للنصيب حكاية اخرى..

22و 23 و 24

#للنصيب_حكاية_اخرى
بقلمي وئام البياتي
الجزء٢٢

غلوة.. لا اني مو مريضة مابيه شي صحيح اني علة بس اخوية يتحملني عادي..
سيف.. غلوة ادري اعصابج تعبانة بس لتضغطين زايد مجان قصدي الي صار كله حبيت اشوف الغيرة بعيونج بس متوقعت هاي هيجي حاجية وياج وداعتج اليوم مو باجر حكج يوصلج..
غلوة.. اني مالي حك يمك وممطالبتك بشي ..كام من مكانه اجة يمي حط ايده على جتفي وجرني لصدره رأسن دموعي خانتني ..
سيف.. كافي عوبة لج اني بلياج ميت والله لج انتظرتج العمر كله راح واني افكر بعيونج النوبة من توصلين يمي وتصيرين حلالي اعوفج لو املج انسي بيوم اتخلى عنج ولج صرت نار من شفتج كاعدة وية هذا مااريد اكول اسمه تدمرت بيومها للحضة تخيلت حياتج وياه .واليوم من جيتي تمنيت اشوف الغيرة بعينج عجبني اشوف حبج اليه ردت احجي وانتي طلعتي للمطبخيم دنيا ومنتظرج ترجعين اصلا كلت اني ارجعج لهنا ورة ما اصالحج بس انصدمت من دنيا تكلي طلعت وهسة خابرني غيث سولفلي على الي سوته ايمان وداعتج مراح افوتلهيا ..
غلوة.. ورفع راسي بيده وعيني بعينه..
سيف.. انتي شلون تطلعين وحدج بهليل هااا تدرين شصار بيه واني ادور بلشوارع وماعرف شصار بيج ومتردين ع التليفون ومنو هذا الي طلعلج ..
غلوة.. ماعرف ولد صغير بس حجى حجي زفر لعب نفسي..
سيف.. شكال..
غلوة.. خيولي..ماريد اتذكر..
سيف.. لا تجين للمنطقة وتشوفينيا وين شفتي الا انعل صفحة اهله ..
غلوة.. لا ماريد..
سيف.. لعد شتريدين حبيبة..
غلوة.. ما انسالك الي سويته سيف ابددد..
سيف.. ليصير كلبج اسود يولي مو اني حبيتج من ورة كلبج الابيض النوبة من ورة سيف يسود عمري انتي وظل يبوس براسي ..
غلوة.. كافي كوم عااد ..
سيف.. وين اكوم تريديني اروح يولي...
غلوة ... لا لا ..
سيف.. ها يعني اكعد شو دباعي عليه ..
غلوة.. شباوع دباوع وجهي شلون اصفر وشحالني وشوف روحك خرب تنكرط كرط ..
سيف.. اووف غلوة لو تصيرين بين ايدية ..
غلوة.. لعد اني وين كاعدة هسة جوة الجسر .مو بحضنك وانت مستغلها فرصة واني ساكته وكلسع اكول هسة يوخر ايده ..
سيف.. خاف مترضين انتي مرتي لج ..
غلوة.. لا بعد..
سيف.. لا بلة..
غلوة..اي والله صدك احجي ..
سيف.. كافي ولج مو زين ساكتلج ليهسة..
غلوة.. شتريد تسوي ..
سيف.. تريدين اسوي لو اكولج..
غلوة.. سيف كافي كوم عاااد ..
سيف.. وين طفرتي يولي شبيج ..
غلوة.. اباوع بعينه عيونك اتوهني ماعرف احجي من اباوع بيهن كام توجه عليه ..
سيف.. اي بلة كملي ..
غلوة .. انت خبلتني سيف احسك هواية علية وماستاهلك اني وحدة مطلقة وانت بع....يعني جنت ممتزوج ..
سيف.. اي..
غلوة.. يعني تستاهل وحدة صغيرة وحلوة وتخلفلك..
سيف.. اي ..
غلوة.. سيف انت حباب هواية وانت تستاهل احسن وحدة بلدنيا كلها... وصل يمي وجرني حيل ..
سيف.. وشسوي لكلبي العطب ببعدج ولج مصدكت الكاج وانتي الوحيدة وعشر خطوط جوة كلمة الوحيدة الاريد اكمل حياتي وياج واريد جهالي منج وانتي الاحسن وحدة بلدنيا ولج انتي بعيني النسوان كلها ولا راح تحلالي وحدة غيرج ابد ابد ..تصدكيني لو لا؟ ليش تبجين ولج دكافي ....
غلوة.. وباسني بوسة بحياااتي محاسة هيج احساس دخت بيها حتى مال جزيرة جانت بخوف مو مثل هلمرة وخر وظل يهمس بأذني ...
سيف...اموووووت على احساسج بين ايدي تدرين هسة اتمنى اخذج واطير من الناس كلها ..وهسة كافي الزمي روحج دنحجي عدل ...
غلوة.. فتحت عيني وابتسمتله ..
سيف.. اروح فدوة لهلضحكة ...هسة ترة مبقة شي وتنامين بحضني كملتي امورج راح اسويلج احلى عرس تستاهلة اغلى غلوة بلدنيا واسبوع بلفندق ماريد اشوف احد غيرج انتي وبسسسس..
غلوة.. كيفك عمري انت...
سيف .....هههههههه ها لازم البوسة سوت شغل عمري وكذا ..
غلوة ..تستاهل عيوني انت سيف والله.. بس ماريد هوسة وقاعة سيف اني ترة هاي مو اول مرة...
سيف.. لا هاي اول مرة غلوة وماكو هوسة شنو هو عرس..
غلوة.. بقينا شوية كاعدين وصاح على ساهر وريام اجوي واتفق وياه على العرس وترتيباته واستأذنه على القاعة...
ساهر.. بكيفك حبيبي سيوف لتشيل هم .الحزن بلكلب واكيد ابوية يفرحلها وهي حبيبتي مفرحت ابد كلشي سواه ظافر وكع براسها وربي يتمم بخير سولفتلهم على سالفة ساهر ريام كيفت خطية واتفقنا وياه ياخذ من عدهم موعد نروح نشوفها ونحجي بلموضوع ..هو كلش مكيف خطية فرحان بروحه هلسنة ثالث وشغله زين الحمدلله بلمحل وتقاعد ابوية مدبريها نعمة..
سيف.. رجعت للبيت والحمدلله رجعت الامور طبيعية بس هاي اليوم اني اعلمها.. طبيت غيث ودنيا كاعدين وامي هم وياهم ديباوعون فلم ..السلام عليكم ..
امي ..هلة وليدي بشر شلون صارت البنية ..
سيف.. الحمدلله يوم زينة . انطيتهم خبر ع العرس ..غيث طار ..
غيث .. واخيرا يمعود راح نفرح بيك ..
سيف.. بهلحجاية طبت ايمان..
ايمان.. لابلة وعرسنا محد فرح بي مو .مو اني مو على مرامكم مثل الخاتونة..
سيف.. اجيتي والله جابج كمت عليها ..اي سولفي بعد بلة ..
ايمان..لا الله عليك حبيبي انت قابل على هذا الحجي ..
سيف.. انتي مو على مرام احد واخذتج كلت بلكت تصيرين ادمية بس مع الاسف تبقين نفس ماانتي ..جريت شعرها ..شوفي اني ضد مبدأ الضرب بس اليوم الي صار بغلوة وجان راحت مني من وراج ومن ورة تربيتج السكط لا ماافوتلجياها وطبعا ماعرف اصلا انتي شحاجية..
ايمان .. اخخ عفية سيف وخر ايدج راسي ..
سيف.. انتي شنو متخافين من احد لا اب لا اخ لا رجال اني تربيتج ابيت اهلج متصرفلي افتهمتي لو لا وهسة تكومين تحضرين هدومج لان لو تموتين متبقين هنا اليوم واذا شفتج يجوز اكضي بيج التوبة..
ايمان.. لا حبيبي بداعت ابننا ابوية كال مترجعين زعلانة لان ميقبل ارجعلك بعد..
سيف.. بعد احسن يسوي فضل وابننا ذنبه بركبتي لان المفروض احسب حساب ذيل الجلب عمره مينعدل ..واني راح اتحمله .. كومي عاد لو تروحين هيج عادي كووووووومي ..كامت تركض ربع ساعة ونزلت وديتها لاهلها من الباب حتى مطبيت وخابرت خالي طلعلي.. خالي هاي بنتك ومن تجيب ابني اخذه ومع الاسف انت كسرت بختها ولة هي ترة مو مال زواج ..سلمت عليه وطلعت ولا كلمة نطق...
غلوة.. يومية اداوم والسنة الاولى بس محاضرات ومدبرتها الحمدلله ..العرس مباقيله شي كملت كلشي وبقت بس التفاصيل المعروفة من صالون وبدلات مردت حنة بس عرس مقبل كلي كلشي تسوين حتى السبعة تلبسين ال ٧ بدلات وهو طلع وياية واختارهن وحجزهن ليوم السبعة ..مرواتي يومية يمي وكعت براسها وبراس ريام سوة حمام وكملنا اني وياه تجهيز كامل وطبعا مرته بعد مشفتها ولا سالت عليها لان متهمني بأي شكل من الاشكال ..
وقبل الحنة بيوم اجتني مروة للبيت هي والاء الى جانت ويانا بلمدرسة وياهن مرت ابراهيم كلش انسانة محترمة ومؤدبة بشكل ريام مدخلتهن اني جنت بلحمام طبيت ممصدكة اباوع الاء شصاير بيها متزوجة ومطلكة وتزوجت مرة لخ بس مبين عليها ممرتاحة حتى بزواجها الثاني سلمت عليهن ..سلمت عليه من ورة خشمها لعد شكو جاية اذا معاجبج واني الي عود فرحانة بشوفتها ..اشو هاي تجيب وتبسمرني ومروة تطمطم ..
مروة..لج غلوة تدرين شفت الاء يم طبيب الاسنان ومن عرفت انتي رجعتي لبغداد حلفت الا تجي تشوفج ..
غلوة.. اي والله شكد مشتاقتلج شكد صار عندج جهال..
الاء.. عندي ٣ ولد وبنية انتي شخبارج سمعت بيج تطلكتي..
غلوة.. اي انفصلت لان جنة ممتفاهمين .. صدك الاء من اجيتج اخر مرة قبل لنروح لكركوك نطيتج رسالة ورقم تليفون لمروة حتى تخابرني ..مروة تكول كلشي منطتني ..
الاء.. اصلا مادري وين صارت....
غلوة.. ليش الاء كطعتي اخباري عن الكل ..
الاء ..لان مردتج ترجعين بس سبحان الله شكد ردت ابعده عنج ورجعتيله ..
مروة.. صافنة..ولج يعني متقصدة تفرقين بيناتهم ..
الاء.. اي اني الرسالة يمي شكيتها وذبيتها وادري بيها بكركوك وكلتلكم بأربيل..بس حتى سيف ميعرف وين تدرين ليش لان من يومي اكرهج وسيف جان الي لو ما انتي وفهاوتج جريتي الج شكد جنت احاول الفت نظره وهو ماكو مجلب بيج وبس عليج يباوع وعلى شنو مادري اصلا اني جنت اجرأ وافطن واحلى منج وشوفي الزمن سبحان الله شكد بعديتي ورديتي رجعتيلة بس راح تضل عيني عليه ووراج وراج مراح تتهنين بي لان اخذتي مني ..
غلوة.. اني مماخذته جم سنة اني بعيدة ليش ماخذج ..
الاء.. لان معفتي بحاله سطرتي دوختي بيج ..
غلوة.. عزة من صدك دموعي نزلت قهرتني واني الفرحانة بشوفتها وكلت هسة تبررلي تصرفها من مكالتلهم على مكاني ..كامت عليها ريام...
ريام.. كومي لج كومي يلدنغوزة مو صوجج صوج الطببج للبيت كومي ام الشوارع ام الرياجيل يومية واحد وبعدج عينج ع الزلم جان استحيتي ..
مروة.. والله الاء صدمتيني هذا كله يطلع منج واني الي كل ماينحجي عليج ادافعلج بس طلعتي حية مع الاسف..
الاء.. وانتي الخ مجلبة بيها على شنو وحتى ابراهيم ميقبل يسمع كلمة عليها..
ريام.. كومي لج لتعكريلنة مزاجنا واحنة فرحانين كومي انتي فد وحدة مريضة..
الاء.. بس اذا متهنيتي بي يعني اني عيني عليه لان جان حلمي وانتي حطمتي..
غلوة.. بقيت صافنة ومرت ابراهيم خطية تهديني ..ياربي شنهلقسمة الكل راكض وراية بيها .رجعت ريام .
ريام.. معليج منها هلدنغوزة كومي باجر الحنة مالتج لتفكرين بعد بيها كافي..
غلوة..مروة ومرت ابراهيم هم خطية بقن يواسني ساعة وطلعن اجة عليهن ابراهيم ..كعدت ريام تحجي واني بالي طايش ..
ريام .. كافي قهر لتخليها ابالج كلة يأثر على بشرتج وباجر عدنه احتفالات احتفالات سوت افلام حتى تطلعني من المود الي اني بي لليل خابر سيف..
سيف.. ها حبيبي شلونج..
غلوة.. ها عمري شلونك انت..
سيف..متحضرة لباجر ..
غلوة.. اكيد ان شاءالله وانت شخبارك..
سيف.. اني اذا العشك ديحجي وياية شلون اصير يعني ومبقة يومين واصبح وامسي بأحلى عيون موتتني من يومها ..
سيف.. اشو ساكتة حبيبي..
غلوة.. لا عمري ماكو شي بس متوترة تعرف..
سيف.. لا ماعرف ليش متوترة..
غلوة.. سيف الاء اجتي اليوم العصر..
سيف.. اعرف حبيبي ابراهيم سولفلي كلشي...
غلوة.. و ..
سيف.. وماكو شي خلتولي سوت وياية اكثر وبلحسنى حجيت وياها وبلعشرة والعمر الي بينه مفاد وبلرزايل والوجه الثكيل ولازكة مشفت بنية مثلها تدرين اعرف زوجها الاول شلون ولد وردة مال الله بس هي مخبلة مدري شبيها وكافي كل الحجي الحجته تنسي زين وتفكرين بيه وبس وباجر ترة اني اجي احنيج ويمكن راح اكضيها كلها يمج حبيبي ..
غلوة... ههههه..
سيف.. اي من فدوة اروح لهلضحكة ..اي يعمري كافي قهر باجر نفرح وراح تكون احلى ايام وعيونج ..
غلوة.. طبعا احلى ايام اذا وياك وشوفة وجهك ياروحي انت..
سيف...يمة فدوة حجى ابو الهول..
غلوة.. عابتلك مو اني جنت استحي والله بس هسة غير بلتليفون فماخذة راحتي..
سيف.. ها يعني من نتشاوف هم راح ترجعين تصيرين ابن عمي...
غلوة... ههههههه كافي الله عليك ..
سيف.. شكافي دفهميني حتى نكضيها تليفونات ..
غلوة.. اتمنى اسعدك والله ..
سيف.. شوفتج سعادتي غلوة والله لو احجيلج الي صار بيه بغيابج عني جان عذرتيني على لهفتي عليج يلة حبيبي اعوفج تنامين وتتحضريلي لباجر ..
غلوة.. اوكي حبي بسلامة.. سديته منه ومعرفت رجع مرته لو لا .كعدت الصبح والبيت هوسة اجتي خالة ام مريم هي وبناتها وجناينها وكضينا يوم يخبل ومروة ومرت غيث ومرت ابراهيم ويانة من الصبح واجوي وياية للصالون ودنيا تسلولفلي ..
دنيا ..تدرين ميقبل يرجعها وخالة ملحت عليه تكول خلي يفرح تسممه هاي الزفرة بس تجي خلي ينسعد وية اليحبها ...
غلوة ..اني ابتسم ماعرف شأكول لو انقهر عليها ...لبست بدلة بيجي كلها شغل وكسمة تخبببل وبدلة لخ ماروني كصيرة وشعري ردت تسريحة يكون بيها مفتوح وهو طويل هواية.. ومكياج راهم على البدلتين وطلعت اكطع على كولة ساهر رجعنا للبيت وتذكرت ابوية الله يرحمه صار على وفاته ١٠ شهر بلضبط .طبيت امي حبيبتي كاعدة وتضحك وتصفك فرحانة ..نص الحفلة وكالوا اجة اني جنت لابسة الماروني وراها البيجي عزة راح يشوف الشغاليع والمخاليع يمة طب وابتسامته خبلتني يباوع بعيني لحد ماوصل يمي كومني كباله باس ايدي وراسي رفع راسي يباوع علية ويفر بيه ديشوف البدلة ..عزة والناس كلها كاعدة متت بدمي سيف عفية خلي نكعد راح ابجي وهو خربان ضحك يشاورني ولازمني تك ايد من خصري ..
سيف.. امووت على الخجل البعيونج ...
غلوة.. بقينا واكفين باوع على دنيا اجتي جايبة الذهب لبسني اشكال والوان نصهن ممشتريتهن اني بحيث خلاني المع والمفاجئة لبسني تاج صغير ونازك بس يخبل لبسنيا ..
سيف.. وهاي لان انتي اميرتي يااحلى اميرة بلدنيا ..
غلوة.. يمة فرفحت من صدك هلكد يحبني فدوة لعينه..كعدنا وبقة لازم ايدي وميباوع على احد بس علية اجتي ريام..
ريام.. فدوة سيف ما وصيك غلوة خاف ماشوفك بعد واكدر احجي وياك ..
سيف.. شايفة عيوني بلياها ماشوف احد شتوصيني ريام غلوة العمر كله الراح والجاي وياها ان شاءالله ..وصيها الها عليه ..
غلوة..لا والله هي متتوصى تموت عليك ..
سيف.. اسم الله عليها بعد كلبي هي ...
غلوة..ظل كاعد ساعةونص وكل شوية يدكون عليه ميقبل يطلع .. بلكوة راح ..يلة اخذي راحتج راح اروح بس باجر اسجنج يمي.. يمة اباوع عليه وعلى طوله ربي يحفظك عليك وع هلجمال ياربي الله شكد حاط بيك حسن..فضيناها ومروة بيومها باتت يمنا خطية نظفنا البيت تالي الليل وكعدت دكيتها بجي منو الها وراية وريام تكلي ولج كافي اني مو كبالها هياتني بلفرع وكل شوية انطلها وهي كاعدة حطيت راسي بحضنها اريد اشبع منها وساهر حسيت بي دمع بس لازم نفسه حبيبي ..خابرني وسوالفه بتالي الليل ال متخلص هم ساعة يلة ععتقني نمت والصبح نفس الهوسة البدلة هو اختارها لان القاعة مختلط ...