ماضي مولم وحاضر قاسي

البارت السادس 😉

أرجوكم أريد تفاعل

مراد :إجه علي جاب دوه حط تحت السان منه اني من حط تحت السان عرفت هو مال قلب وشاله وداه الغرفته اني وياه لأن جنت خايف هواي عليه ويعدين غطاها بلحاف وطلع وطلعنا اني وياه
علي :مراد شلون صار وفقدت الوعي وشنو جانت اتسوي ابغرفتك
مراد :بصراحه اجتي حته تنطيني الجاكيت درت ماحسيت غير وكعدت
علي :هااا اوكي اصلا عادي احنه متعودين عليه هيج ماراح تصحه للصبح بس اتذكر مو لازم أحد يعرف
مراد :ماشي مراح اكل الواحد عله راحتك بس شنو بيه
علي :اني ماردت اكوله كتله هيه لمن تكون تحت ضغط وتوتر لو خوف راح تفقد الوعي وولازم انطيه دوه حته تستعيد الوعي
مراد :زين انتم باجر اطلعون
علي :راح اكل البوي همه ايطلعون واني ومرام نبقه ماريده اتسافر وهيه بهيج وضع
مراد :ماشي اني اروح اتاخر الوقت تصبح عله خير طبعن رحت بس بقه بالي يمه مادري ليش رحت الغرفتي ولا كدرت انام تفكيري يمه بس لازم احجي وياها قبل لاتحجي العلي عله اليصار ويصير مشاكل بس اني باجر لازم اروح الدوامي بعد ساعات من التفكير كعدت الساعه 6 كمت بدلت وطلعت ردت أشوف مرام دخلت الغرفته شفته نايمه وعلي نايم عل قنفه يمه كلت بكلبي شكد ايحبه ويخاف عليه بس هيه تستحق وننزلت والكل نايم كعدت علميز بلمطبخ أكلب بلفون
مرام :وره مافقدت الوعي فزيت باوعت اني بلغرفه مالتي يعني بيت خالي باوعت شفت علي نايم يمي عل قنفه ابتسمت غطيته ودخلت للحمام سبحت وبدلت وطلعت أخذت فوني ونزلت كان البيت هدوه دخلت للمطبخ شفت واحد لازم الفون مالته رفع راسه هاذه مراد اني خفت وتذكرت الي صار بس سويت روحي قويه
مراد:صباح الخير
مرام :صباح النور
مراد :اشلون صرتي
مرام :احسن
مراد :اسمعيني اني آسف مادري اشلون سويت هيجي اعذريني اريدج اتسامحيني
مرام :بس انته السويته غلط
مراد :اعرف لهاذا جاي أعتذر منج وخلينه نبدي صفحه جديده
مرام :سمعني زين هاي آخر مره اتسوي هيجي هاي المره عبرته بس المره الجايه صدكني .......قاطعه
مراد  بعصبية :انتي تدرين اول مره وحده تحجي وياي هيجي ويهدد اني اجيت واعتذرت بعد شسوي يعني
مرام :خفت منه شكله وهو عصبي ايخوف اوكي سامحتك زين علي اشكتله
مراد:ماكتله شيئ كتله اجت الغرفتي انطتني الجاكيت وكعت واني صعتله وبعدين وداج للغرفه واني سألته ليش فقتي الوعي
مرام :وهو اشكال
مراد :كال بس من التوتر والخوف ايصير وياها هيج
مرام :هااا أبي صح أحيا يصير هيجي وياي المهم عله العموم اني سامحتك وخلي ننسه الي صار
مراد :صحيح اهلج راحو
مرام :شنو شلون يرحون
مراد:يول اشبيج راحو أصبح علي البارحه حاجه ابوج تبقون كم يوم هنا
مرام :صدك مامصدكه ههههه
مراد :ههه يله يلمجنونه سويلي ريوك أريد اروح للدوام
مرام :شنو اني
مراد :لا اني الاسويه طبعن انتي لا تكليلي متعرفين هههه
مرام بخجل :لا أعرف بس ماسويت الواحد قبل وهسه انته اول شخص راح تأكل من أيدي
مراد :ااا اهنا الحجي ايخافون خاف ايموتون يله بنيتي سويلي اكل
مرام :اي انتصر سويت الريوك واني متوتره اخاف ميعجبه هو اني ليش مهتمه الرايه هلكد كملت وخليته كدامه وكتله شنو رأيك
مراد : اممم يعني ماشي الحال
مرام بحزن :يعني موطيب هاا كول تره مازعل والله
مراد :والله طيب عمي بس ردت اضوجج اكلت وكمت كتله يله اني رايح
مرام :كمت وراه ودعته مادري ليش
مراد يله بأي طبي جوه ولطلعين منا الشارع
مرام :ماشي بأي
مراد :ههههه بايات 
مرام :راح واني طبيت للبيت كعدت عل ميز اكل اجت بيبي
بيبي :صباح الخير
مرام :صباح الأنوار
بيبي :إنشاء الله مرتاحه يمنه
مرام :والله بيبي انتم مامقصرين بشيء
كعدو الولد كل واحد عله كرسي يردون يرحون للدوام اجني البنات سون ريوك وره اجتي مرت خالي راضي سوت اكل للعرسان
وره نزلو همه والكل يهلهل ويهوسون اني بلمطبخ واكفه بس ابتسم إجه أحمد وكف يمي
أحمد :ليش وحدج واكفه تعالي الغرفت بيبي يم البنات
مرام :هاا لا مرتاحه اهنايه اني ماحب الهوسه اضوج ما اتحمل
أحمد  :ماشي عله راحتج  تدرين انتي احله من العروسه
مرام :شكرا الك
أحمد :هاي حقيقه اني طبعي ما أجامل كلشي بكلبي اكوله
مرام :صدك اني همين
أحمد :بيناتنه نقطه مشتركه
مرام :ههههههه
فديت الي ضحك
مرام هااا اني اروح أسلم عل عرسان
رحت ماعرف ليش مارتاح وياه أحسه اله غايه من الكلام هاذه عكس اخو لمن يحجي وياي ماعرف ليش ارتاح دخلت للغرفه مال بيبي شفت مرتضى ايخبث عله الكل ويضحك عليهم ويحشش ويرزل بلكل فتقربت عليه
مرام :مبروك مرتضى وانشاء الله يوم ان شوف جهالكم وانتي همين حبيبتي لمى
مرتضى :شكرا حبي بس اشو هنا اشعجب مارحتي
مرام بخباثه :هاا يعني طرده بنزاكه مو خلص اني رايحه عله علي وأكله انروح وجودي غير مرغوب بي
مرتضى :لا والله مو هيجي مجان قصدي بس اسمعيني
راضي :ولك انته اشلون  تحجي هيجي ويه بت خالتك لك تبقه عله راسك متحجي افتهمت
مرام :هههه خلص خالي مازعلت بس ردت انصب عليه لأن شفته ايرزل برايح وجاي كلت خلي يترزل ويثكل اشوي
مرتضى :هيجي يعني تردين اتخليني اترزل ولج اني ملك الخباثه والمقالب بلبيت وانتي جاي تتحديني رآه اتندمين ههه
مرام :ههه وشرح اتسوي مثلن لك الطيور عله اشكالها تقع
مرتضى بضحك  :خليتج ابالي وراح تندمين وبيناتنه الأيام
مرام :خلي انشوف والكل يضحك علينه وعلى سوالفنه ليكول نعرف بعض من احنه ازغار
المهم مرت الأيام عشت احلى أيام مرت 3 أيام كال علي باجر انروح اني ضجت بس كلت لازم اروح بليل الساعه تقريبا 8 كعدت بلحديقه جان إجه أحمد
أحمد :أريد احجي وياج
مرام :تفضل
أحمد :ماعرف اشكول بس اني احبج
مرام برتباك :بقيت مصدومه سحبت نفس وكتله اني اسفه بس ماريدك تتعلق بيه أكثر اني مافكره
أحمد :اخذي وكتج كله
مرام :القصه مو قصت حجي لو شيء بس اني ماعندي مشاعر لأن معتبرتك مثل أخي وماريد أفكر بيك لأن ماريد ارتبط بأي واحد
أحمد :اوكي شكرا أنسي كلشي مصار شيء
مرام ء:اسفه والله مجان قصدي ارجوك لتسوي هيج
أحمد :اني الي أسف حبيت وحده انانيه
مرام :اني حيل ضجت لأن ماردت اضوجه مني واني رفضته لأن ماردت ادمر حياته اني حياتي ماعرف شنو نهايته يعني احتمال اموت او اعيش ماعرف ماريده يتورط بيه رحت دخلت للبيت وصعدت كبل للغرفه حته متعشيت نمت وبعدين كعدت الساعه 7 عله المنبه لأن راح نرجع البفداد نزلت جوه لكيت الكل كاعد ماعدا أحمد ومراد اكلت وياهم وعلي صعد الغراض الكل جان حزين عله روحتي واني اتمنيت اشوف مراد ماعرف ليش احس روحي مخنوكه اول مره احس هيجي شعور علي سلم عل كل واني همين وطلعنا لبغداد وووو  ...........يتبع

أريد تفاعل بليز