وكلمت ماما ثاني يوم ع أساس بكرا بيجي ناجي😕
طبعا قعدت انفكر شن اندير بيش عمك ناجي نعجبه وانا شايفة تجارب من قبل جعاكه ورابحه الجربه وفوزيه فكرت ناخد من كل وحده حاجه
نبدو بفوزيه كانت دبه وعيونها حالات من بعضهن وشعرها تل😨 وبيضه
ورابحه الجربه كانت محشنه وسنونها صفر وضحكتها لحماريه راكن تنسنها بيش اتعلمنها كلكن 😁 والبنه الجيفه
الجعاكه كانت مجعكه وسمره والرقصه المكلوبه بتاعتها حتى هي راكن تنسنها تستحقلها في الاعراس😉
وقعدت انفكر نقوللكم شن درت
نبدو بشعري👈💇 طبعا دوشت وما مشطش وجففته من تحت قعد مصبي فوق اها آماله شنو نبيه يطلع من الايشرب😒 شنو فوزية فيش خير مني 👊
وطبعا قعدت كم ساعه وانا نرقص في الرقصه المكلوبه للاحتياط يعني✋ وماغباكن العرق بعد الرقصه ضروري نخلي بنتي زي رابحه😒 اه آماله شنو😩 ومع هذا كله ماجتش كيفها😠
وقعدت ساعه كاملة مافيش فواصل وانا نضحك في ضحكة لحماريه اتباع رابحه😊
وأمي مولعه القرأن وماسكه المصحف
امي... بسم الله الرحمن الرحيم شن صارلك يابنيتي شن فيك حي عليا يقعد راكبك جن حي عليا بنتي انضر من ساحرها
ماعدلتش عليها لأن مافيش وقت للنقاش
ووجي درتله كريمه داكنة ولبزتها في وجي قعد امبقع جربة كيف رابحه✌
وصبغت جمتي صفره ✌ضروري منها عاد عشان تطلع من الاشرب ولبست عبايه كبيره مشروطة نفس ابتاع فوزية وطلعت الجمة الصفرة مشبيه ونمشي زي رابحه ☺
وجاء عمك ناجي وانا انبحت من الباب
ووووووه يابنات العطر ولا السماحه ولا الغمازات الي حافرات وجه كله😍 وقعمز وواضح انه نضيف يحبش العفن وراقي ✌ فرحت بكل
بعدها خشيت انا عاد وانبحت في وجه نبي انشوف ردة فعله فجأه الراجل قعد لونه اصفر
انا... السلام عليكم
هو...😨
ماحكش ولا كلمه مانسمع الا في تطقطيق اسنونه تقول يدربكن😨 شكله مرتبك بكل😁
بعد ساعه من الصمت وهو قريب يزقب من الروشن ويتمتم وخلاص مره مره نسمع فيه يقول أعوذ بالله بسم الله
هو... ش ش شششنن اااسمممك
انا... مقبوله☺
هو... م مقققلووبه ك كم معمرك
انا... نعطيها ضحكة لحماريه ابتاع رابحه😂 ربع ساعه وانا نضحك عاد ضروري انبينله الضحكه هذه فرصتي😁 وهو رفع كرعيه عند وجه قعد يقول ياربي ياربي ياربي 😨 حسيبي ربي اسنونه قريب طارن مش يدربكن بس دارن عرس😂
انا... معليش ضحكتني😂 مقلوبة ومعمرك😂 لا انت مرتبك بكل
هو... صبى ومش قادر يمشي كرعيه يتخبطن في بعضهن وفتح الباب وطلع😨
تي كنه هذا شكله مش طبيعي مريض نفسي😒
تي حتى تليفونه نساه😂 اصلا من أول ماخشيت حسيته مش طبيعي😒
خشيت للماما توشوش ع التليفون وأول ماحقتني بدت في رش بميه ولا مش عارفه شنو وتقرأ في سورة البقره😨
انا... ياماما كنك 😨
ماما... حي عليا يدوي اخره😱 ياربي ساعدني
#يتبع
