ماضي مولم وحاضر قاسي

البارت السابع ☺☺

بدون مقدمات يله نبدي

مراد:اني بلدوام رجعت الساعه 2 للبيت لكيت البيت هدوء كلت اكيد نايمين ردت اكل اكيد هسه مرام كاعده خلي اروح اكله تسويلي اكل رحت الغرفته لكيت محد موجود والغرفة ضلمه كلت وين رحت الغرفتي بدلت وشويه ونزلت لكيت أحمد كاعد شفته ضايج كتله
مراد :السلام عليكم
أحمد :وعليكم السلام
مراد :اكلك لعد علي وين (اتقصدت اسأل عله علي حته اعرف وين مرام )
أحمد بحزن :والله ياخويه راحو البغداد
مراد :شنو اشوكت شو اني مادري
أحمد :شبيك خويه غير رجعو البيتهم اليوم راحو
مراد :هااا ماشي يله زين انته اشبيك
أحمد :مابيه شيء
مراد :ضربته عله ايده عله كيف كتله من يمته اتضم عليه هااا ولك
أحمد :اه خويه لو تدري شنو البكلبي اني حبيت بس حب منطرف واحد
مراد :اشلون يعني اعترفتله
أحمد :اي اعترفتله بس رفضتني بكل صلافه
مراد :خويه متستاهل لاتضوج روحك وانسه انته ميت وحده تتمناك بقت بس عليه خلي اتروح
أحمد :ولك خويه موهنا المشكله مشكلتي ماكدر انساها اني احبه
مراد :مرت الأيام واني كل يوم اشوف اخوي يدمر حته صار ايدخن
مرام :بعد مرجعنه من البصره كلش نفسيتي تعبت ومر تقريبا شهر ورجعت داومت وبدت المدارس والامتحانات وحاولت انسه مراد بس ماكدر صح مده قصيره بقيت يمهم بس بديت اشتاقله اه شكلي انعجبت بيه اني شد احجي لازم انساه اني اليوم عندي مراجعه عند الدكتور وراح اروح اني وبابا بدلت ونزلت رحنه وصلنه ودخلنه كبل لأن احنه حاجزين والدكتور يعرفني من السنين اتعالج يمه
دكتور :أهلا وسهلا أبو علي شلونج مرام
أبو علي :الحمد الله
دكتور :يله اتفضلو حته نبدي بلتحاليل
مرام :بده الدكتور يسوي التحاليل والفحوصات المهم وره ماكمل كل التحاليل احنه طلعنه بره ننتضر وراها دخلنه للدكتور
الدكتور :بصراحه اني ماعرف شكول بس مرام حالتج كلما جاي تسوء مجاي اشوف تحسن من أربع أشهر اني خايف انو لتكون ايامج معدوده
أبو علي :شنو دكتور فدوه ماكو علاج شيء تره اني ماريد أخسر بتي
دكتور :صدكني هاي الأدوية كله مسكنات والحل بس العمليه واني جاي أحاول الكه قلب مناسب المشكله مرام انسجته كله نادره
أبو علي :زين شرايك اخذه للخارج
الدكتور :تره نفس الشيء بس مصاريف لأن جميع راح يكلك لازم قلب وانته مو رحت ال فرنسا والبنان وللهند نفس الكلام كالو بس الشيء السويته انو بقه اسمه بلدول الرحتوله وهاذه بصالحنه اذا الكو قلب مناسب ممكن يتصلون بيك
أبو علي :ماعرف شكول بس الله ايكون بعونه
مرام :اني بس اسمع هجيهم احس صرت صنم ماعرف شسوي بس الحمد الله عله كل حال كملنه ورحنه للبيت بابا حجه كلشي لخواني وهمه ضاجو حيل بس ميساء أحسه فرحت المهم المهم اني غلست منه صعدت الغرفتي بقيت أقره الامتحان مالتي
مراد :اني بهل شهر كضيته انذارات ارجع للبيت قليل واشوف أحمد علنفس حاله بس ايدخن وصار مايكل ويكعد وحده ومره حته راد يكتل روحه اني هنا قفلت عندي اله اعرف منو هاي لبنيه رحت الغرفت أحمد لكيته كاعد وصافن
مراد :أحمد خويه لسوي هيج بروحك تره جاي اتعذبني هواي
أحمد :خويه كلبي الغبي الحب الماعرف ايحب جاي اتعذب والله
مراد :زين منو هاي الي اخذت عقلك اني أعرفه احجيلي مأكل الواحد
أحمد :انته تعرفه
مراد :شلون اعرفه
أحمد :البنيه الحبيته هيه مرام بت خالتي حبيته ورفضتني اكيد اتحب واحد هسه لأن اليرفض ايحب واحد
مراد :اني انصدمت كولش لأن ايبين عليه بريئه وطفله اشلون كدرت اتسوي هيجي اني راح اندمه هواي راح اعذبه مثل ماعذبت اخوي أحمد وداعتك خويه راح اندمه الك
أحمد :اكعد لاتسويلنه مشكله
مراد :لا تخاف محد راح يعرف بهذا الشىء بس لازم تتعاقب اني أعلمه راح أطلع الدلال كله من اعيونه
أحمد :اشلون
مراد :.راح ...............
أحمد :بس انته هيج راح ادمر نفسك وياها
مراد :لا اني بل عكس راح أرتاح من اعاقبه
أحمد :عله راحتك بس ماريد تندم بعدين
مراد :لا مستحيل أندم
مراد رحت الغرفتي وقررت انفذ الخطه راح انتقم بيه من مرام .......
يتبع ...........
اني نزلت هاذه البارت قصير لأن جاي اتعب ومحد ايقدر تعبي