رويده- كعدت الصبح رووف مو بالغرفه كمت بدلت ونزلت شفته يتريك وي نسيبه واخته وباجيتي. رفع راسه ابتسم كال
ها شون صرتي
روعه- ليش شبيها شنو مريضه
رويده- باوعتلي روعه بقلق وباجيتي هم كالت
يمه هذا حليب دافي تعاي صايبج برد هاي جيف الوطني مطفت البارحه واحنا متعلمين تطفى هههه مايلوكلنا نعيش مثل العالم والناس هههه دتعاي تعاي لتضلين واكفه وجهج كركم
رويده- كعدت يمها صبت الحليب من الدله وطتني شربته كله باوعلي رووف يبتسم ياشر على شفتي بيها حليب وينصي يباوع لبو محمد يخاف لينتبه جريت كلينكس ومسحته تدنت روعه وقدمت الجبن ناوشلي رووف صمونه مكسبه بقيت اباوع عالصمونه شون عرف بيه احبه مكسب سويت لفه وكعدت حجو مواضيع مختلفه اني. روحي تلوب كوه الوج باللفه وابلعها زردومي مجرح من البجي شايله هم لرجعتي لاهلي. ولحد الان كلام حيدر يدك باذني. قاطع تفكيري سليم كال
رويده من يمج القوري صبيلي جاي فدوه
اوك همست صبيتله وكامو من الصينيه واني بعدني اججيب اللكمه منا واوديها منا رووف كاعد كدامي بقه مكام. بس مدياكل. يشرب جاي بهدوء ويباوع عاللفه مالتي شوكت تخلص مدا. اكدر. بعد ذبيتها
باوعلي بقلق كال
كمليها يابه
ماريد شبعت مو بيدي
ميخالف تتقوين يله كمليها البارحه الليل كله تونين مصخنه
رديت بتعب عفيه رووف شبيك اني مو مثلك تكعد اول واحد وتكمل اخر الكل اني هذا اكلي من اول احجي بهدوء خاف يسمعوني روعه تروح وتجي تباوعلي معاجبها باوعتله شفته منصي راسه جرنفس رفع عينه باوعلي وعدل نضارته كال
تره كاعد على مودج خاف تخجلين تبقين عالاكل
كال هيج وكام من الصينيه انقهرت كمت وراه شلت الصينيه ولملمت ورتبت كلشي وغسلت المواعين وصعدت حمودي ابن روعه عالدرج كال
عمه خالو كال صيحها وياك
اي اوك
عمه عادي اخذت من ثلاجتج نستله خالو كلي ميخالف
اخذ حبيبي
شكرا هسه من بابا يجيبلنا اجيبلج اني هم بيباي
ههه اباوعله نزل من عالدرج ركض اول مره يفوت لغرفتي شجابه شعجب طبيت للغرفه اباوع رووف يربط حزام بنطرونه. باوعلي ونصه كال
ها
شنو ابتسم نصه دار وجهه كال عبالي بعدج تردين ترحين
اي اني حضرت هدومي ليش انت حتطلع عبالي من بابا يطلع توديني باوعلي مايس نزل ايده صفن عليه جر نفس كال
تحضري
اوك لبست وهو كاعد عالقنفه مال غرفه صافن عالكع ويهز رجله ادري بيش ديحسسب بس مو بكدي بس هي ايام وتعدي وراح اثبتلهم انه ماعيدها بعد بس لو ينطوني فرصه ولو اني مااستحق كملت وكفت كدامه اندار عالجنط ميباوع بوجهي كام نزلها خلاها بالسياره كالت باجي
