رن تليفون ماما رديت
الصوت... انت امينه
انا.. لالا لحظه نعطيها لك
وعطيتها للماما
فجأه ماما جت تجري
انا.... كنك تجري 😨 هزيتي الحوش رآه😂
ماما... خزي ما اتحشمي 😒 عالمهم بنقولك كلمتني سالمة القبجه بنت سعاد الفطحه الي تقعد بنت خديجه العوره الي تقعد بنت خالتي فتحيه العبده قالت حقوك في عرس وعجبتيهم وبيجو يشوفوك
انا...😨 تحكي جد وامت جايين😅
ماما... قالت لأسبوع الجاي يقولولنا
يابنات يستر الله قبجه وعوره وفطحه وعبده😭تاريخ عائلي جميل😒 شكله العريس سمح بكل😢
طبعا فكرت وقلت للماما شن اسمه عشان اندوره ع الفيس وانشوفه طبعا زي ماتوقعت مالقيتش😒 انضر الخرا شن مسمي روحه😭 ياخوفي يطلع من عيت sweet 😭 ننتحر😢بعدها
طبعا نبيش نقول للصحباتي 😒 لا ياحنه شينات وانتوقع يخطفنا مني😒
ماما نوضتني ثاني
ماما... انت يافرخه نوضي داء😒 وهي تشخر
انا... ماما لو سمحتي 5 دقائق وانوض😩
ماما... نوضي سحيقه رآه وقسما بالله انجيب المعزده نوريك الدلع كيف شكله😠
ماما.... طبعا انت مجوزه ومتريحه اتنوضي بدري اتنوضيني وتردي أحدا راجلك ومدفيه وجوك خطير😒 وانا انوض انضم زي البهيمه
ماما... ريتو طولة اللسان
طبعا كرتني من شعري ونضت زي الكلبه انضم ورابحه الجربه في باريس😭 بالله عليكم مش ظلم😢 شنو الحياة هذه
ومشيت للجامعه
انا...صباح الخير
ساره. .. صباح النور كنه وجك منور تحسي كأن في وراك عريس
انا... لا يابتي منين بيجي العريس وانتن معايا😒
سالمة. .. متأكده😨
انا... متأكده وانتن جوع عرسان😑
واليوم كله خايفه يكشفني😨
وبعدها عديت للمحلات وشريت قفطان😍 طويل راسم جسمي لونه أزرق حبري وطلقت شعري ندلع بيه 😁 طبعا هو رأس مالي😁 وكحلت عيوني لكبار 😍 مشاء الله خميسه عليا✋ ودرت روج فوشي😍 وكندره كعب فوشيه😁 اللهم صلي ع النبي عين الحاسد تنعمي✋ وخشيت
انا... السنام عنيكم☺ ودايره روحي متحشمه😁
أمه طرف واخته كتلة 😒 وخالته عسل
أخته. .. انا عندي ايفون 6
انا... بهي شن مطلوب مني😒
ماما قرصتني قرصه😢 تهيالي العلامه مش حاتحول بكل أخته. .. انا خويا طرف رآه بس انت مش نوعه المفضل فامتعبيش روحك
انا... ورأس امك تقوليهش😒 ع أساس ميتة علي وجه انتو الي جيتو والله
أخته. . ياااااي اسلوبك بيئه😅
انا.. ورأس مينتي كان ماسكرتي خرارتك نوريك البيئه كيف شكلها👊
طبعا الدوه هذه بيني وبينها
أمه. .. شن اسمك يابنيتي
انا ... مقبوله☺
واخته تقعد تضحك تقول قلتلها نكته😒
أخته. ... هههههههه 😂 مقبوله ووووه عليا بطني😂
انا....😒 اها مقبوله شن في مايضحك
البنت هذه مش طبيعيه خاطري انلطها كف علي وجها البارد😒
أمه. .. خلاص اسكتي ياميمي عيب☺ طبعا مقلوبه مشاء الله عليها وكويسه لكن نقدرش انقرر لعند يجي ناجي ولدي يشوفها وهو الي يقرر
توا عليش جايين😒 ويحرقولي في أعصابي وفي الآخر ناجي الي يقرر👊 داء ان شاء الله 😒
انا ... تسلمي بس اسمي مقبوله مش مقلوبه😒
وروحو خزي روحه بلا رده جايتهم تغم القلب 😒
وكلمت ماما ثاني يوم ع أساس بكرا بيجي ناجي😕
#يتبع
