Royal Universe(KRISYEOL)

2

မြို့​တော်​ခန်းမတွင်း၌​တော်​ဝင်​မင်းသားWu Yifan​နှင့်​မြောက်​ကိုရီးယားနိုင်​ငံမှ သံတမန်​သည်​နှစ်​နိုင်​ငံချစ်​ကြည်​ရေးအတွက်​အစည်းအ​ဝေး ပြုလုပ်​နေကြသည်​။ နယ်​စပ်​ဒေသငြိမ်းချမ်း​ရေးအတွက်​ဖြည့်​စည်းရန်​လိုအပ်​သည်​များကို ညှိနှိုင်းပြီး ငြိမ်း​ချမ်း​ရေးသဝဏ်​လွှာ၌ လက်​မှတ်​ရေးထိုးကြသည်​။

အခမ်းအနားပြီးဆုံးသည့်​အခါ နယ်​စပ်​ဒေသအကြီးအကဲကဦး​ဆောင်​၍ မင်းသားနှင့်​နောက်​လိုက်​နောက်​ပါများအား တည်းခိုရာ​နေရာထိုင်​ခင်းသို့ ပို့​ဆောင်​ပေးရသည်​။

"အခုလို နယ်​စပ်​အထိ ကိုယ်​တိုင်​လာပြီး​ဆောင်​ရွက်​ပေးတဲ့အတွက်​ကျေးဇူးတင်​ပါတယ်​မင်းသားWu "

"နယ်​စပ်​ဆိုတာလည်း ကိုယ့်​နိုင်​ငံတွင်းတ​နေရာပဲ​လေ...ကိ်ုယ့်​နိုင်​ငံအ​ရေးဆို​တော့ လာကြည့်​ရတာ​ပေါ့ ...အကြီးအကဲ​ရော ..​ဒေသတွင်း ဖွံ့ဖြိုး​ရေးစီမံချက်​တွေ အဆင်​ပြေရဲ့လား"

"​ပြေပါတယ်​...အရင်​လကလည်း သံတမန်​ရေးဝန်​ကြီးByun ကိုယ်​တိုင်လာပြီး ဟိုဘက်​နိုင်​ငံသံတမန်​နဲ့​ဆွေး​နွေးပါ​သေးတယ်​...ပြီး​တော့​ဒေသတွင်း အခက်​အခဲ​တော်​တော်​များများ​ဖြေရှင်း​ပေးသွားခဲ့လို့ အဆင်​ပြေပါတယ်​...​နယ်​စပ်​ဒေသခံ​တွေနဲ့လည်း ရင်းရင်းနှီးနှီး​တွေ့ဆုံခဲ့​သေးတာ"

အကြီးအကဲ​ပြောသည်​များကို​ခေါင်းတညိမ့်​ညိမ့်​ဖြင့်​နား​ထောင်​နေရင်းမှ လက်​ရှိနိုင်​ငံ​ရေး​လောကမှာ မဲဆွယ်​မှုအများဆုံးရရှိထားတဲ့ သံတမန်​ရေးဝန်​ကြီးByun အ​ကြောင်းကို စဉ်းစား​နေမိသည်​။​ကျော​ထောက်​နောက်​ခံ​တောင့်​သောလူ ။လာမယ့်​ရွေး​ကောက်​ပွဲအတွက်​တစ်​ပြေး​နေ​သော သမ္မတ​လောင်းလျာတဦးပင်​။

မြို့​တော်​ခန်းမမှအထွက်​ဘေးမှာအမြဲရှိ​နေ​သော သက်​တော်​စောင့်​Oh က ကားတံခါးအား အဆင်​သင့်​ဖွင့်​ထား​ပေးသည်​။ ကားထဲသို့မဝင်​ခင်​ပြည်​သူလူထုအား​နွေး​ထွေးစွာ နှုတ်​ဆက်​ဖို့သည်​လည်း မ​မေ့သင့်​သည့်​အရာတခု ။ တာဝန်​ကျေစွာပင်​မျက်​နှာထက်​ပြုံးပန်းဆင်​လျက်​နှုတ်​ဆက်ပြီးမှ ကား​နောက်​ခန်းထဲဝင်​ထိုင်​နေလိုက်​သည်​။