رواية/ شنطة سفر
الفصل ( 7 )
==*==*==
سجدة : المهم وصلنا لفيلا ابوية قبل اذان العصر لاقيت صوان عزاء
سألت وعرفت ان دة صوان العزا بتاعى انا
هيام : يانهار ابوكى اسود معقول الافترى وصل لكدة
فريدة: كملى يخرببيت ابوكى
فاتن : على بيت مرأت ابوكى
هيام : على بيت امك كمان
فريد : على بيت زوج امك ابن الواطى
خديجة: بطلوا بئة كملى يابتى دانتى حكايتك اصعب من حكاية بناتى بكتير
سجدة : المهم الراجل ومرأتة مشوا بعد ماعطونى فلوس فاتسحبت ودخلت لاوضة البواب لاقيت عمى مسعد قاعد حزين علشانى و هو سمع صوتى التفت لاقنى ادامة قعد يقول انصرفى استحلفك بالله تنصرفى لاتأزينى ولا اازيكى وكلام كتير مفهمتهوش
سجدة : انا سجدة ولسة عايشة فين لما فاق وسمعنى فاخدنى فى حضنة وبكى كتير البية قال انك موتى فى حادثة عربية
سجدة : انا موجودة ادامك اهو
عمى مسعد : امال مين اللى راحوا يدفونها
سجدة : وانا اية عرفنى انا ماما بعتت معايا ناس رمونى على اللى اسمة الصحرواى وواحد فيهم عطانى العنوان هنا وقالى مقلش لحد انة عطانى الكارت دة اللى فية عنوان الفيلا هنا دكمان عطانى الفلوس دى
عمى مسعد : المفروض تمشى من هنا بسرعة
سجدة : عمى مسعد عوزة دادة مبروكة
عمى مسعد : حاضر انزلى تحت السرير علشان محدش يشوفك ويموتوكى بجد
خفت ونزلت قعدت تحت السرير شوية وجت دادة مبروكة اللى فرحت بية وجابت لية هدوم من بتاعتى وقالت خدى دول وهدومك وامشى هتلاقى كلاب السكك احن من اهلك اركبى اى عربية تكون كبيرة بتحمل وربنا يرزقك بابن الحلال خليكى ديما لابسة بنطلون وحافظى على نفسك وخدى كارت فى العنوان ورقم التليفون بتاع الفيلا لو حد غيرى رد عليكى اقفلى السكة ماشى
سجدة: طب هاروح فين يادادة
دادة مبروكة : والله يابتى لوكان عندى مكان كنت قعدتك فية
سجدة : انا هامشى وخرجت شايلة شنطة مدرستى فيها هدومى على ضهرى وماشيت لاقيت عربية كبيرة زى ما دادة قالت ركبت فيها ونمت وفى اخر الخط لقيت السائق بيصحينى نزلت وقعدت على جنب الطريق جة الجو ضلم وانا مكانى شوية ولاقيت البشمهندس يوسف واقف وجنبى بيسألنى
يوسف : انتى يابنتى قعدة كدة لية
سجدة : انا خفت من شكل وشة وقلت هو انت فعلا بنى ادم زينا ولا عفريت
يوسف : بنى ادم بس وشى تعبان انت ساكنة فين
سجدة :انا مليش مكان بابا وماما ماتوا والناس كانت عوزة تاخدنى معاهم انا خفت وجريت
يوسف : اركبى تعالى اشتغلى فى المزرعة بتاعتى ولو معجبكبش المكان اشوفلك شغل تانى
سجدة : ماشى وجايت معاه ومن ساعتها مخرجتش غير مرتين مرة روحت شوفت ابوية من بعيد وقعدت مع دادة مبروكة طول النهار ورجعت واخدت منها عنوان امى
وتانى مرة رحت وقفت جنب فيلا ماما وشوفتها ومن بعيد
هيام : دانت حكايتك صعبة اوى اصوت ياابلتى
فريدة : لا نجيب حقها
فاتن : نجيب حقها ونخلى بنت الحاج عبدة معانا
خديجة : انا خايفة عليكم من ابوكم وخليل
فاتن : طز الخوف مات وقلبنا جمد خلاص ياماما
فريدة : احنا قررنا ناخد حقنا من خليل وابونا وابو سجدة
هيام : ومن ام سجدة
فاتن : ومرات ابو سجدة
فريدة : ومن زوج ام سجدة
خديجة : ازاى يابطة انتى وهى دول ناس واصلة
فريدة : هو المخفى ابوكى لة فى الستات
سجدة : دواطى وعينة زيغة
فاتن : اشطاااات داحنا هنتسلى
هيام : نرميلة بنت الحاج عبدة طعم ونصيدة بيها
فربدة : ونقص ريشة
فاتن : ونخلية يعترف بالغلبانة انها لسة عايشة
سجدة : ياكدة يااولع فية ماانا اصلا عند الحكومة ميتة
هيام : احنا نسمع حكاية بنت الحاج عبدة واللى معاها الاول وبعدين نقرر هنعمل اية
فريدة : افرشى برة الاكل جهز ورنى على فيفى
سجدة :حاضر امزة
فاتن : يلا ياادومة الاكل
ادم : هاكل هنا البت فيفى بتعاكسنى
هيام : اسمها ابلة فيفى وبعدين هى معتبراكى اخواها الصغير ماشى
ادم : ماشى ياابلة هيام هاجى اكل معاكم
فريدة : ومتزعلش من حد كلنا اخواتك وبنحبك ماشى
ادم : حاضر اسف ياابلة
فاتن : انت اخونا كلنا والراجل بتاعنا يعنى مينفعش تزعل من حد يلا ياعسل عوزاك تغلس على البنات
ادم : فهمت خلاص يلا انا جعان
فريدة : شيل الاكل خرجة برة
سجدة : خليك ياادم احنا كتير هنطلع الاكل
فريدة : لا انا عوزاة ينشف علشان ميطلعش زى ابونا طول النهار اكل ونوم والحمام غير لسانة
سجدة : طولى بالك دلسة 13 سنة
هيام :يتعلم وهيشتغل فى الاجازة ويعتمد على نفسة
فيفى : اناجيت وجبت الصنية ومخلل من عند طنط صفية
هيام اهلا ببنت الحاج عبدة
بدرية : جوعانة
فريدة : وعطشانة
فاتن : وتعبانة
هيام : وقرفانة
فيفى : دشكلها ليلة فل بأذن الله
سجد : فل ولا ياسمين
فريدة : ياسمين ولاريحان
فاتن : ريحان ولا شيكولاتة
هيام : شيكولاتة ولا شيبسى
ادم : شيبشى ولا بيبسى
فيفى : هههههههههه خلاص يلا ياخالتى
خديجة : زى البنات قولى ياامى
فيفى : بدموع انا اقولك ياامى طب ازاى
خديجة : طبطبت على كتفها زى بناتى مابتقول وانت منهم يلا ناكل بلاش اقول انا جعانة انتى عارفة العفريت هيردو ازاى
شهاب متابع من خلف الستائر والله برافو عليكم يابنات وابتسم وجلس يتابع شغلة
هيام : بقولك يابت الحاج عبدة عوزة اعرف حكايتك علشان نرتب نفسنا ونرجع حقنا من اى حد ظلمنا
فيفى : ياريت انا مستعدة
فريدة : بعد الغد مفيش فترة تانية ونقعد نمخمخ ونتقف هنعمل اية انا عوزة اخد حقى من ابوية وخليل الزفت ابن عمى واللى كانت حماتى وابنها
فاتن وصابر كمان
ادم : والاسطى حسن
هيام : الاسطى حسن كان بيعلمك وابوك هو اللى قاللة اضربة
ادم : خلاص انا سامحتة
فيفى : انا عوزة حقى من
خديجة : كلى الاول يابتى لسة احنا هنسهر مع بعض
ادم : هاروح اجيب شوية تفاح ابلة فيفى تعالى معايا
فيفى : روحى يابدرية معاة هاتوا من الشجر اللى جنب معمل الالبان
بدرية : ماشى محدش يحكى حاجة الا لما ناجى
هيام : انا اللى ماسكة الليلة الشاى ابنات
فريدة: الشاى اعسل
فيفى : انا حكايتى حكاي٠٠٠٠٠٠٠٠٠٠٠٠٠٠٠
#للاحداث_باقية. بقلم / هبة أحمد
