الحلقة الثانية
بسم الله الرحمن الرحيم والصلاة والسلام على اشرف المرسلين
عادوا من صلاة الجمعة ليستعد بهاء وعائلته للسفر للصعيد بعد ان استدعاه والده لامر هام
زين : خلاص حضرتوا نفسكوا
بهاء : اه معلش بقى هسيب عليك الشغل كله انت وادهم بس انت عارف غصب عني لازم اروح ابويا كان صوته تعبان اوي
زين : ان شاء الله تطمن عليه
بهاء : مش هوصيك على زهرة يا زين
زين : انت عارف ان زهرة ده بنتي ومش محتاج وصاية عليها
بهاء: وده العشم يا صاحبي
زين : متغبش هناك انت عارف الصفقة الجديدة اللي داخلنها محتاجين كلنا نكون مع بعض
بهاء : متقلقش مش هغيب يومين تلاته بالكتير
زين : تروحوا وترجعوا بالسلامة
حنان: متروحيش يا كريمة خليكي
كريمة : هتفضلي عيلة طول عمرك محسساني اني مهاجره
حنان : طب بصي سافري وسيبي البنات اصلهم بيوحشوني اوي
كريمة : قولي كده بقى انت عايزه البنات صح ما انت طول النهار وخداهم دا انا مش بعد معاهم زيك
حنان : قري علينا وبعدين احنا اصحاب متدخليش بينا
كريمة : والله دلعك فيهم بوظهم
حنان : خليكي انت في ادهم وانا اقول الواد طالع عقد لمين مش فرفوش لامه ابدا
زين : حبيبي الفرفوش اخيرا هنخرج لوحدنا من غير عزول
حنان : اخس عليك بقى البنات عزول
زين : ايه رايك انا بفكر نخاوي الشحطين اللي عندنا ونجيبلهم اخت مأطأطه كده
بهاء : قومي يا كريمة قومي خلينا نجهز الراجل اتجنن
زين : الراجل ده حقودي اوي يلا يا روحي خلينا احنا نشوف هنخرج فين انهارده
حنان : هقول لزهرة وفارس يجهزوا نفسهم
زين : مبدعة انت يا حبيبتي اقول لوحدنا تبدعي انت
حنان بدلع : يرضيك نسيب زهورة لوحدها
زين : ما هو ده عيبي قلبي الحنين يلا روحي بلاغيهم
____________________
في غرفة البنات كانت تجلس تلعب بهاتفها الى ان دخلت عليها مهرة و زهرة
مهرة : شوفي البت وبرودها ولا كانها عاملة حاجه
زهرة : انا مش متخيله اللي حصل
مهرة : لا صدقي انت تتوقعي اي جاجه من المجنونة ده
غزل : خلصتوا كلام ممكن بقى تسبوني لوحدي عايزه اجهز نفسي عشان السفر
