قولي لِقلبكِ أنني أحببته

قولي لِقلبكِ أنني أحببته 2

«صباح يوم الاحد»
وليت الصباح لم يأتي
ام امير:امير تحظرت حتى تجيب زوجتك عيب لا تتاخر عليها
امير:رايح اجيب المصيبه اقصد الزوجه
ام امير: عيب هاذه الكلام انت رجال شهم وكد المسؤوليه وعمرك 27 سنه ولازم تحترمها وزوجتك زغيره لسه عمرها20 سنه وهي مالها ذنب بلي صار يلا روح
__________________________________
«بيت اساور»
ام اساور : بنتي اجه زوجج
اساور: لا تسمي زوج

تجهزت ولبست ثيابي السوداء حزناً على والدي لألتقي بقاتله زوجي ذهبت الى غرفه الضيوف لم افكر في النظر الى امير لأني لا اعرف ردت فعلي حين أراه
أم اساور : أمير دير بالك على بنتي تره نطيتك قطعه من روحي
امير : بنتج ان شالله امانه ونحافظ عليها

ركبنا السياره كلانا لم ينطق بحرف ولم ينظر الى الاخر 
اشعر بتلك الغصه في الفم، عيني متلألئه في الدمع ،وتلك التنهيده انه عذاب بطيء يسلب مني الحياة
………………………………………………
«بيت امير»
امير :سلام عليكم
ام امير :وعليكم سلام هلا بلغالي ابن الغالي
اساور : نظرت لهم بحقد وكره
امير :اعرفج هاي السلطانه امي وهاي اختي الزغيره رؤيا وهاذه اخويه خالد
اساور: مايشرفني اعرفكم ولا اتعرف عليكم يامجرمين
ام امير :(بصوت عالي وعصبيه) ولا احنه ....امير اخذها لغرفتها
امير : اساور امشي

امير :هاي غرفتج..(بعصبيه)اسمعيني زين هاي امي الي رفعتي صوتج عليها زلم مشوربين يفدوها بحياتهم ومحد بحياته رفع صوته عليه هاي ست البيت والكل وكلمتها مسموعه ...اني ماحجيت شي جوه لان مقدر حزنج بس من باجر راح تتحاسبين ع كل غلطه ..واضح كلامي؟؟
اساور: اني اكرهكم يامجرمين ربي ينتقم منكم
امير :عندج نص ساعه ترتبين غراضج وانزلي تعشي
اساور :ماريد اكل سم وياكم
امير:لاتاكلين موتي جوع (طلع من الغرفه بعصبيه)

*******************************
رنا : الووو هلو اساور اشلونج
اساور : موزينه رنا عايشه وي هذوله الي يخوفون تخيلي ماينزل المسدس من خصره ميته خوف اكرهم
رنا :تحملي حبيبتي وديري بالج منه ....صدك جبتلج نتيجه ومبروك ناجحه
اساور :خوش الحمد لله
رنا : اكلج هاذه الي مايتسمى زوجج راح يخليج تكملين دراسه
اساور: غصبا عنه والله اموت اذا ما اكمل بس خلي تعدي فتره العطله الصيفيه
رنا : حبيبتي الله يصبرج ..راح اغلق تلفون هسه ونحجي بعدين باي كلبي
اساور :الله وياج
*******************************
ام امير : يلا تعالو اكلو ...امير صيح لمرتك
امير :ماتريد تاكل عوفيها هي تجوع وتطلع مثل الفار
ام امير : ع كيفك وياها
امير : السانها بطولها مرتين الله يصبرني عليها
ام امير : لسانها طويل بس حلوه يمكن بمرور لايام تتغيرون
امير : تدرين شنو حتى مىنتبهت على شكلها ومامهتم الها وبعدين والله يا امي صعب انسه سما ماكدر اطلعها من راسي ولا دقيقه 
ام امير : الزمن كفيل وراح ينسيك ان شالله
امير : أن شالله
امير : دايمه النعمه راح اروح انام ويصير خير دعواتج ست الكل 

وهل للقلب أن يحب مرتين وهل هاذا مسموح في قانون الحب ؟ 

.............................................................
سامر : الوو هلو ياسُكَرتي اشلونج
رنا : هلا كلبي الحمد الله ....اليوم حاجيتها لاساور حالتها يرثى لها
سامر : الله يساعدها ع بلواها
رنا :سامر اني حجيت لامي انو انت تريد تخطبني وكالت خل يجي بلوقت الي يناسبه
سامر : ان شاء الله اليوم احجي وي امي ويصير خير
رنا : حبيبي دخل احمد للمكالمه لان هسه يزعل
سامر : اوك
احمد : هلو بلشله التعبانه
سامر :شفتي رنا مايستاهل ادخله للمكالمه
احمد : ليش هيج سامر هاي لان اني فقير وبعدين انتم من تزوجون راح تتبنوني واصير ابنكم ليش هيج تعاملوني
رنا : بعد بعد ذبلك دمعتين هم يابه شكد حيال
سامر : انتحر اذا يجيني ابن مثل احمد
احمد : شفتو اشلون جرحتوني وخرمشتو مشاعري
رنا :  هههه ولا يهمك حموده خل نتزوج ونتبناك وصير ابنه
احمد : لعد كولي لسامر يعزمني ع غده
سامر : تفكيرك كله بطنك ارحمهما لبطنك شويه
احمد : افففف انتم ماكو فايده من لحجي وياكم خل اروح ازحف بلكي الكه حب يفيدني
رنا : والله خل تحط طين ع راسها لتحبك
احمد : بسيطه اني اعلمج من اشوفج
سامر : ماتكدر تسوي شي اني ظهرها
احمد : تره عظلاتي اكبر من عظلاتك احطك انت ورنا واكتلكم
رنا : شباب اني نعست راح انام انتم كملو العركه والسبع يطلع دم
احمد : ماشي نححي باجر باي ياطيور الحب
سامر ورنا : باي حموده
_________________________________
🌼🌼🌼🌼🌼🌼🌼🌼🌼🌼🌼🌼
ان شاء الله يعجبكم البارت
تصويتكم وتعليقكم يسعدني حتى استمر❤🌼