب والعقل والروح والدنيا كلها صعبة كل هلعمر حرمت روحي وهسة على تاليها من الكاج يجي احد ياخذ ولو شبر من مكانج ..
غلوة.. صفنت ايابة شكد يحبني هذا خرب عرضك... سيف انت ليش هلكد تحبني ..
سيف.. ههه ابتسمت لفطاريتها والله شسوي لكلبي الي جلب بيج من يوم الباكو لفتج بلمدرسة تتذكرين ..
غلوة.. اي اي والله جنت ام بطن كلشي ولا لفتي وبعدين سيف..
سيف.. شبعدين كلت خلي احجي وياها واشوف ردة فعلها وفعلا حجيت وياها وصدمتني بتمسكها واني حتى ريك حلو ممنطيها مجلبة خرب ابليسها وابوها وامها وياها ..
غلوة.. وانت ليش ضايج اكو واحد يضوج من يسطر قاروراته كدامه..
سيف.. ابتسمت تريد تطلعني من المود الي اني بي واعرف هي اكثر مني دايخة..غلوة من يوم الي حددت موعد العرس مو اني غلوة مو اني ..اني لو اريد جان من زمان مو هسة بعد مالكيت كلبي الضايع سنين مني اسويها على تاليتها ..
غلوة.. بعدك شباب سيفو ..
سيف.. ديلة كومي نامي ارتاحي..
غلوة.. طبت امي جايبة الحليب.. ..
امي .. والله اذا مشربتي هسة بلي برجلي (تكرمون) ..
غلوة.. ها يمعودة ام غلوة فضحتينا كدام الاجانب .. هو خرب ضحك..
امي .. يا اجانب ولج هذا زلمتج احجي عدل..
غلوة.. اي والله يوم من فدوة اروح لزلمتي الصاك..كام على حيله وبعده على ضحكته .. هاااا وين لازم ضجت ..
سيف.. لا والله الدنيا ليل واني من البارحة منايم وكلش تعبان وعندي دوام الصبح تعرفين..
غلوة.. اوكي توصل بسلامة بس مسكول من توصل حبي....
سيف.. لا اخابرج وتردين انتي وتليفونج يمج وتشحني غلوة..
غلوة.. صار يابعد عين غلوة بس سؤال ..
سيف.. كولي حبيبي ..
غلوة.. انت ليش حلو عفية انت كسرتني ترة..
سيف.. ولج انتي شبيج خرب عقلج كومي يلة تعاي سدي الباب وراية وسلمي على ساهر وريام ..
غلوة.. صار طلعت وراه بلطرمة باس راسي ورااح ..اووووف يا سيف شراح يصير بية بعد يومين ..طلع ومن وصل خابرني اني جنت متمددة على جربايتي ..
سيف.. ها حبيبي نمتي ..
غلوة.. لا والله دانتظر تليفونك قبل لا انام .
سيف.. زين حبيبي ارتاحي واني هم راح الف راسي وانام لان كلش تعبان تصبحين على خير ...
غلوة.. اجمعين عمري... سديته منه وبقيت اتكلب مديروح الموضوع من بالي ابد.....
