حلقهہ8
انا.... زيد اضحك😒 هي وجك بنعدي
هو... ياهبله بنقولك بنجيب هلي اليوم ☺
انا.... اه😨
هو... كنك😂 انبصر رآه 😒
انا... اصلا عارفتك😒 مبردك👊
وعديت للمحاضرة وروحت رقدت وماما مولعه القرآن ومش عارفه شن حاجه الي مغبقه الحوش بيها😒
ماما... نوضي يعطيك جدري👊😠
انا....😩 ها ورديت رقدت
طبعا كرتني من شعري
ماما ... والله العظيم كان مش الناس إلي جايين توا كنت كسرت عليك العصا😒
انا... باهي يا ماما عليك حاله😒
ماما... خزي لا عاد في حشم لا جعره
انا... من جايين😒
ماما.... تي غير نوضي قبل فضح بيك👊
نضت بشفاشيفي وتوته كل قطعه شكل وانا نهزب ونسب😒 عليك حرق دم وقتهم الناس اكيد هذه جارتنا فاطمة القصقاصه😒 لصقه الاخت👊
طلعت لقيت ناس نعرفهمش😨 سلمت
وهم يبحتو فيه😨 مستغربين شعري مشفشف والجمه صفره وباقي شعري أسود😨
الأم. .. والله شن نقوللكم 😕 ولدي قالي علي بنتكم مقبولة وشكرها ليا بصراحه ☺ ونحن جايين اناسبوكم بس وين مقبوله متحشمه منا ولا شنو☺
طح سعده الحيوان قالي يبصر😱
انا. .. أهو قدامك قاعده😒
خالته.... قصدك انت مقبوله الي يشكر فيك😱
انا.... أنعم هذه انا😁
أمه. .. والله ولدي هو حر هو الي بيجوز😒
انا... كني مش عاجبتكم ولا شنو 😨
امي... فضح بيك 😱 اسكتي وقرصتني😭 نفس المكان الي من قبل😢
أمه. .. والله شن نقولك الحق كنت انتمناله احسن من هكي بس هو عجبتيه وانا راضيه☺
انا... طبعا نعجبه أماله لا 😒 طرفوشه😍
عمته.. كنشي طرشوقه كلا الطروفيه ماشفت منها حاجه😨
انا... احترمي.. وماكملتش الكلمه إلا ماما قريب قطعتلي جلدي😒 وسكتت
خالته. .. 😒 يصير خير ان شاء الله
وقعدو شويه وروحو👊 خزي قهروني اصلا لو كان قالولنا قبلها كنت وريتهم الجمال على اصوله😒 بس يالله جت هكي😒
وكلمت امه ماما عشان المقابله الشرعيه😕 توا عليك طروح شايفني مرتين وتوا بيدير مقابله😒 ماعلينا 👊
جت يوم المقابله لبست قونه وبلوزه وجاكه واشرب وطلعت😒طبعا خشيت وهو ميت من الضحك ياهو جديات شكيت في جبهتي مكتوب عليها اضحك😒
انا ... السلام عليكم 😒
هو...ههههههه😂 مش خايل عليك العقل😂
انا... 😒 حناطتك هذه الي بتخليني نطلع😒
هو... هههههه😂 غير وسعي بالك
انا... وسعته😒
هو. .. كيف حالك 😅
انا... الحمدلله. .. وعليش البراده خليتني نطلع لهلك بشفاشيفي
هو....هههههههه😂 نبيك علي طبيعتك اصلا😍
انا.. صاح😍
هو.... اكيد نبصر😂 خايف علي هلي تفجعيهم بشي حاجه من افكارك😂
انا.... باهي عدي دور وحده تفجعش😒
هو.... وأنا نبيش وحده تفجعش نبيك انتي 😍
انا.. صاح😍
هو... اها عشان انحب ننفجع😂
انا.... نعن جد ثقل دمك😒
هو.... مش أثقل منك😉
انا..... يا إلهي ع البراده😒 انا مش موافقة عليك
هو... غصبن عنك 😍 لأن انا نبيك
انا ... مش حانتهبع المرة هذه 😋
هو... تي نحكي من جدي ☺
انا... صاح😍
هو... انبصر😂
انا .... 😒 مبردك
هو ... لا والله نحكي من جدي وتو نتفق مع هلي ونحددو العرس ومشتاقاته😁
انا... يصير خير☺
هو... نعليا من الحشومي😘
انا... تحشم ياسخيف😒
وروح 😍 وانا شكلي كبدت رغم برادته😒
عرفتكمش علي الطرف
اسمه محمد أكبر مني ب 3سنين طويل أسمر شويه وعيونه خضر😍 وعنده غمازات شعره أسود ولحيته سوده😍 نعليا يجنن😍 وأهم شي دبشه خيال✌
وجونا هله من جديد وتمت الخطبه رسمي
طبعا عديت نجري للفيس كتبت مخطوبه وحطيت صورته بيش نقهر الحسديات ✌ وكتبت (أخاف عليك من عين تصيبك ) 😁 ما مشتش في خاطري😂 شنو خير مني فوزية وطرفها😂 وطبعا كلهن مقهورات 😂
وطبعا عزمتهن ع التلبسه😂 وجن كلهن يبنش يفوتن ولا حاجه😁
يانا عليا😍 خش ولبسني الدبله😃 وطبعا لصقت فيه 😁 ونقهر فيهن ونخمس علينا✋ اللهم صلي ع النبي عينك ياحاسد تنعمي✋
ونوشوشله
انا... (بصوت واطي في وذنه ) دير أي لقطه عطك داء فضحت بينا☺ ومعاها ابتسامة للبنات
هو... (بصوت واطي في وذني) تي انت خليتيني اندير حاجه 😒 انت الي حشمتي بينا
انا... باهي اضحك ع الاقل
هو... ها ضحكت😁 وحسابك معايا ع الحركات هذينا😡
انا.... غير اضحك توا بس وبعدين دير الي تبيه☺
وهن دخاخين فوق روسهن😂 وقعد ختيبي رسمي😃✌ وانا مشبطه فيه بيديا وكرعيا خايفة وحده من الفرخات الحرام تسرقه😒 قريب نعورله عيونه😒✌
هو... انت كنك فهميني😨 كل دقيقه ترني وكل مره نلقاك قدام وجي وكان تلقيني مشغول اديريلي نهار اسود👊
انا ... شن عرفني وحده من هالفرخات تاخدك👊😒
هو.... شنو لعبه قالولك عليا الي كل مره تاخدني وحده😒
انا... والله شن عرفني
هو .. مقبوله ترقيهاش ليا ... انا اخترتك انتي عشان انعدي للوحده اخره😒 انا نبيك انتي نبي مقبوله نبيها هي نبي الهبله بتاعي انا ونبيك وانحبك علي طبيعتك نبيك واثقه فيا نبيك تنسي الناس والحسد نبيك أتفكري بس في مستقبلنا وعيالنا مقبوله مش عارفة أن انا انحبك😍 والي ايحب مايبحتش في حد غير الي يحبه من أول ماشفت عيونك وقلبي تعلق بيك معش قدرت انفكر في غيرك😍 أنحبك
انا.... نعلوشي😍 مش قادره انصبي كرعيا انشلن اول مره نحس في حد مهتم بيا😍حتى انا أنحبك
طبعا هو صكر من هن والكلام طلع من هن👂😂
وشغلت المراقبات بتاعاتي لا ياحنه شن ضمني😒👊
جاء يوم الزفة وطلعت انهبل✌ قهرت ناس واجده👊 وطبعا عارفتكن حتى انتن مقهورات😂
شوية وخش حمادي نعليا طالع يهبل بكل😍 وكلهن عينهن عليه👀 منقهرات 😍
انا.... خود المايك وديرلي جو بسرعه😃
هو... شن قالولك عليا الفونشه مثلا😒
انا.... داء وانت ماينفع معاك الرومانسيه👊
هو... اسكتي انا بروحي مرتبك😕 وبطلي حركاتك خيرلك😒
ونحن طالعين طبعا نقهر فيهن انحرك في حواجبي ويديا 👌 راني جو ماشية وانتن معنزات😂 انا ..شيلني بسرعه😃
هو... عنجد انشيلك 😨 لما نوصلو للشقه ساهل نبيه يشيلني عشان نقهرهن😒 وكان نقولها له يديرلي محاضره👊 ومش ناقصته
انا مسكت في رقبته واشعبطت 😂 زي القرده هو أضطر يشيلني وعفس ع الفيلو وطحنا نحن لاثنين 😭
الفيلو انشرط😢 وانحرجت قدام الناس والبنات يضحكن عليا😭 وهو رقاله بكل😒 قالي حذرتك من قبل😢وظهري راح فيها😭 والناس ماتو من الضحك😢وتعاركنا وعليك يوم اسود 😭 الناس يروحو فرحانين انا روحت نبكي وكل واحد رقد في دار أسبوعين مانحكوش😒👊
شوفو حظي أحلى يوم ليا قعد أسوء يوم ليا 😭 بختي عطيب شطيب😒 الله غالب والي يحقني يذكرني باليوم هذا 😔 وقعدو كل مايحقو وجي ماعندهمش غير سيرة الطيحه😒 هذا كله مني ومن الحسد والقهر الي فيا كله رد عليا كان راضيه بالي عندي ماكانش صار هكي😞 وخربت علي روحي 😕 خليت روحي مضحكه😒
انزل الجزء الثاني !!!
