رامي ب استغراب : لا ده في حاجه بقي ممكن يامي تتكلمي واديني اهو هوقف العربيه عشان خاطرك ياستي عشان اعرف اسمعك ها بقي مالك
...
مي بهدوء : رامي هو انت بجد بتحبني
...
رامي بتنهيده : بجد دي قليلة ع وصف حبي ليكي
...
مي : طب حبتني عشان شكلي هو اللي شدك
مش علشان شخصيتي او طبعي اللي عجبوك
....
رامي : تمام انتي مسألتيش نفسك اية اللي مخلي واحد زي مفكرش يتجوز او ع الاقل يكون مرتبط
...
مي : مممم فكرت بس مكنش ليه الحق اسأل
...
رامي : طب ياستي انا هحكيلك بس بردوا هتعرفيني كنتي بتعيطي ليه
عارفه يامي انا حياتي كانت غريبه مكنتش بلاحق م الصدمات اللي بتجيلي اول صدمه يوم م جالنا خبر وفاة بابا
جالي صدمة كبيره فضلت كاتم جوايا ومستحمل وعامل نفسي كويس عدت وفاته وكنا بنمثل اننا كويسين يمكن ماما اللي زاد عليها التعب اوي بعده طبعا مكنتش متخيل خالص
اني ممكن امي هي كمان تروح عدو سنتين وفرقتني امي
ساعتها الدنيا اسودت حاوليا دخلت ف غيبوبه اسبوع
من كتر صدمتي عليها كانت داده امينة بتحاول تعوضني حنية امي بس انا فضلت تعبان من عدم وجودها
بعدها لاقيت زميلتي بتتعرف عليه حاولت تنسيني اي وجع
حبيتها مش عارف ليه حبيتها مع انها انسانه متتحبش
بس يمكن حبيتها لاني كنت محتاح حب واهتمام والله مش عارف المهم اكتشفت خيانتها بعنينه بردوا الدنيا اسودت والكون كلة اتهز وف بالي بكلم نفسي هو انا مش شمكتوبلي اعيش وسط الناس اللي بحبها مش هعرف ابقي مبسوط واضحك زي البني ادمين تعبت ودخلت المستشفي
و هههههه كان هيجيلي جلطه بس ده مش عشان خاطرها ده بسبب تراكمات الصدمات اللي خدتها وري بعضيها
بس عارفه انا مزعلتش اني اكتشفت خيانتها بالعكس فرحت لاني كنت عارف حقيقتها بس كنت بكدب نفسي
ساعتها كنت عبيط اقسمت اني مش هحب تاني وهفضل عايش كدا وانتبهت لشغلي ونجحت وبقي ليه اسم ف السوق ومكنتش بتعامل مع ستات خالص وكل م تيجي سكرتيره عندي متكملش اسبوع وتمشي
وجيتي انتي بقي قدرتي تستحمليني خلتيني احب اني اقعد معاكي كنتي بتمتصي عصبيتي وغضبي
ولما حبيتك حبيتك لشخصك لذاتك مش لجمالك كنت بغير وكانت جوايا نار اما بشوفك واقفه بتتكلمي مع واحد ف الشركة بس انا كنت غبي ضيعتك من ايدي وكأني انا اللي عايز اصدم نفسي
..
مي بتهيده : مممم عشت ف كل الوجع ده
ده انا فراق بابا وحاسه اني وقعت واتكسرت
و...
...
قاطعها رامي : تتجوزيني يامي
...
مي بصدمة : ______😳.!!!؟
..
مي : هسيبك تروحي يامي وتفكري مش عايز رد دلوقت
هستناه يومين واكلمك
&&&&&&&&&&&&&&&&&&
ساره : ههههههه والله كان شكلكم مفضوح م الاول
اوووووي مبرووووك ياقلبي
....
مي : مممم مبروك ايييه هو انا قولتلك موافقة
...
ساره : لا يابت واضح انك رافضة باين من صوتك بصراحه هههه
...
مي : تصدقي انتي لسه رخمه زي م انتي الجواز لسه مغيركيش انا غلطانه اني عبرتك
...
ساره : مي حببتي انا مابقاليش غير يومين متجوزه لحقو اليومين دول يغيروني
....
مي : ممم هو كدا بقي ساره انا بحب رامي اوي وف نفس الوقت مجروحه منه وخايفه اخوض التجربة دي معاه
..
ساره : مي حببتي رامي واضح عليه انه بيحبك جدا ده طول الفرح عينه عليكي ف كل حته وافقي يامي بقي وافرحو واخرجو من الحزن اللي انتو فيه ده
...
مي بتنهيده : مممم ماشي ياساره معلش بقي دوشتك هسيبك انا بقي
...
ساره : انتي هبله يامي انتي تتكلمي ف اي وقت وبعدين يابنتي انا زهقااانه اوي حاسه اني محبوسه
...
مي : ههههه من يومين وبتقولي كدا
...
ساره : طب هتيجي امتي
...
مي : هشوف كدا يوم وابقي اجي اباركلك ان شاءالله
.
&&&&&&&&&&&&&&&&&&&&&
عاده شهر ومي ردت ع رامي ب انها مش حابه الموضوع دلوقت وقالتله سبني شويه
وكانت مي ف مشوار وبتفتح الباب ودخلت لقت ست كبيره قاعده مع مامتها
...
مي : السلام عليكم
...
سهير : تعالي ياحببتي سلمي ع طنط
...
مي بخجل وهي مش عارفه مين دي : اهلا ازيك ياطنط
...
قامت داده امينه باستها وسلمت عليها
ازيك ياقلب الطنط بس انا بقي مابحبش كلمة طنط
انتي هتقوليلي زي م رامي بيقولي داده امينه اكيد عرفتيني كدا
...
مي بخجل وفرحه : اهلا ازيك حضرتك ياطن أ أ ممم ياداده امينه
...
داده امينه : طب هستأذن انا بقي وهستني ردك ياام مي
...
سهير : لااا والله ل تقعدي تشربي العصير
...
داده امينه : صدقيني من فرحتي انا كأني شربت وكلت كمان
هستني تليفونك النهارده بقي كفاينا انتظار هههه
سلام عليكم
...
سهير : خلاص حاضر ان شاءالله مع السلامه نورتينا
.&&&&&&&&&&&&&&&&&&&&&
مي : ماما مامااا
...
سهير : ايييه براحه نعم
...
مي : ايه كانت عايزاكي في اييه
...
سهير : جايه تصاحبني
...
مي : ماااا قولي بقي
...
سهير :جايه طالبه ايدك ل رامي صاحب الشركة اللي كنتي شغاله فيها
...
مي : مممممم
...
سهير : ايه كمان هتقوليلي ارفضي ياماما دع كمان وتقعدي تتفلسفي عليه بالكلام بتاعك
...
مي بهدوووء : لاء
...
سهير بفرحه : بجددد يامي
...
مي : بس ثواني ياماما هو ليه مجاش هو
...
سهير: مانا سألتها بردوا السؤال ده قالتلي ماهو خاف ترفضي ف هيخلي هو بقي الخطوه الاخيره انه يجي بنفسه
...
مي بغرور وحطت رجل ع رجل : ممممم تمام مافيش مشكلة
...
سهير : نزلي ياجزمه رجلك من وشي وقوليلي ايه كل الغرور ده
...
مي : اه ماما سوري معلش بس هو مش غرور دي ثقة بنتك فرحانه بنفسها انها قدرت تكسب
...
سهير بحيره : تكسبي ايه يامي
...
مي : هقولك ياماما اما كنت شغاله ف شركة رامي كان اسلوبه غريب وبيتعامل ب طريقة غريبه معايا مش بس انا لا ده مع كل البنات وف مره زعلني جامد اوي وسبت الشغل طبعا ياماما انا مؤضتش احكيلك لان مرضتش اوجع دماغك بالموضوع ده المهم عرفت انه
...
سهير بفضول : انه ايييه يامي احكيلي
....
مي بخجل ووشها احمر وحطت وعنيها ف الارض : انه بيحبني
...
سهير بفرحه : هههههههه انتي مكسوفه طب كملي كملي
...
مي : بس ياماما ف انا قررت اطلع عينه الاول واشوف فعلا هو بيحبني وهيستحمل رخامتي معاه وهيكمل انه يوصلي للاخر بااي طريقة وله لا وفعلا يياماما وده اكدلي حبه ليه وزود حبي ليه
....
سهير : والله يامي انا قلبي هيتحرك من مكانه من الفرحه
...
مي بفرحه : افرحي ياماما بس ليه طلب عندك انا هفضل تقيلة معاه بردوا شويه عشان يعرف ان الله حق ويخاف يزعلني
...
سهير : اللي انتي شيفاه يابنتي المهم فرحيلي قلبي بيكي والله نفسي اشوفك ف بيتك قبل م اموت
...
مي بحزن : ليه ياماما الكلام ده بعد الشر عليكي انا مقدرش اعيش من غيرك
&&&&&&&&&&&&&&&_______
خلصو اتفاقات وداده امينة كلمت سهير تطمن ايه الاخبار واتفقو رامي يروح امتي يطلب ايديها
ومي بلغت ساره باللي حصل واتفقت تروحلها اليوم اللي هيجي فيه رامي
...
ودخل رامي ب بوكية ورد وعلبة شوكلاته كبيييره
ورحبة سهير بي رامي وداده امينة وكريم كان جاي مع رامي
....
سهير : اهلا بيكو منورينا
...
رامي : بنورك ياماما والله
...
داده امينة : والله انتي ياام مي تدخلي القلب كدا وتتحبي بسرعه
...
سهير : حببتي تسلمي والله ياست امينه
...
رامي : طب هي فين العروسه بقي اتأخرت ليه
....
سهير : ثواني هروح اندها
......
كريم : ايه ياعم مستعجل ليه ده احنا لسه داخلين
...
رامي : عايزه اشوفها بقي انا حاسس الدقيقة بتعدي ساعه
&&&&&&&&&&&&&&&&&&&&&&&&
مي : بجد مافيش حاجه وحشه فيه الفستان حلو
...
ساره : كله شييييك وسيمبل تحفة بصراحه
سهير : ها يامي يلا العريس بره ع نار 🔥
...
مي بخوف وتوتر : حاضر حاضر اهو خلصت
&&&&&&&
دخلت مي واديها بترتعش وهي ماسكة صنية العصير
واول م دخلت عليه وكلها خوووف و....
..
وتنتهي حلقتننا النهارده وانتظروني ف الحلقة القادمه
أنت تقرأ
بين قلبي وقلبك
Romance#المقدمه أيظن أن لا يكون للحب مكان في قلبه مرة اخري أقسم ع نفسه أن يغلق بيبان قلبه ويمحي اي أمراءه تأتي امامه ولايعطي قلبة لمن لايستحقه بل لا يعطيه لأحد وسأظل هنا مكاني وحدي لم اريد احد سوا انجح ف عملي واجتهد واوصل لمكانتي ولا اريد ان اتحدث مع ذ...
