الفصل السادس "يوجد بك المعاناه بقدر الحب"
___________
ليلي بابتسامه: احنا اسعد
و بيدخلوا العماره و بيركبوا الاسانسير و بيتفاجئوا ان محمد طالع معاهم
محمد: انت قرايبكم هنا انا جاي لواحد صاحبي
حياه: مممم
ليلي كانت سعيده متعرفش ليه انها شافته تاني كانت بتحلم به من يوم انقاذها
و بيطلعوا نفس الدور و بيخبطوا
حياه بحده: مش للدرجاتي ليكون صاحبك هنااا برضو
محمد بحرج : اه مهوا فعلا هنااا
و حياه ترن الجرس و بيفتح مصطفي
مصطفي مبتسم بود : اهلا حياه اهلا ليلي
اتفضلوا ايمان مستنايكم جوا
اهلا يا محمد
محمد : انت نستني يا عم هناا
مصطفي : ادخل
ليلي و حياه بيدخلوا عند ايمان
محمد : مين دول ؟!
مصطفي : بنات خالي
محمد بفرحه: يا محاااسن الصدف
مصطفي باستغراب : و انت مالك بتسائل ليه
محمد : تعالي بس نقعد و احكيلك
قص محمد له ما حدث عند مقابلته لليلي و عندما جاءت حياه و اخذتها
محمد : هي انسه ليلي عندها كام سنه
مصطفي : /مخدش باله انه قال انسه /
اها تقريبا 29 او 28 في الراينج ده
و انت بتسائل ليه ياض انت
محمد يتصنع الامبالاه :عادي
"" في غرفه ايمان""
مريم كالعااده قاعده و بتاكل عنب
ايمان كانت ماشيه رايحه في الاوضه
حياه بنفاذ صبر:متقعدي شويه يبت انتي خيلتيني
و اهدي شوييه
ايمان بصوت واطي : والله حاسه هموت من الخوف و في نفس الوقت الحماااس
حياه مازحه : لا ياختي متخافيش يعني مش هياخدك بالحضن قدامناا
عادي اعتبريها قاعده عاديه من اللي بنتلم فيها وله ايه يا ليلي
- ليلي سرحانه في ملكووووت تاني -
حياه بصوت عالي: ليليييي
ليلي : ايه في ايه
حياه: احنا بنكلمك علي فكره
ليلي : اه
ايمان : انا تقريبا هقع من طولي
ليلي : يابنتي اهدي كده و استعيذي
كده و اقري الفاتحه هو انا اللي هقولك تعملي ايه يا ست الشيخه
ايمان: قريتها طبعا و قريت ايات كتير بس برضو
حياه بنفاذ صبر : اهدي بقا يا ايمان ديه قرايه فاتحه
ثم اكملت مازحه : انتي كده هتخلصي مننا قبل الفرح و الدخله
ياعيني عليك يا اسلام يابني مراتك هتبقي مرووشه
ضحكوا كلهم
ليلي : خشي خدي دش كده و فوقي لسه هتلبسي و ميكب و حركات
ايمان باستسلام:طيب
و بتدخل الحمام
حياه: ما تشاركينا يا ست ام العريف يا مريم هانم بدل ما انتي قاعده تاكلي في عنب والله اكلك ده يخليكي زي الفيلل مش عارفه ازاي و وزنك مش بيزيد
مريم : اولا خمسه عليااا و علي اللي حوليا يا ناس يا شر كفايه قر متبصليش بعين راضيه شوفوا الي مدفوع فياا ثانيا
بعدين انتم اكبر مني مينفعش ادخل و بعدين ايمان اوفر اووي يا جماعه اومال لو كان النهارده يوم الفرح كان حصل ايه
حياه: انتي متاكده انك طالبه جماعيه وله انتي بتتعلمي الصياعه هناك
ليلي: هي مش اوفر هي خجوله بس و بعدين اي بنت في الموقف ده هتبقي كده بكرا نشوف انتي هتعملي ايه
مريم بلهجه غرور : و لا يهمني
