الحلقة ١٧
بسم الله الرحمن الرحيم و الصلاة و السلام على اشرف المرسلين
في بيت اهل سامح حضرت عائلة زهرة للمباركة نزلت زهرة مع زوجها لتسلم على اهلها بعدم رضا ولكن بعد الحاح سامح وافقت قابلوا الجد وهدان و هم في طريقهم
جد سامح : يا اهلا بعروستنا الحلوة
سامح و هو يقبل يد جده و مفيش اهلا ليه و الا ايه يا جدي
الجد : لا انا برحب بالحلوة العسل ده بس
سامح : احم احم انا موجود على فكرة يا جدي
زهرة وهي تقبل يده كما فعل سامح : تسلم يا جدو يا حبيبي
سامح : هي وصلت لحبيبي كمان لا كدا كتير انا مش فارض شخصيتي خالص
الجد : عبيط مش طالع لجدك دا انا كنت ايام شبابي البنات بيجرو ورايه
زهرة : انت لسه شباب يا جدو والله صدقني
سامح : لا انا كدا محتاج كورس عندك يا جدو ههههههه
الجد : اهلك يا بتي جايين يباركوا خد مرتك يا سامح و ادخل للجماعة جوا رحب بيهم
سامح : حاضر يا جدي
لاحظ الجد الضيق الذي ظهر على وجه زهرة
الجد : زهرة يا بتي ايه رايك بعد ما اهلك يمشوا اخدك نلف في البلد شويه بالعربية ايه رايك ونسيب الواد ده هنا
زهرة : وقد اخرجها الجد من ضيقها : ههههههه ايوه يا جدو انا موافقة جدا جدا
سامح وهو ينظر لها بغيظ : ويا ترى بقى موافقة على الخروجه والا اني مكونش معاكي
الجد : اكيد هنخرج لوحدينا مش عايزين عزول
سامح : ماشي يا جدي مردودة
الجد : يلا يا بتي روحي بقى سلمي على اهلك بقالهم كتير مستنين و انت يا ابو مردوده روح معاها و بعد ما تخلص تجيلي عايزك
سامح : حاضر يا جدي
دخل سامح و زهرة حجرة الضيوف كانت زهرة ستتراجع امسك سامح نظر لها نظرة طمئنتها
سعديه : يا اهلا ببت الغالي مبروك يا حبيبتي مبروك
زهرة : الله يبارك فيكي يا تيته
سلم سامح على الموجودين
سيف : مبروك يا ابو نسب مبروك عليك زهرة العيلة و الله يا ابني لولا انها بتعتبرني اخوها كنت مخلتكش تلمحها او والله
سامح و قد احس بشئ داخله جعله يريد ان يخنق سيف : اممممممم و الله مش عارف ليه حاسس انك عايز تروح وشك متشلفط انهارده
سيف : لا و على ايه الطيب احسن دي زهرة دي في مقام امي اه والله امي
زهرة : نعم يا اخويا انا امك انت مش بتبص لنفسك في المرايا انا اجيب الشحط دا كله
