خشيت للماما توشوش ع التليفون وأول ماحقتني بدت في رش بميه ولا مش عارفه شنو وتقرأ في سورة البقره😨
انا... ياماما كنك 😨
ماما... حي عليا يدوي اخره😱 ياربي ساعدني
انا.... وووه عليا شن الي يدوي وانط معاها قعدت😨
ماما... أعوذ بكلمات الله التامة من شر ماخلق 😨 شن تبي من بنتي😢
انا... تي من يا ماما خوفتيني😭 وقربت منها
ماما. .. ووووه عليا بيقتلني وووووه😱 ياربي ساعدني😱
انا. ... تي شن الي بيقتلك حي علينا😱
كرتني من شعري وخششتني للدار 😨وصكرت عليا وانا مش فاهمه حاجه وانا طبعا رقدت😒 جت منها التصكيره مافيش ضم 😁
وبعد شويه فتحت للباب خش شايب😨
انا.. من انت 😨
هو بدأ يقرأ في قرآن ويقرب مني
انا... تي كنكم اليوم شن قالولكم عليا كافره 😨
الشيخ وهو يدوي للماما. ... شكله جن مسلم😨
ماما... كيف عرفته وهي اليوم كله ترقص في رقص غريب وتضحك تقول حمار يضحك😨 تي حتى الراجل طلع وهو عاملها في سرواله انضر شن مدايرله😱
الشيخ... شكله جان من النوع القوي
ماما... يانا عليا يابنتي حظك بلهون 😱
مسكني وقعد يقول أخرج من هذا الجسد😨
انا... تي من الي يخرج عطك داء 😨
هو... هل أنت جان مسلم
انا.... تي أين جان يا يعطيك كفان علي وجك 😒 انا مقبولة
هو... انت جنيه
انا.. لالا عفريته😂
هو..... 😨 لا ضروري انكلم الشيخ عبد الله الموضوع كبير😱
ماما... حي عليا ووووه عليا بنيتي😱 شن صارلك يانا عليا😭
انا... يا ماما كنك😨 قاعدة قدام وجك ودرتيني بنموت
ماما عدت تجري للشيخ .... حي عليا قال بيقتلها😱
الشيخ.... أخرج قبل أن نستخدم أقوى اسلحتنا😨
انا... تي عطك شله تشلك😒ومعش انشوف وجك تي من الي بيخرج شن تخرفو 😠
هو يحكي للماما... والله ياحاجه الموضوع مطول شكله جان عنيد وشكله يقدر يضرنا😕
ماما تريش في شعرها... يانا عليا يابنتي حي عليا من بيقعدلي ووووه عليا مقبولتي رأس بنيه يانا عليا ياقلبي😭
انا.... تي كنك يا ماما بعيد السو عليا عليش تفاولي😨
وجت تجري تضرب فيه ... اطلع من بنتي اطلع😨
انا.... تي إي واعره... تي كنك 😨 تي مافيش حد خش بيش يطلع
وطلعو سيبوني ورقدت اخره😒 وبعد شويه خشو 4 وحدين اثنين مسكوني من يديا واثنين من كرعيا
وجاء عمك الشيخ عبد الله واقطع جيته😒
الشيخ عبدالله. .. ما إسمك
انا ... مقبولة 😒
اضربوه وضربوني بحاجه زي السير😠
الشيخ. ... إن كذبت مره آخره سنضربك من جديد
انا.... ااااي😭 والله مانكذب أسأل حتى امي
الشيخ... اضربوه
وحصلت ضربه آخره 😣
الشيخ.... نحن نعلم انك ملتبس هذا الجسد وتحاول تملكه😨
انا.... تي عنجد وجكم😭 مافيش حد متلبسني😢
الشيخ.. اضربوه
انا.... ااااااي😭
الشيخ. ... أخرج من هذا الجسد
انا.... من الي يخرج مافيش حد اصلا😢
بس في واحد ماسكني طررررف😍 وتحسوه انعجب بيه يبحت فيه وخلاص
وبعد عدة ساعات من التشليط😒 قررو يديرو اجتماع انضر شن ناوييلي😣
الشيخ... ياحاجه اول مره نقابل حاله مستعصيه هكي
ماما..... يانا عليا باهي شن بديرو😢
سنجتمع ونقرر😒 ادعي أن الله يبقيها سالمه😕
وطلعو كلهم وخلو معايا الطرف😍 عشان مانديرش في روحي حاجه😒
انا... الله يربحك صدقني أن مافيش حد خاش فيا😭
هو... وكيف نعرف
انا ... نحكيلك كل حاجه انا ماعنديش حظ ديمة الشينات هن الي يجوزن 😭 وحكيتله علي فوزية والجعاكه ورابحه الجربه
وانا قررت اندير زيهن عشان العريس يقبل بيه وأمي تحسابني ممسوسه 😭 وبحتت فيه لقيته من الضحك لعند عيونه دموع 😂
هو...ههههههههههههههههه😂 وووااااااك عليا يابطني😂 ههههههههه مش قادر انوقف😂
انا ... صدقتني😢 والله من الضرب مش قادرة انقعمز 😭 الله يربحك قوللهم
هو..هههههههههههههههه 😂
انا... بلكي سادك ضحك😒
هو. ... هههههههه والله ليا سنه ماضحكت هكي😂😂😂 عليك حسد فيكن انتن يا البنات 😂 انت هبله ولا شنو هذا نصيب ربي يكتبه لكي😂
انا.... باهي عدي قوللهم😣
هو...هههههههههههههههه ماتقوليش طلعتي للعريس هكي😂 قصدي هلك عندهم حق يحسابوك ممسوسه
انا.... ضحكت ضحكة لحماريه ابتاع رابحة 😂 اها طلعت هكي
هو.. سلام قول من ربي الرحيم😨 متأكدة مش خاش فيك جن شن الضحكة هذه😨
انا ... هذه ضحكة رابحة 😒
هو.....ههههههههه قصدك مقلده حتى الضحكه😂 ننصحك معش تعاوديها😂 لأن تقول حمار قدامي😂
انا... بلكي سادك حناطه😨 وتصبي تحكيلهم
وعدا حكالهم وبعد ستين واسطة بيش اقتنعو😒
وكلا ماما كل ما تحقني تقعد تقرأ في قرأن مازلت مش مصدقة 😨
وانا من التشليط الي حصلته قعدت شهر كامل مانقعمزش 😠 واعتزلت الجواز معش دخلني من اجوز ومن انحرق😒 شعفت حتى هي ليله حصلتها ماهي ليله😢
و بديت نمشي للجامعة ونحق الطرف الي كاين معايا وأول ماحقني قعد ميت من الضحك
هو.... هههههههههه تصدقي كل مانذكرك نضحك لعند قريب انموت😂
انا... إن شاء الله تموت😒
هو... شن صار توا مازلتي مقهوره من البنات😂
انا... لا خلاص معش دخلني بحد عقلت😒
هو. ...ههههههه عقلتي😂
انا... ورأس أمك تحل عن سمايا مش ناقصتك😒
هو...هههه😂 لا خلاص معش نضحك بس انتم قاعدين اليوم ☺
انا.... قاعدين😒 بس عليش
هو.... اصلا بيجو الشيوخ بيشوفوك
انا... لا ورأس أمك لا 😨 قوللهم مش قاعدين😨
هو.... ههههههههه😂
انا.... زيد اضحك😒تقول مكتوب علي جبهتي اضحك😒 هي وجك بنعدي
هو... ياهبله بنقولك بنجيب هلي اليوم ☺
انا...😨 اه
#يتبع
