الحلقة ٢١
بسم الله الرحمن الرحيم و الصلاة و السلام على اشرف المرسلين
في مكان خالي يشبه الصحراء كانت هناك مساحة كبيرة من المقابر
هناك امام احد المقابر كان يجلس حمدان الجارحي الرجل ذو الهيبة و الكبرياء يجلس مذلولا اما قبر ابنه و زوجته حيث تم دفن الاثنان في مقابر عائلة الجارحي و هذا بعد الحاح كبير من بهاء الدين ولده الذي اصر ان يتم دفن الاثنان في مقابر العائلة كان حمدان وقتها يريد دفن ولده فقط و لكن بعد تهديد بهاء انه سيدفن الاثنان في مقابر زوجة ولده اضطر و هو مغصوب
حمدان و قد كانت حالته مزريه عبائته المتسخه من النومه على الارض بالمقابر شعره المشعث بعد ان خلع عمته و ضرب راسه بالحائط فنزف الكثير من الدماء و لكنه لم يعالجها و كأنه يعاقب نفسه
هناك بالجوار كان يقف حارس المقابر يطمئن عليه من الحين للاخر فقد هدده حمدان انه اذا اخبر احد انه هنا فسوف يطرده خارج البلد باكملها
الحارس : صحيح يا ربي هو ده المكان الوحيد اللي الواحد بيعرف فيه قيمة الدنيا ده اللي اصلا ملهاش قيمة هاه شوفوا حمدان الجارحي بكل جبروته عامل ازاي صحيح الدنيا ده غدارة بس انا مش هينفع اسكت اكتر من كدا الراجل هيموت و ربنا هيحاسبني لو ما بلغتش حد من اهله
استجمع الحارس قواه و ذهب باتجاه منزل عائلة الجارحي ابلغهم هناك بمكان حمدان كان هناك يجلس بهاء و زين و سعيد و فارس فقد كانوا يبحثون عنه و لكن لا اثر له ابلغهم الحارس بمكانه توجه الجميع حيث المقابر
الحارس: اهه يا بيه جاعد اهناك لا حول ليه و لا قوة
كان بهاء اول الواصلين له
بهاء : ابوي دوختنا عليك
حمدان بلامبالاة : و تدوخوا عليا ليه انا مطلبتش من حد يدور عليا
سعيد : طب يا ابوي انت ايه بس اللي مجعدك اهنه جوم معانا الليل ليل
حمدان : انا جاعد اهنه مش هجوم غير لما انزل تربتي
بهاء : بعد الشر عليك يا ابوي احنا محتاجينك
حمدان : لا انتوا مينفعش تحتاجوا ليا اني انا بني ادم جاسي ضيعت ولدي و مراتو حتى من غير اي شفجه ربنا ربنا عاقبني انه خده عنده جبل ما يسامحني يارب ياااااااارب سامحني يااااااااارب
بهاءبدموع يا ابوي جوم جوم و الله ولدك سامحك هو جالي جبل ما ربنا يستلم امانته انه سامحك يا ابوي انت عارف هو كان بيحبك جد ايه
حمدان : عشان كدا عايز اروحله اروحله و اقوله سامحني يا ولدي
بهاء : و تسيبنا لمين بلاش احنا زهرة بته موجوده لازم تكون جنبها يا ابوي زهرة بتحبك خلي اللي هتعمله معاها يشفعلك عند ربنا عشان يسامحنا على اللي حصلها نعوضها ابوها و امها انا حاولت و وزين كمان بس انت غير يا ابوي انت عارف اد ايه اخوي كان بيحكلها عنيك و عن طيبتك و حبك ليه هي بتحبك يا ابوي بس واخده على خاطرها منك صلح يا ابوي اللي حصل زمان
