ماضي مولم وحاضر قاسي

البارت السادس عشر

شكرا عله تفاعلكم اسفه عله التأخير بس والله فترة امتحانات وتاخرت اعذروني وراح اعوضكم إنشاء الله
لاتنسون صوتو

منسه المندلاويه
....................................................................................
مرام :مر شهر عله زواج مرات وهو وره الزواج نزل البغداد عل دوام مالته اني ماهتمله اصلا حته
من يجي اعامله معامله اخويه واتعمد اصيحله اخويه صار بيناتنه مسافه لا هو يشوفني ولا اني
بس هو مايقصر اذا طلبت منه شيء واذا يجي من الدوام ايجبيلي اني سرى حلويات من بغداد الي
اني احبهم ومرات من الخاصكي او من الدرويش بلمختصر لازم ايجيب اليه شيء واني اضل متلهفه
انتضره من الباب اذا ايجي اني ومرته مصافين صح احسه تكرهني بس اني ماحاجيه ابد ابد مينسه
معامله وياي مثل ميعامل سرى بضبط اني ماهتم ابد واني إليه غرفه فوك قريبه عله غرفته وملابسه
كل يوم اغسلهن بدون ميدري بحجة سرى تغسلهن
اليوم اييذيعون  النتائج واني متوتره وراح مرتضى ايشوفه إليه
مرتضى :مرااااام
مرام :نعم هااا بشر
مرتضى :متوقعتج هيجي كسوله واكعه بواحد بلفيزياء
مرام :صارت الدمعه بعيني بس مابجيت ضليت ابكاني واكفه ودخل مراد
الكل سلم عليه اني درت وحي ورحت صعدت فوك حيل ضجت لأن تعبت
وتاليته بواحد

مراد *
مر زواجي عادي معاملتي وياها جسديه لأن ماحس بشيء اتجاها هيه اتحاول
تجذبني اله وتلبس لبس مغري اني مو نبي رجال واله غريزته أما مرام
اني صرت أحس روحي ضالمه هيه بنيه وطفله بعدهي واني صح مامطيه
حقوقه كزوجة إليه بس هيه راضيه وتاعملني مثل أخوه اني ماهتم بس أحاول
ماخليه تحتاج شيء وهيه ابد مشفت منه شيء سيء أبدأ بل عكس مهمته باهلي
وكله تحبه حته ولد عمي مرات اشوفه تلعب وياهم بس اليعجبني بيه صح هيه
ماعتبره مرتي وكتلهم ماهتم بيه وشتردون سو وهيه بعتبار مو عله ذمتي
بس ماشفته فد يوم اتعدت الحدود ويه واحد بلعكس ومعتمه بلبسه وبححابه عكس امل
الي ما تهتم بروحه بس لمن ادخل للغرفه ولبسه كله ضيك وملابس لازم كل أسبوع ياله تغسلهن
واني اتخبل من هاذه الشيء مرات اصفن اكول مرام جانت كل يوم تغسل الملابس والغرفه
اتخبل جانت والملابس 24 ساعه نضيفات وهسه اوديهن السرى لأن حته لو اكول المرام
مالي حق لأن هيه صح زوجتي بس ماعتبرته كزوجه ابد واليوم نزلتي جبت وياي حلويات
من الخاصكي التحبهن مرام ودخلت سلمت عله اهلي بس هيه واكغه بكانه اتفاجئت بيه
ماجتني وراحت صعدت فوك
مراد :مرتضى شبيه مرام
مرتضى :والك ضحكت عليه كتله راسبه بواحد بلفيزياء ردت اضوجه اشويه
وردت اكلله وانته دخلت ونسيت
مراد :لك انته غبي ليش هيجي اتسوي انته نتعرفه اشكد حساسه بله انطيني النتيجه اشوفه بله
انطاني النتيجه جان انصدم لك هاي شنو
مرتضى :هههه اي والله حته اني انصدمت مثلك بله وحده مثله أطلع معدل
مراد :يله اني راح اصعت اله حته اخبره
امل :او عيني ليش تصعدله خلي غيرك يصعدله مايصير يصعدله هو متزوج
بيبي :ولج انتي ليش متلصمين اشو هو رجله مثل ماهو رجلج وهيه أحق عليه لأن الأولى
امل :اوي عيني
مراد :امممل راح اسكطج روحي من وجهي
صعدت غرفه مرام شفته كاعده عله جربايه (سرير)من دخلت فزت
مرام :هااا خويه مراد محتاج شيء جاي عله غرفتي مو من عوايدك
مراد :والله اجيت انطيج انتيجه
مرام :هه اذا اني راسبه شسوي بيه
مراد :ههههههه علقل شوفيه دهاج هاج
مرام :اخذته منه وجان انصدم اني ناجحه اضليت اككمز وحضنت مراد فرحانه بس يأبه
حضنه ايخبل جنه حضن بابا
مراد :لمن لمن حضنتني أحس شيء جواي اتحرك اول مره أحس بهيجي شيء كل تعبي راح بس
حضنتني ردته متوخر مني
مرام :انتبهت عله روحي اسفه بس منفرحتي
مراد هاء لا عادي يله جبت حلويات من الخاصكي روحي اخذي حصتج وطلبيني هديه يادكتوره
مرام :شكرا خويه مرام لاتعب روحك ميحتاج
مراد :لا عيني شنو ميحتاج بعد صرتي دكتوره يله اترخص اخذي راحتج
مرام :الله وياك
مرام :فرحت أوف راح أصير دكتوره او اخيرا حلمي راح يتحقق نزلت اتغديت 
وغسلت المواعين وصعدت خابرت مصطفى
مرام: الو هلو صوفي
مصطفى :هلو خوخه اشلونج شخبارج
مرام :الحمد الله مشتقتلكم والله
مصطفى :والله حته اني يروح مصطفى البيت بدونج فارغ
مرام : ههه اي طبعن غير اني الماليه البيت
مصطفى :هههه اكول خوخه بلعافيه علنجاح يادكتوره 
مرام :لك شمدريك
مصطفى :غير جبنه انتيجه مالتج من المدرسه
مرام:هااا لك اشلونه بابا
مصطفى :والله تعبان بغيابج ومرات أشوفه يروح يكعد بغرفتج بليل ويبجي
مرام :أخ ياحبيبي يابا اني راح أحاول أحاجي مراد بلكت يقبل واجي
مصطفى :إنشاء الله يقبل
مرام :يله أبو اصوف رايحه اني سلملي عله الكل
مصطفى :الله يسلمج حب باي
مرام :سديت الخط من مصطفى باوعت الساعه 5 كلت هسه اكيد كاعد خلي اروح احاجيه
رحت جوه ملكيته دورت ماكو سألت سرى كالت بغرفته رحت بس مستحيه منه دكيت باب
الغرفه سمعته كال
مراد :جنت العب بلمبايل وأمل نايمه ادك الباب اكيد سرى ماكو غيره صحت منو
مرام :اني مرام
مراد :طلعت فتحت الباب هااا مرو محتاجه شيء
مرام :بصراحه اني لازم احجي وياك
مراد :ماشي أمشي ورايه رحنه عله غرفته كعدت وهيه كعدت يصفي اتفضلي احجي
مرام :ماعرف اشلون احجي أريد اطلب منك طلب بس لتردتي حباب
مراد :لا تستحين مني انتي مو اتكولين انته مثل اخوي اطلبي التردينه هاي أول مره تطلب شيء مني كلت شرح تطلب
مرام :أريد اروح الا هلي مشتقتلهم وصارلي شهرين ونص مشايفتهم حباب خليني اروح
مراد :ماكو داعي بس انتي كبرتي بعيني تدرين لأن مارحتي لابويه وكتيله اجيتيني وسويتيلي قيمه
مرام :اسمعني صح احنه مابيناتنه شيء وره كم شهر نطلك بس اني اضل زوجتك كدام العالم
وكدام الله مايصير أطلع اذا مكانته تدري الله يغصب عليه خالتي كالت لازم البي كل أومر زوجي
حته لو مابيناتنه شيء حته الله يرضى عليه
مراد :ضليت صافن عليه صدك اكبر من عمره ولاجنه 18 سنه عمره
اني اخذج وروح بس من تخلص اجازتي يعني بعد 9 ابام وروح اوصلج بطريقي
مرام :تمام شكرا
مراد :لا عادي هاذه منحقج انتي هم الج حقوق عندي تره مو بس اني عندي حقوق
مراد :طلعت من الغرفه واني افكره بيه معقوله حبيته ماعرف شديصير بيه

.......يتبع

تفاعلي ودعموني وصوتو بليز لا بس تقرون والله جاي أتعب هواي بكتابه البارت
أرجوكم ادعموني