في عقل سالم :
كنت قاعد في كرسي في الظلام حتى جات قطة كحلة وعينيها خضورة تتشبه لقطاتي كي كنت صغير
القطة : انت حقا سالم
سالم : ايه !؟
القطة : صاح تعزف على البيانو ؟
سالم : مينداك
القطة : تحب اصلا العزف عليه ؟؟
سالم : منتوقعش بزاف
القطة : اصلا انت موجود فهذي لحياة
سالم :....
القطة : شوف في روحك انت متڨزيزتيش كامل ما انت عازف ما انت عبد متڨزيزتيش
سالم :(اصيب بخيبة امل وهبط راسو )
كنت قاعد بهذيك الحال حنى نسمع عياط
لينة : زينو اجري اضرب مديرلهومش قيمة بالاك ينحولك البالو ينحوهولك نوكلهولك
ايييييه صاح نسيت راني نشوف فلماتش تاع زين هو مسابقة بين لمسايد في كرة القدم هذي النقطة الحاسمة اذا سجل زين نربحو واذا مسجلش نخسرو
كان يجري واحد ما نحالو البالون والفريق ديالو حاط كامل جهدو عليه يعني خو القائد حتى تيراها جات في المرمى وبضربة من حارس المرمى تيراها بعيد ومسجلوش هدف الفريق ڨاع تاع زين بداو يبكو بسكو صاح عياو دربو في الشتاء والسخانة على جال هذي اللحظة
كريم : زين خسرنا زين ( جابها وهو يشهق ويبكي )
زين : معليش نورمال تكبر تنسى ديجا مراهيش قضية حياة وموت بعدا ...دوكا هيا نروحو نتخامسو ونديرو تحية الرياضة مع فريق المدرسة لوخرا
لينة : احبس تشوف نحكمك احبس برك
زين : اه صاح نسيت نقوللكم صحا كي شجعتوني
سالم : كنت هايل زين
زين : انا خسرت نورمال اما الباقي ليك بالاك تصفرلي وجهي ونبهدلنا ( لي ميعرفش ندى سجلت زين في مسابقة تاع لبيانو هو محبش بصح بسيف تعرفو عقلية ندى بلا منقوللكم )
عند زين :
رحنا صافحنا الفريق لوخر وبعدها رحت نجري للمرحاض ( حشاكم ) غلقت على روحي الباب وطرطقت بلبكاء حكمتهم حكمتهم بصح مقدرتش حتى طلقتهم
زين : خلاص فشلت باش نكون نجم سحقا دوكا منوليش مشهور ونحقق حلمي ( جابها و هو غارق فدموعو )
عند سالم :
طول اليامات لوخرين وانا نتدرب نتدرب في كل وقت وفي كل مكان فلحصص حتى عيط عليا الشيخ بصح كملت نورمال وشراحلي المهم منخيبش ثقة صحابي
كنت نجري في ساحة الرياضة باش نديرو تسخينات قبل منبداو سبور حتى بديت نتفكر صاح انا موجود فهذا لعالم ولا لالا غير في ظلال لوخرين حتى بديت نتخايل خذاك القط مرة وحدوخرة
أنت تقرأ
🎼🎧عشق الموسيقى🎧🎼..💐🍀باللهجة الجزائرية🍀💐
Roman pour Adolescentsالموسيقى شيئ جميل لكن هل يمكن ان تاخذ منا اشخاصا هم روحنا ومسكن قلبنا انا فتى موسيقي اصادف فتاة متهورة ...فهل ساحبها ؟😍😜مقططفات من انمي
