بنات العيله

الحلقه: 7

ام ايمن / وليوم الدين مانبيكمش ويوم اسود اليوم اللي شافك فيه ولدى 😡
.
فاديا / 😨
ايمن / امي عيب الكلام اهوااا

طلعت فاديا من بحدا خاالتها زعلااانه عالاخر .....
ايمن / امي انا ولدك وهادى بنت اختك والله مايصير منه النكد هدا اصلا بلا سبب
.
ام ايمن /مش انت لي تعلمنى الصح والغلط  امشي في جرتها راضيها زى عوايدك
.
ايمن / امي انى ... 
وقطع كلامه صوت تلفون ام ايمن اتصلت بيها جارتها قالتلها جااايه بنهدرز
.
طلع أيمن من بحدا أمه بعد ماعرف انه مافيش فايدة من النقاش معاها
.
فاديا طفت عالغدى وجهزت روحها عشان يرفعها ايمن لأمها وطلعو للسيارة
.
في الطريق
أيمن / فاديا مازعلتيش من أمي صح ؟
فاديا شبحتله / شن رايك انت ؟؟
افرض امي قالت عليكم هكى !!
أيمن / امسحيها ف وجهى وتحملي ع خاطرى بس
فاديا غيرت وجهها للجهة التانية  / قداش بنمسح ف وجهك حاجة يا أيمن الوضع معاش ينطاق وانى فديت

أيمن سكت ..
فاديا شبحتله / علاش سكتت ؟
ايمن / عشان مش عارف شن نقول جيت بين نارين
فاديا / خودلنا حوش وريح راسك وراسي وراس أمك
ايمن / هدا اللي نفكر فيه غير وسعى بالك مش ساهل نشري حوش بين يوم وليله
فاديا / ياودى انى راضيه حتى بي آجار مؤقت المهم نفتك من النكد
أيمن / حاضر ،، اهم حاجة ماتجيبيش سيرة لي أمك وتكبر القصه
فاديا / متخافش

،،،،،،،،،،،،،،،،،،،،،،،،،،،
وفي هالوقت وصلت جارة أم أيمن وخشت
طبعا الجارة هااادى نسخه من ام ايمن في الجكترا وشوفة الحااال
.
الجارة / مالا وين بنت اختك
ام ايمن / مشت لي هلها الله لا يردها 😠
الجارة / خيركم بسم الله مالا تعاركتو !!
ام ايمن / اصلا مش راضيه عليها من الاول
الجارة / تبي الحق اوخيتى سامحينى لكن استغربت فيك واخدة وحدة خوها خريج حبوس اللهم عافينا
ام ايمن / اااه هادى حرقة قلبى
..
ولا كأن الجارة تتكلم علا اختها 😕
،،،،،،،،،،،،،،،،،،،،،،،،،،،،،
ووصلت فاديا عند اهلها ولقت خواااتها كلهم قاعدات مدايرين جو عند امهم هدرازى وضحك

مروة ومودة وشيماء وبشرى  وبوهم وامهم
خشت فاديا سلمت عليهم
مروة / مالا وين العزوز الشمطاء
بشري / هههههههههه اكيد مايشرفهاش تجى عندنا
فاديا / غير سلمو وانتم لاقيتونى بالقرمة 😂
ام مروان / اهلا بنيتى نورتى وينك معاش شبحناك
فاديا / اهو عايشة وخلاص
وكملت سلام علا خواتها ..👋👋👏
فاديا  / وين بوي
ام مروان / في داره
.
فاديا / بنمشي نسلم عليه والله مستاحشاته هلبا
مشت سلمت عليه وهدرزت عليه شويا ورجعت بحدا خوااتها وامها
شيماء / ماباركتيش لي بشرى
فاديا / علاش شن صاير 😍
شيماء / امس جو ناس شافوووها وتقريبا عجبتهم
مروة / وعلاش ماخبرتونيش 😕
شيماء / والله نسيتكم بكل
مودة / الله غالب يامروة اصلا احنى ديما اخر من يعلم
فاديا / تى باهى انتى وياااها خل نفهمو من العريس ومن وين واهم حاجة تكون أمه ميته 😂
ام مروان / تحسابيهم كلهم زى خالتك 😂
فاديا / والله جتنى عقدة من الحماوات والعزايز يا أمي 😭
.
ام مروان / جاها واحد من سوق الجمعه من عمرها وبي حوشه ويخدم في مصرف لكن  مطلق 😓
.
فاديا / علاش مطلق ؟
.
ام مروان / حسب مافهمت من خواته قالو ماتفاهمش مع مرته وهيا صعبه
شيماء/ مدامه كويس امي عادى راه حتى مطلق مرات احسن من غيره
.
ام مروان / لكن رزينه عليا نعطي بنتى لى مطلق وين نعلم مرات يطلقها ،،حتى بوك متردد
.
فاديا / علاش تحسسو فيا ان المطلق والمطلقه مرتكبين جريمه ماهو الطلاق حلال زيه زي الزواج بالضبط
.
ام مروان / يستر الله
.
فاديا / شنى بشرى علاش ساكته شن رايك ؟
.
بشرى / مش عارفه اهو عطيناهم موعد نضرة شرعيه ونشوف
.
شيماء / ربي يسخر
.
وكملو هدرزة البنات مع بعض وكل مرة علا حاجة ووسعو خاطرهم وخااطر ميمتهم .
🙆🙅🙏🙋🙎🙈
،،،،،،،،،،،،،،،،،،،،،،،،،،،،
.
تانى يوم
عند مروان حصل عمل واخيرا في استعلامات ف عيادة وليه ممكن اسبوعين يشتغل فيها
.
ونفس العيادة تشتغل فيها دنيا بنت خالته اخت ايمن ممرضه .
دنيا حسب تعليمات امها ماتجيش ولا تحتك بي مروان الا للضرورات القصوى كانت احتاجت حاجة من الاستعلامات بس
.
دنيا تعرفت على شاب عن طريق الانترنت والشاب هدا كان من قبل من جماعة مروان وعدها بالزواج وطلب يشوفها طبعا عطاته عنوان العيادة .
.
والولد مايعرفش ان مروان بدا يخدم غادي
جاها للعيادة طلعتله من الباب الخلفى
دنيا / هلا
الولد وكان اسمه زياد / اهلا بيك شنخبارك
دنيا / تمام 😊
زياد / واخيرا تلاقينا
دنيا / خلاص مش شبحتنى توا امشي لان ولد خالتى يخدم هنا 😞
.
زياد / لكن مش هدا اتفاقنا نبي نقعمز معاك ونهدرزو
.
دنيا / والناس شن تقول عليا راه كلنا نعرفو بعض هنا 😱
.