احمد :صباحكم سكر يشبهني
رهف وقصي : هههه صباح نور
قصي : احمد انت ملك التحشيش
احمد : ولو اني ملك بكلشي تره حتى لملك البشطرنج هاذه استنتجو من ملكوتي
رهف: يابه شمغرور فلا ينطيك وجه ويمدحك
احمد : حقج مظغوطه من جمالي لان انتي جكمه وخشمج جبير جنه كبايه وعيونج صغار جنهن دكم مال قميصي وكصيره طولج شبر وماتعرفين تلبسين هدوم انيقه
رهف : عزززززه بعينك شكد نذل والله اني مو هيج شوهت خلقتي
قصي : احمد اذا انت هيج تعاملك وي البنات بحياتك مراح تحبك بنيه لازم تصير اكثر لطافه فضحتنه
احمد : يمعود اني مو مال حُب
بعد مرور نصف ساعه
قصي : شباب اني عندي شغل تكدرون تمشون صيدليه وحدكم
احمد ورهف : يي ولا يهمك
احمد : يي رهف اححيلي عن نفسج شويه
رهف :شتريد تعرف ؟؟
احمد : احجيلي اي شي
رهف: امممم عمري راح ادخل ل 20 من عائله بسيطه اصلي من ديالى مو من بغداد بس ماما من بغداد بس ماما وبابا نفصلو واني بقيت وي ماما ورجعنه عشنه بيت جدو بغداد واحب الرسم هواي جنت اتمنى ادخل كليه فنون جميله بس مظطره لان لازم اساعد ماما ...اكو شي بعد تريد تعرفه
احمد : امممم يعني سؤال خاص بس اذا تريدين لاتجاوبين
رهف : تفضل اسال
احمد : انتي مرتبطه او عندج حبيب
رهف : ههههههههه لا بعدني زغيره ....احجيلي عنك انت
احمد : (اخذ نفس عميق ) اني اني
احمد من بغداد اكبر منج بسنتين بس بسبب ظروف تركت سنتين بلمدرسه ابويه وامي متوفين جنت عايش بيت عمي بس مرت عمي ماتنطاق رغم انو عمي يحبني وهسه عايش بشقه زغيره وحدي واحب الرياضه هواي وماعندي علاقه عاطفيه بس عندي اصدقاء يسون الدنيا اسمهم سامر ورنا واساور بنفس جامعتي
رهف : ربي يديم صداقتكم
احمد : تسلمين ورده
احمد : فد يوم اريد اعرفج ع اصدقائي متاكد راح تحبيهم
رهف : ان شالله
......................................................
ام امير : الووو نعم ..منو ويايه ....شنو ياستر يارب .. بيا مستشفى نقلتو كلولي ابني عايش بي شي ؟؟ ... احنه هسه جاين
رؤيا : ماما شكو شصاير
ام امير : امير مسوي حادث ومكلوبه بي السياره .... رجلي بعد ماتشيلني كلشي ولا ابني ربي احمي من كل شر
رؤيا :ماما ع كيفج هسه نروح ونشوف شصاير
ام امير : روحي احجي ويه السايق فورا
اساور :(جانت مصدومه كلش وماحجت شي جانت نيتها انو يتاخر ع شغله وتخربه مو انو يسوي حادث بلشت تفكر معقوله يموت يعيش شنو وضعه راح اكون مجرمه مثله اففففف مادري اشلون افكر هو اذا مات يستاهل هو الي قتل بابا بس بنفس لوقت من دخلت لهاذه البيت لحد هسه مأذاني بشي بلشت تفكر بكلام رؤيا انو امير انسان طيب بس اني مدا انطي مجال يظهر طيبته لان دوم اسويله مشاكل ..لالا هو يستاهل كلشي يصير بي افففف مادري بس مو ضروري يموت )
عززززه واذا عرفو اني الي خدشت تاير السياره اكيد راح يأذوني ويجوز يذبحوني ياربي شسوي اني خايفه مراح يسامحوني لازم افكر بطريقه اطلع من السالفه اذا اكتشفو الحقيقه
............................................................سامر : سلام
ام سامر : كولها عدل وكامله
سامر :السلام عليكم ورحمه الله وبركاته أرتاحيتي ؟؟
ام سامر : اني ماربيتك هيج معقوله تحاجيني من وره خشمك ع مود بنيه
سامر : وانتي بلشتي تخسريني ع مود بنيه وهي بنت اختج الي ماطيقها
ام سامر : هسه صرت ماطيقها الله يرحم ايام طفوله
سامر : انتي كلتيها طفوله بس احنه كبرنه حسي بيه كلبي عشق رنا حرام عليج تحاولين تفرقينه حرام
ام سامر : هاي نزوه مو حب واذا تزوجت بنت خالتك هم راح تحبها وبعدين شوف مصلحتك اذا شتغلت عند ابوها تصير ملك مو لاحكلي ذيج الفكَر ..عشتو يريد يجيبلي وحده ماعرف اصلها من فصلها
سامر :اني مدا اصدك انتي هاي طريقه تفكيرج
ابويه صار لازم يرجع للعراق وراح يصير التعامل وياكم غير شكل انتم حتى مدا تتحترموني وتحترمون حياتي
وراح اكلج شغله وحده (حين يحب القلب قلباً لا تبصر العين عيباً )
ام سامر : ماما اني ادره بمصلحتك
سامر : لو تدرين بمصلحتي ماجان حجيتي هيج من يجي بابا راح يصير غير حجي اني طالع هسه وتاخر يلا اجي
ام سامر : وين رايح
سامر : مادري بس مدا اطيق هاذه البيت (ضرب الباب بقوه وطلع )
ام سامر : عزززززه اني متوقعت هيج راح يصير اني حجيت وي بيت اختي عبالي ضامنه سامر واذا سامر موافق ابو راح يقبل بس اشلون اذا كال لابو واذا دره رجلي اني حجيت وي بيت اختي يعزيني ويصخمني لازم الكه طريقه اضغط بيها ع سامر حتى يقتنع ويقبل اووووف منين جتنه هاي المصيبه رنا
🍁🍁🍁🍁🍁🍁🍁🍁🍁🍁🍁🍁
تصويتكم وتعليقاتكم تسعدني 🍬🍬 حيييل احبكم
أنت تقرأ
قولي لِقلبكِ أنني أحببته
Romanceالروايه تتحدث عن اربع اصدقاء يدرسون كليه صيدله مرحله اولى لكل شخص بيهم راح تصيرله قصه معينه بحياته ( تحتوي الحب،الانتقام والحزن ،الفكاها) وهي بلهجه العراقيه «هاي اول روايه الي اتمنى دعموني بلتصويت وتعليقات حتى استمر »
