مدخل
الى عيونٍ سحرت قلبي فرمتهُ طريحاً في حبها
.
.
وكيف لِضحكتها أن تغيث قلبي عشقاً فيستقيم في هواها
سامر :حلوتي ساعه 12:00 عندي ريست شنو رئيج نطلع نتغده خارج الجامعه
رنا:ماشي بس ع حسابك ههههه
اساور و احمد :لا ماكو طلعه ننجمع كلنا بلكفتريا(نادي طلابي) تره نغار منكم انتم طلعون واحنه نضل صافنين وهاذه اخر يوم وتخلص المرحله الاولى
................
ساعه 12:00
اساور :هلو شباب تره اني ميته جوع خلي نطلب اكل بسرعه
احمد :صار برنسيسه اساور ادللي هسه نطلب كلنه صاج ع حساب سامر
سامر :الله يصبرني عليكم راح افلس من وراكم بس انتضرو رنا وصلت
رنا :هلو
سامر :شبيج رنوشه ليش وجهج اصفر
احمد:رنا ليش ماسحه مكياجج طالعه اخويه
رنا:احمد😒 ...مابيه شي بس دخت شويه بلمحاظره وغسلت وجهي
«رن تلفون اساور»
اساور :هلو ماما
ام اساور:تعالي هسه للبيت ولا تسالين ليش من تجين تعرفين
اساور : صار هسه ارجع للبيت
اساور :شباب اني راجعه للبيت جنت حابه اودعكم بطريقه الطف بس عذروني
___________________________________
«في بيت اساور»
وصلت الى البيت وليتني لم أصل.. صوت بكاء، الكثير من الناس في بيتنا ،ماذا يحدث ؟ دخلت الى البيت والا بعيني تخطف رؤيتها بجثه مرميه ع الارض ملفوفه ببياض الكفن ..مَن ؟ وكيف؟ لا استطيع تفسير ما يحدث...
اساور :ماما ليش تبچين (بكاء)
ام اساور: اشلون ما ابچي واخذو مني الغالي قتلو ابوج الي مايخافون الله
كان كلام امي اشبه برصاصه مسمومه غرست قلبي ..أبي لماذا أبي لماذا الانسان الذي أقتدي به شعرت وكأن الله يعاقبني ربما يبتليني ليختبر صبري ...صوت بكاء أمي يقطع قلبي اشعر اني وحيده في عالم فارغ يملئه الحزن والخوف من المستقبل بدون ابي كيف سوف اعيش ... اخذو جثت ابي ِليدفن تحت تراب بارد لن أغفر لهم مرت حوالي ساعه وانا حتى لم تنزل مني دمعه لا استطيع استقبال الواقع
ابن عم اساور(محمد) : سلام عليكم البقاء لله
اساور : محمد فهمني شنو لصار راح اتخبل منو لقتل ابويه
محمد : ابوج قتل ابو امير شيخ عشيره الجهه الثانيه وامير قتل ابوج والدم بعده جاري عشيرتنه وعشيرتهم ...
اساور : محمد ليش ابويه تره ابويه مو مجرم
محمد : والله ماعرف ليش بس لمهم ناخذ حقنه منهم ونرجع ثارنه لواحد بعشره
_________________________________
«في بيت امير»
ام امير :ابني مانريد هاذه دم يستمر لازم توكفه اني واثقه بيك راح تلكه حل ..انت ابن ابوك الله يرحمه لسه مانشف ترابه
امير : ان شالله واني ماريد يستمر اني اخذت بحق ابويه ماريد نبقه ناكل بلحم بعض
ام امير : شنو الحل ياأبني
الحارس : امير جتنه اخباريه انو باجر راح يهجمون علينه
امير : محلوله محلوله اني راح اروحلهم بنفسي
ام امير : اشلون هيج بلكي اخذوك غدر وقتلوك
امير: ولو ام امير اني امير مانغدر محلوله وربج
……………………………………………
راح امير لشيخ عشيره ابو اساور
امير: اني ما جاي اقتل احد جاي احجي جوز كلام وياكم ...هاذه الدم اذا استمر راح تصير مجزره لا احنه راح نسكت ولا انتم فلازم نلكه حل افضل من الارواح الي راح تموت بلا ذنب
محمد : الحل هو نقتلك وناخذ بثارنه
شيخ العشيره:لا محمد امير جاي بدون سلاح ورايد الصلح مايصير نغدره...
يوم الجمعه جيب شيوخ عشيرتكم ونسوي اجتماع ونحاول نلكه حل بس كلنا لباجر مانريدكم تقتلون احد ولا احنه والا راح يصير شي مايعجبكم
امير : اولا احنه مانتهدد بهيج كلام ثانيا امير من يحجي كلمه تنحط ع كل شوارب عشيرتي وتتنفذ __________________________________
أني مقبره وعلى قدميها تسير توفت ضحكتي وروحي بعدك
هل توجد باب للعوده بعد الموت هل لي أن أعيدك ولو للحظه
تعبت من وداعك ومامره عليك غير يومين فقلبي مرهف عليك
……………………………………………
«مجلس اجتماع العشيره»
تم حكم الاعدام عليَ او ربما ع كلانا فقد قررو بزواجي من أمير لكي يقف الدم لكن بعد موافقتي وموافقت أمير ..أمير وافق لان لايوجد حل اخر له ...اما انا فبعد تفكير لمده يوم واحد فقط قررت الموافقه لن أغفر لهم
ام اساور : اساور بنتي الاحد ياخذوج لبيت امير متاكده من قرارج
اساور: راح اتزوج الي قتل ابويه وين الرحمه بلموضوع والموافقه بس ماعندي غير حل
ام اساور:ابوج الله يرحمه غلط وانتي راح تدفعين ثمن غلطته
اساور:ابويه اكيد قتله لسبب ومايهمني السبب المهم هذوله قتلو ابويه
ام اساور :جتي رنا تعزيج
رنا : اساور حبيبتي البقاء لله
اساور : رنا راح أتزوج الي قتل ابويه والله الموت ارحملي
رنا :عزززززززه ليش سولفيلي
.
.
.
.
___________________________________امير : ماما شنو راح اكول الخطيبتي سما اشلون راح افهمها انو راح اتزوج غيرها
ام امير : انت مظطر يابني وسما راح تتفهمك
روح هسه وحاجيها
......................
امير: الووو هلو سما اشلونج
سما : هلا كلبي الحمد لله
امير : اريد اشوفج عندي هواي حجي لازم نحجي
سما : خير حبيبي احجي
امير : نلتقي ونحجي
سما : اوك
امير : لعد تحضري راح اجي اخذج
سما : اوك نصف ساعه واكون جاهزه ...باي حياتي
امير : الله وياج
بعد مرور نصف ساعه
سما : هلو امير خير خوفتني
امير : شوفي سما اريدج تفهمني وبلاخير القرار الج
سما : احجي تره خوفتني
امير : راح اتزوج بنت الي قتل ابويه حتى يوكف دم هيج قررنا
سما : شنوووو ....واني شنو وشراح يصير بخطوبتنه ...احجي امير لا تسكت
أمير :سما لاتبجين ولا تصيحين اني هم ماحاب هاي زواجه بس الشرع حلل اربعه واني احبج الج بس خل تعدي هاي الفتره وارجع اتزوجج
سما: أمير انت شبيك اني مستحيل اتزوج ع ظره (زوجه ثانيه) هاذا كلام مو منطقي
أمير: يعني شبيدي ماكو حل غير هيج
سما :ماشي امير ماشي اني راح اسافر واكمل دراستي برا وخليك انت وست الحسن الي راح تزوجها تتهنون ومراح اسامحكم ع سويتو بيه ....باي أمير
أمير : سما اوكفي لاتروحين سما سما سما ....اوف ياربي ساعدني خسرت سما وراح اتزوج وحده ماعرفها
هل هاذا ما يسمى بلعبة الحياه كيف أصبحنا بعد هاذا الحبّ بعيدين
راضٍ أن نبقى صديقين،جارين،او حتى غريبين ولكن بقربك هاذا أرحم من أن نقول (وداعاً) لكنك لم تود ذالك بل اخترتِ الرحيل
___________________________________
«مكالمه جماعيه»
سامر :الو رنا اشلونج
رنا : اشلوني واساور مات ابوها وراح يزوجوها للقتله
سامر واحمد :شنو راح يزوجوها ليش
رنا :حتى يوكف الدم
احمد :لازم نساعدها بس شلون
رنا :ماكو حل باجر راح يزوجوها ....باجر نروح للجامعه نجيب نتائجنه ونجيب نتيجه اساور ويانه
احمد : خطيه الله يساعدها على مصييتها
رنا : امين
__________________________________
🌼🌼🌼🌼🌼🌼🌼🌼🌼🌼🌼🌼
اتمنى يكون عجبكم البارت
تصويتكم وتعليقاتك تسعدني 🤗🤗
أنت تقرأ
قولي لِقلبكِ أنني أحببته
Lãng mạnالروايه تتحدث عن اربع اصدقاء يدرسون كليه صيدله مرحله اولى لكل شخص بيهم راح تصيرله قصه معينه بحياته ( تحتوي الحب،الانتقام والحزن ،الفكاها) وهي بلهجه العراقيه «هاي اول روايه الي اتمنى دعموني بلتصويت وتعليقات حتى استمر »
