«مكالمه جماعيه»
احمد : هلو عصافير الحب اشلونكم
سامر ورنا :تمام
احمد : واخيرا حصلت شغل بس شنو من شغل بي متدربه اسمها رهف صاروخ من الجمال
سامر :يعني نكول يالله وراح تزوج
رنا : كل عقلك هاذه يتزوج وياطيحت حظ التاخذه
احمد : ههههه تدرون بيه كلبي كيه يصعد عبريه وينزل عبريه ماكدر اثبت ع بنيه.
رنا : انت بلا احساس تضحك ع البنات
احمد : هنه ينضحك عليهن اني شعليه
سامر : هسه الله يطيح حظك بوحده تخليك تكره الدنيا والنسوان
احمد : ها قصدك مثل رنا اشلون مطيحه حظك
رنا : احمد انججججب اكرهك
سامر : معليج بي حبيبتي هاذه يغار لان سنكل هسه اذا اتغزل بيج شويه يطفر من الجفاف العاطفي
احمد: ع كيفك روميو ابو الغزل
رنا : يي لعد شعبالك حبيبي ينكط عسل من يحجي
احمد : اهوووو خل اروح انام احسن انتم ماتفيدون
سامر : هههههه شفتي اشلون طفر
احمد :اكولكم والله جوعان ومادري شاكل كل شويه افتح ثلاجه واسدها
رنا : هو انت اذا تاكل حجار هم ماتشبع
احمد :شنو هاي انتم ليش هيج تعاملوني عود.هاي اني ابنكم الي راح تتبنو والله اني خطيه زغير ع هيج كلام قاسي
سامر : هههههههه ع كيفك لا تبجي باجر اجيبلك ملاهي
رنا :ههههههه تم قصفك
احمد :سامر حسابك من اشوفك ..اكولكم ليش مانلتقي بلجمعه
رنا : ماظن ماما تقبل
سامر : رنا جربي وقنعيها والله مشتاق اشوفج
رنا: اكولها واردلكم خبر
سامر :تدرون شنو مشتاق لاساور هواي خلي نظيفها للمكالمه
رنا : خاف نسببلها مشكله
احمد :خل نجرب ونشوف راح اضيفها
اساور : الو هلو اشلونكم
احمد : لج هلا انتي الي اشلونج شخبارج مرتاحه لو لا
سامر : ع كيفك احمد خلي البنيه تحجي
البقاء لله اساور ان شاء الله اخر الاحزان
اساور : ربي يسلمكم
رنا : رجلج اشلونه وياج
اساور : مكرهني الحياه من اشوفه احس دم ابويه بايده اتمنى اذبحه بايدي ...سامر احمد انتم اشلونكم
امير : هاي شدسوين ولج
اساور : شبيك
امير :سمعتج.تحجين وي ولد بلتلفون
اساور : اي اصدقائي بلجامعه
امير : ومكيفه تكولها بفخر جيبي تلفون (سحب تلفون من ايدها )
الووو اسمعوني زين اساور صارت متزوجه ممنوع تتصلون بيه مره ثانيه (وسد الخط)
اساور : (نزلت دموعها وتشهك من الخوف ) ليش هيج سويت فشلتني كدامهم والله همه بس اصدقاء
امير : ومنو سمحلج تحجين وي ولد اني ماقبل بهيج شي انتي مره متزوجه
اساور : (ضحكت بستهزاء) متزوجه ليش هاذه اسمه زواج انت تدري كلش زين انو ظلمتني وظلمت نفسك بهاذه الزواج
امير : اذا نعادت هاي الحاله مراح تلومين غير نفسج واضح
اساور : اكرهك اكرهك
امير : ع ساس ميت عليج …اني طالع واذا كلامي ماتنفذ تعرفين شنو راح يصير
………………………………………………
سامر : عزززه هاذه شراح يسوي ياريتنه ماتصلنه
رنا : اساور سباعيه وهي تحلها
احمد : بس سببنالها مشكله
رنا : اكول لامي واروح باجر اشوفها
سامر : يي عفيه هيج نطمن اكثر
احمد : اكولكم هي راح تكمل دراستها لو تبطل
رنا : مادري والله اذا خلها زوجها المصيبه اكيد تكمل
احمد : يلا شباب اني رايح انام
رنا : بس بعد وكت
سامر : يكلون الي ينام من وكت يبقه يفكر بلحب مالته بس ماتطلع منك
احمد : هههههه انت ماتنام من وكت يعني ما تحب رنا
رنا : لا عيني يحبني لان يسهر ويايه
احمد :شبيج بابا هاذه تنامين انتي وهو يحجي وي حبيبته الثانيه اسالني اني
رنا :ها سامر ها جاوبه واثبتله انو ماتخوني
سامر : وما الحب الا لحبيبتي رنا
احمد : الله الله شاعرنا العظيم والقدير يلا ولو دوختوني باي ياحلوين
سامر ورنا : الله وياك
سامر : حياتي مشتاقلج
رنا : والله اني هم بس اريد الدوام يجي حتى ارجع اشوفك
………………….…………………………
«في بيت امير »
رؤيا اخت امير : هلو اساور اشلونج
اساور : اشلوني واني عايشه بهاذه البيت
رؤيا :اسمعيني زين تره اخويه انسان طيب وفوك ماتصورين برئي لاتخسري وعاملي كزوج وخلي حياتج سعيده
اساور : بس اني اكره
رؤيا :لان مدا تنطين فرصه النفسج تحبي
ام امير : شنو كاعدات يسولفن الچنه وحماتها
رؤيا : ولا شي ماما كاعدين ندردش ماكو شي مهم
ام امير : امممم بلشن يظمن اسرارهن من هسه يلا كومن ساعدني دنسوي غده
*بعد مرور ساعتين *
امير : هلو سلطانات اشلونجن
رؤيا و ام امير : هلا ابني
اساور بقت ساكته ..كعدو الكل ع سفره الاكل
امير : ماما وره الغده اني ادوش واطلع عندي شغل مستعجل ولازم اوصل ع الوقت
ام امير :الله يوفقك ابني
اساور : بداخلها ( هاي خوش فرصه اخرب شغل امير وشويه ابرد كلبي )
كامت اساور من السفره واخذت سجين وراحت ع سياره امير حتى تبنجرها شكَت شويه من التاير بس ماكدرت تشكَه زين لان امير طلع بلحوش يشرب جكارته هي اختلت وره السياره لحد ماراح امير هي جانت خايفه هواي وكلبها يدك سريع لايروح امير يشوفها فاتت جوه بسرعه بس التاير مانشك هواي بس بلش يفرغ منه الهوه
امير : اساور وينج
اساور :اني بلغرفه
امير : راح اخذ دوش جيبيلي المنشفه
اساور : اوك
وره نصف ساعه طلع امير بلسياره وماحس انو التير بنجر ويفرغ هوه وصل بطريقه لمناطق جبليه وانفجر التاير ماكدر يسيطر ع سياره ونكَلبت بي السياره جان الحادث صعب وحالته مامعروفه
🌴🌴🌴🌴🌴🌴🌴🌴🌴🌴🌴🌴 تصويتكم وتعليقاتكم تسعدني 🍬🍬
تصبحون ع ما تتمنون
أنت تقرأ
قولي لِقلبكِ أنني أحببته
Romanceالروايه تتحدث عن اربع اصدقاء يدرسون كليه صيدله مرحله اولى لكل شخص بيهم راح تصيرله قصه معينه بحياته ( تحتوي الحب،الانتقام والحزن ،الفكاها) وهي بلهجه العراقيه «هاي اول روايه الي اتمنى دعموني بلتصويت وتعليقات حتى استمر »
