كنت نمشي رايحة لمسيد وكل تفكيري متعلق باليوم الاول للمدرسة كنت ناكل شيكولة حتى لقيت قطة كحلة وعينيها زروقة يعجبوني هذ اللقطوطة رحت عندها وهي تهرب وانا نجري موراها كي حكمتها عطيتلها الشيكولة لي كانت معايا قلتلكم انا مهبولة بالاك تعجبها الشيكولة وكملت طريقي للمسيد وانا فرحانة
عند سالم :
نضت صباح ربي لبست حوايجي ورحت لمسيد وصلت قريت كي العادة اومبعد جا وقت الرياضة وانا منحبهاش سيك يخلوك دير حاجة وحدوخرا من غير الرياضة رحت لبيت في المدرسة موالفة نعزف فيها دايمن تكون فارغة انا لي تهليت فيها حتى رجعتها بيتي باش ندرب فيها كنت نعزف ونقرا في النوتات الموسيقية ونسمع اللحن باش منغلطش حتى نحس حاجة تعطيني لراس محسيتش بروحي حتى جبتها فلرض
عند صالة تاع الرياضة :
لينة : بعدو بعدو راني حنتيري الكرة تاع البيزبول بالاكو راح نحطم الرقم القياسي
زين : شحال نكره لعبة البيزبول اتعلمي مني ملكرة تاع القدم
لينة : بفففففف
تيريت الكرة وقاعدة تطلع حتى اوبسيييي جبتها في التاقة تاع وحد البيت تاع لمسيد اوووووو
لينة : راحت عليا هذا كامل على جالك زين وعلاش تهدر كنت حنربح و متتكسرش التاقة
