ماضي مولم وحاضر قاسي

البارت التاسع ☺☺

مرام بابا خابرهم وكالهم موافقين بس لازم اتكمل مدرسته وهمه وافقو المهم وره اتفقو الخطوبه يوم الجمعه يعني بعد 4 أيام والعرس وره ماخلص الامتحانات البيت مالتنه انخبص يوميه البنات طلعات واشترن ملابس اني اشتريت بدله كولش بسيطه ونازكه لون فيروزي كولش حلوه المهم مرت الأيام وصار يوم الحفله كعدوني ودوني للصالون رادت تصبغ شعري اني مقبلت ردت لونه مثل ماهو اني احب لون شعري حفتلي وخلتلي مكياج كولش حلو بس مو طوخ ورجعنا للبيت كالو راح يوصلون بعد اشويه وانيولا مهتمه ولا كئنما عرسي واجوي طبو للبيت إجه السيد عقدنه وكله ضلت اتهلهل لدرجه اذاني انسطرت سطر البنات شغلن الديجي
مراد :وره ماعقدنه طلعت يم الولد كله ضلت اتهوس إجه أحمد كال مبروك وضل يضحك
مراد  :خويه والله اسف انته تدري شنو السبب
أحمد :والك عليمن تعتذر هيه صارت مرتك هسه حلا لك اني اصلا جاي انساها
راضي :يله بويه فوت جوه لبس مريتك الذهب
مراد :صار يابه فتت البنات لبسن حجابات اني طبيت وشفت ملاك واكعد يعني بل مكياج اتصير بعد احلا جمالها بريئه وطفولي فتت كعد يمه بسته من راسها ولبستها الذهب وبعده واكلنا كيك وعصير وخلصنه وطلعنه اتفقنا العقد مال محكمه باجر حته نعقد ونروح للبصره لأن اهلي ميكدرون يجون بعد خاصه بيبي تعبانه احنه رحنه بقينه يم أخت أمي بغداد وصبح رحنه علبيتهم هيه طلعت وابوه ومصطفى ركبو بسيارتهم ورحنه عقدنه وصارت الهلاهل ورجعنه بليل طلعنا للبصره وره كم يوم جانت الساعه 11بليل كلت خلي ادك عليه هسه اهله شيكولون اني اخذت رقمه من مصطفى دكيت مرتين وماشالته دكيت ثالث مره شالته
مرام :الووو
مراد :شكله نايمه خلي انصب عليه الووووو
مرام بنعاس :منو
مراد :اني واحد معجب من زمان وأخذت رقمج
مرام :والمطلوب
مراد :لج اريدج واحبج
مرام بنعاس :سمعني اني ارمله  وعند 5 جهال وفقيره ومو حلوه اصلا محد ايباوع ابجهي حته جاهلي هه
مراد :ماكدر الزم روحي من الضحك فضحكت من زمان ماضحكت هيجي ههههههههههه
مرام بغضب :اذا كملت ضحك اكدر اروح انام
مراد:لج انتضري موتيني واني عايش
مرام :كلي منو خلصي لأن راح موت من نعاس صرت حته ماسمع
مراد :لج اني مراد زوجج
مرام :يا مراد ؟يازوجي ؟ هااا اي تذكرت مراد ابن خالي راضي الي كون زوجي صح صح
مراد :لج بابا انتي صاير العقلج شيء اكو وحده تنسه زوجه بس أريد افتهم
مرام :اي اووووووي عيني
مراد:لج اشتعلو اهلج عله هاي الاوي مالتج
مرام :لاتلوني اصلا انته متذكرني حته ماخبرتني وهبي يوميه ايسئلوني ويكلولي جاي تحجين وياه ايخابرج اكلهم احيانا لأن عنده شغل واضطر اجذب عيهم منوراك
مراد ؛هاذه كله متحملته عليه
مرام :اي طبعن انته تدري شنو حالي حته ماتسال عليه اني عندي راح اموت من التعب من وره الدراسه وماكو واحد يخفف عليه
مراد :ههههههه شبيج راح تبجين والله طفله انتي يله بعد منا وغاد راح اخابرج هاا بس لازعلين ماشي
مرام :اوكي ماشي ولا تضحك اني مو طفله
مراد :اي صح انتي موطفله انتي جبيره صح اني راح اجي البغداد باجر وراح نطلع اوكي ماسمع غيرانفاسها شكله نامت بقيت المكالمه كعدت وبقيت المكالمه وأسمع صوته كاعد تكعد
مراد :صباح الخير
مرام :صباح النور
مراد :والله بوري عفتيني احجي الوحدي البارحه ونمتي
مرام :اسفه جنت تعبانه حيل ونمت وانته دكيت وماحسيت عله روحي غير نمت
مراد : يله مصار شيء اني راح أبدل
مرام :راح تروح للدوام
مراد :اي دوامي بغداد صار
مرام :صدووووك يعني راح تجي
مراد :شبيج هيجي فراحانه شكلج مشتاقتلي
مرام :اي لا
مراد :افتهمت يله  اخذي راحتج باي
مرام :بايات سيدي
مراد :ههه
سدته واني نزلت
مرام اني فرحت لمن حجه وياي صرتي كلي طاقه نزلت جوه اكلت وصعدت أقرأ لأن مابقه شيء لامتحاناتي بقت بس 3 أيام واني ذابه حيلي كولش علمتحانات أريد أطلع معدل  المهم بقيت أقره 4 العصر دك تليفوني رديت عليه هاذه مراد كال حضري نفس راح اجي نطلع كتله ماكدر أجله عله غير يوم الطلعه لأن عندي متحانات كال ماشي راح اجي اشوفج وسديته كما بدلت لبست تراك كلش حلو وشعري سويته ذيل وخليت مرطب مال شفايف ومورد مال خدود طلعت اخبل اندك الباب اني نزلت جان هو شوفوني ووو .....تعبت ماكدر اكمل
يتبع .......
الساعه 12 وجاي أكتب قدرو تعبي لو سمحتم