أحببت ظابط شرطة 1

الفصل التاسع

علي متن اليخت،،،

جلس إياد و جميلة يتحدثان و كانا يشعران بسعادة بالغة...

جميلة:انا بجد مش مصدقة ان كل دة بيحصل..حاسة اني بحلم...

إياد:لا صدّقي يا جميلة..و صمت قليلا ثم قال:جميلة انا بحبك...

جميلة:تاني يا إياد!!

إياد:تاني و تالت و لحد آخر يوم ف عمري بحبك..

نظرت له جميلة بخجل و لم تعرف ماذا تقول فابتسمت له ثم نظرت للبحر...

قامت جميلة من مكانها و وقفت علي طرف اليخت و تركت العنان لشعرها ليعبث الهواء به وقالت :

-الجو دة حلو أوي يا إياد..

قام إياد من مكانه و ذهب إلي حيث تقف هي و قال: جو إيه؟؟

التفتت لهجميلة و هي تقول بابتسامة:الجو اللي انت عامله دة...لا عجبتني بصراحة...

إياد بثقة:طبعا يا حبيبتي...انتي مش بتتعاملي مع أي حد...

جميلة بمزاح:امم...قنبلة ثقة..

إياد:المهم بئة...هنعمل الخطوبة امتي؟؟

جميلة:ايه دة...خطوبة!!

إياد بهزار:لو حابة الفرح علي طول معنديش مانع...انا مستعد عادي جدا...

جميلة بصدمة:فرح!!!

إياد:اه ما المفروض الناس بتعمل فرح لما تيجي تتجوز...

جميلة:جواااز!!؟

إياد بضحك:ايه يا جميلة....ما انا طلبت ايدك من شوية و انتي وافقتي!!

جميلة و هي تحاول استيعاب كل تلك المصطلحات الجديدة علي سمعها:اه..ما انا عارفة....بس اصل المصطلحات دي بقالي كتير مكنتش بفكر فيها اصلا و انت بتتكلم و كدة يعني..بص يا إياد متركزش عشان متهيّسش...

إياد:طيب...احم احم..تسمحيلي بالرقصة دي؟؟

جميلة تذكرت المرة الأولي عندما قال لها تلك الجملة و قالت:اوكي...مفيش مشكلة..

و قامت لترقص معه دون موسيقي تاركين لأوتار قلوبهم مهمة توجيههم و بعد ذلك أوصلها إلي منزلها...

إياد:هينفع اوصلك بكرة الشغل و لا لا؟؟

جميلة:اللي انت عايزه..براحتك لو هتقدر   ماشي...و كادت أن تنزل و لكن أمسك إياد يدها...

جميلة بعصبية خفيفة:ايه في ايه؟؟...

ترك إياد يدها بسرعة و قال:مفيش..مفيش..
آسف....في ايه انتي؟؟؟

جميلة:لا مفيش...بس مش متعودة حد يمسك ايدي كدة...

إياد:طيب...مع السلامة..