أحببت ظابط شرطة 1

الفصل الثالث

في قاعة الحفل،،

نزلت والدة خديجة و خلفها سلمي و خديجة و جميلة..

كان كريم واقفا عند نهاية السلم برفقة إياد..

كريم:شكلي مظبوط يا إيدوو..

إياد و هو ينظر أمامه بشرود:اه يا كيمو..شكلك مظبوط..

كريم:ايه دة بئة...انت سرحان ف ايه؟؟

إياد:فيها...زي القمر...لما بصتلي حسيت بحاجة كدة..معرفش هي ايه..

كريم بضحك:دي مين دي اللي عملت فيك كدة يا بني؟؟؟!

إياد:مش عارف...

كريم:خديجاااة...

ارتدت خديجة فستانا باللون الأزرق و عليه حجابا بنفس لون الفستان،أما سلمي فارتدت فستانا زهري اللون مثل جميلة و ارتدت حجابا بلون فستانها...

نظر إياد في الناحية التي نظر فيها كريم فوجد جميلة تقف بجانب العروس...

إياد بصدمة:دي هي..!!!

كريم باستغراب:ايه؟؟

إياد:لا و لا حاجة..

كريم و هو يمسك يد خديجة:ايه الحلاوة دي..

خديجة بخجل:ميرسي...

سلمي:أنا هروح لمحمد لاني سايبة مهند معاه من ساعة ما جينا..و دخلت القاعة...

جميلة:يلا يا جماعة بدل م طنط حسناء تيجي تجيبنا من قفانا دلوقتي..

كريم:يلا يا چيمي..

أما إياد فكان يشبه التماثيل حيث ظل شاردا..

كريم:إيدوو...إيدووو...انت يا بني..

إياد:ايوة نعم...

نظرت جميلة للشخص الذي كان واقفا بجانب كريم و قالت له:انا شوفتك قبل كدة..اه انا لسه شايفاك من شوية لما كنت هقع..

إياد:ايوة..دة أنا فعلا...

كريم:دة انتوا اتعرفتوا بئة..

إياد:لا هي الانسة كانت هتقع بس و انا مسكتها

جميلة:لا معرفتش اسمه..انت تعرفه..؟؟

كريم:دة الدكتور إياد العمري..ابن خالي و تقدري تقولي اخويا يعني..و نظر لإياد قائلا:و دي بئة الرائد جميلة الشناوي..انتيمت خديجة..

إياد باستغراب:رائد..انتي ظابط؟؟!!

جميلة و هي ترفع أحد حاجبيها:اه ظابط..في مشكلة؟؟؟

إياد:لا خالص مفيش مشكلة...دي حاجة كويسة علي فكرة...دة الشرطة احلوت أوي يا جماعة...