رواية. / شنطة سفر
الفصل. ( 5 )
=========
هيام : حاضر ورجعت راحت المكتب صعقت مما رأت
شهاب : مالك مصدومة من اية
هيام : حضرتك متاكد ان دة مكتب
شهاب: ايوة مكتب امال انتى شايفة اية
هيام : دة اقل ما يقال علية مخزن للاشياء اللى ملهاش لازمة
شهاب : ههههههههههههه اعمل اية كل اما بجيب حد مبيعمرش اكتر من اسبوع ويايرجع المصنع يايمشى ويسيب الشغل
هيام : بص احنا قدامنا حل من تلاتة حلول وحضرتك تختار منهم واحد
شهاب : اتفضلى مفيش الاستعانة بصديق او حذف اجابتين
هيام : تجاهلت كلامة وقالت البنات تاجى معايا و تفضل معايا هنا لحد مانظبط كل الاوراق والملفات دى وبعدين ترجع شغلها تانى اما الحل التانى تشوف حد ياجى يخزن كل الملفات دى فى مكان امان اما الحل التالت الا هو انا ارجع المصنع وحضرتك خلى كل حاجة زى ماهية ومبروك عليك الكركبة اللى انت فيها انا رايحة المصنع
شهاب : انا كلمت محمود وهو بعت البنات وكمان هيبعت عمر معاهم يساعدكم
هيام : مينفعش المكتب ضيف ويدوب هياخد البنات
شهاب : فتح باب اخر وقال فى مكتب تانى اهو
هيام : بصت ايوة كدة اتفهمت دة يعتبر مخزن الملفات القديمة اكيد حضرتك مش محتاج حد يظبط مكتبك لان مكتبك فعلا متظبط وخرجت
فريدة : على فين ياقمر
هيام : المكتب متظبط بصى
فريدة : فعلا المكتب نضيف ومتظبط
هيام : يلا يابنات عوزين نظبط المكان دة ونزرعة
سجدة : فى اصص زرع فى اخر المزرعة للورد تعالوا نروح نجيب
شهاب : يلا اتفضلوا على المكتب
هيام : لا شوف حد غيرنا بص ياهندسة احنا بنات اة بس بنحب ناكل بتعبنا ومكتبك زى الفل اهو والمخزن شوف رجلين تظبط ليك الملفات ثم زمان حضرتك مخزن اللى فيها على سيدهات. بعد اذنك و شكرا على الاجازة النهاردة يلا يابنات ماما عوزين نفطر تانى عوزين نتغدا سمك بورى مشوى ورز صيادية
فريدة : وسلطة وخيار
فاتن : وشوية جرجير ومخلل
هيام : وسلطة طحينة
سجدة : ونحبس بكوبية شاى تقيل
شهاب : والله بنات مجانين هههههههه
خديجة : مكنش ينعز مفيش عندنا سمك خالص احلموا براحتكم
سجدة : هاروح اجيب من القرية اللى جنبنا لو ملقتش بورى يبقى بلطى ماشى
فريدة : استنى امزة جاية معاكى
سجدة : ماشى ياقمر خلى بالكم فيفى جاية
هيام :الطبلة ياولد اهلا بيها
فيفى : اناجاية اتاسف ليكم وهاسيب المزرعة وادور على شغل تانى
هيام : روحوا انتم يابنات تعالى يابنت الحاج عبدة اقعدى
فيفى : انا اسفة ليكى كتير
هيام : كل شيئ نصيب انا صدقينى مش زعلانة منك
فيفى : هامشى اشوف شغل فى اى مكان
هيام : لا خليكى معانا خلاص اتعودنا على بعض هنا افضل ليكى مهما كان المكان امان لبنت لوحدها
فيفى : منها لله امى هى اللى مش راضية تخلينى اعيش معاها
هيام : هى امك عايشة
فيفى : ايوة ومن ساعة مااتزوجت وخلفت رفضت اعيش معاها هى وزوجها واولادة
هيام : طب لية هو ابوكى فين من كل دة
فيفى : بابا هههههه اللى امى رفضت وجودى عوزة مرأت ابوية تتحملنى
هيام : احكى ياموكوسة بقولك تعالى نعمل شاى
فيفى : ممكن سندوتش مع الشاى
هيام : انتى جاية على طمع هههه قومى يااختش نعمل السندوتشات والشاى
فيفى : انتم طيبين اوى لية كدة
هيام : علشان احنا شفنا كتير من الدنيا واتعلمنا ازاى نفرق بين الناس وانت فعلا غلبانة محتاجة حد يطبطب عليكى
فيفى : انا هاغسل المواعين
هيام : لع احنا هنطلع نظبط المكان عوزة ازرع شوية ورد جنب الشجرة دى وكمان ريحان وعنب جنب الباب يطلع على فوق ويظلل المكان
فيفى : فى جنب مزرعة المواشى اصص زرع وورد كتير
هيام : تعالى نروح نجيب
فيفى : لا خليكى المشوار طويل عليكى علشان رجلك هاروح اجيب الحاجة انا وبدرية ولواحظ
هيام : ماشى اعسل وانا هاتصل بالبت سجدة تزود السمك وتتغدو معانا ماشى
فيفى : هترضى تخلينى اكل معاكم بعد اللى حصل
هيام : احنا اخوات ابت دى كانت ساعة شيطان
فيفى : بدموع انا فعلا حاسة بالذنب
هيام : يلا غورى ابت هاكلم البنات تزود السمك
فيفى : انا كنت فاهمة انكم مغرورين
هيام : على اية بلاوكسة
منصور : انا رحت عملت محضر بضياع البطاقة
خليل : كدة تمام روح بكرة بلغ باختفاء خديجة مع سرفة مبلغ كبير من المال
منصور : طب تعالى معايا
خليل : الا القسم انت عارف مفيش عمار ما بينا هههههه
منصور : خلاص هاروح بكرة اقدم البلاغ
صابر : مفيش ليهم اثر ليهم عند اختك عواطف
خليل : ماشى روحوا انتم وانا هاتصرف
صابر : انا رايح فرح اخو الجماعة ( مرأتة ) وهابات هناك
خليل : ماشى بالسلامة
منصور : شوف حد ياجر الشقة بتاعة البنات اهى تجيب اى فلوس
خليل : لازمانى انا هابقى اجاى انام فيها على الاقل فيها رايحة الحبايب
منصور : ايدك على فلوس دلوقت
خليل : خد دول دلوقت اخلع شوف وراك اية مش ناقص صداع
منصور : ماشى خد المفتاح معاك
سجدة : الرجل اللى هناك عندة سمك بورى وبلطى
فريدة : هنجيب الاتنين
سجدة : ماشى انا هادفع تمن السمك البورى
فريدة : لا الاوامر ان انا اللى احاسب على الكل انتى خدى كيلو لطنط صفية اية رأيك
سجدة : عندك حق يلا علشان نروح بدرى
فريدة هو انت تعرفى الامكان دى منين
سجدة : انا هنا فى المزرعة من 12 سنة
فريدة : على كدة زمان معاكى فلوس كتير
سجدة : الحمد لله البشمهندس يوسف عمل لية دفتر توفير باسمة ومكلف الاستاذ محمود يحط ¾ مرتبى فية
فريدة : هو فى حد تانى غير اللى اسمة شهاب
سجدة : ايوة البشمهندس يوسف هو مش بيحب يقابل الناس كتير علشان وشة مشواه
فريدة : ازاى يعنى
سجدة : مش عارفه زى المحروق كدة واحيانا بيكون فية حاجة زى الدمامل علشان كدة هو متجنب الناس ولما بياجى بيفضل فى الاستراحة مش بيخرج منها الا بالليل باشوفة بيتمشى لوحدة بصراحة هو حد طيب اوى
فريدة : غريبة حكايتك دى يلا هاتى جرجير وطماطم وخيار ودرة فشار
سجدة : وتسالى كمان
فريدة : اخر فلوس معايا هاتى حلاوة وبسكويت علشان ادم
سجدة : هو انتم ملكوش حد
فريدة : لينا بلا واكسة هو احنا هنا الابسبب الحد دة
سجدة : يلا نركب كلة تمام
فيفى : الورد للورد يلا يابنات
هيام : يلا ياموكسة انتى وهى على شغلكم ونتجمع على الغدا ماشى
فيفى : انتى متاكدة اننا هنتغدا معاكم عادى كدة
فاتن : بصى بشرط تبقى تروحى تجيبى ص..........
#للاحداث_باقية# بقلم/ هبة أحمد
