رويده- طلعنا وكفنا بمحل مال ملابس نزل ونزلت وراه نطاه التيشرتات كله طلعن كبار اخذ الاصغر دياخذ نفس الالوان شفت زيتوني وشفت اكو وردي وصخ
لالا هذا احلى جريت الوردي وصخ واللون العسكري جواه جان. باوعتله هاي الوانها حلوه
تردين البس وردي همست اباوع بعينها
باوعتله بتوسل والله شبابي. شبيك
ماشي جريت نفس باوعت للبناطير كالت
اخذ كتان احلى
قماش
لاا كتان مثل الكابوي بس كتان هذا باوع راقي
اوك جريته كالت
هذا يرهم وي ثنينهم جان لونه بيجي طوخ اخذته وطبيت اكدر راحت يم الاحذيه بدلته طلع ستندر طلعت شفتها شايله حذاء وحزام مرهمه وياه
هزيت راسي اوك تقربت كالت
هذا حلو يكعد وياه باوع
هذا بسع يتصوخ جوزي وقماش
عود اغسله اني
كيفج لبسته على كدي بس شوي بي ضيق اخذت القياس الاكبر اخذنا الغراض وصعدنا جانت فرحانه وكانما الغراض الها رجعنا للبيت باوعتلها كالت
بقه بس تزين
غمضت عيني ودرت وجهي هزيت راسي صار
شوكت نروح
وين
وي ورده وعلي
راحو باوعتلها راحت ابتسامتها باوعت عالساعه تاخرنا عليهم باوعتلها ابتسم عود نطلع العصر
اوك ابتسمت طبيت بدلت طب ورايه اخذت الغراض علكتهن هو يبدل ويباوعلي كال
متغدايه
لا
ليش هاي من مااجي اتغده متتغدين
لا باوعتله بجمود
وعلاجج شون تاخذي. بله. نترت متخوصر بتعب رويده تره انتي موصغيره
والله ماشتهي وحدي باوعت بعينه جر نفس طول نضرته كال
دصبي دناكل
اوك ههه كمزت للمطبخ احمي الاكل شوي واجه طلع من الثلاجه الزيتون ويدردم
الاكل على حاله من رووف يتزقنب بره نكضيها صيام بعدين تتخربط ومتعرف شبيها
دااكل فاكهه والله كلتها اندار عليه سد الثلاجه بعصبيه
وشتسوي الفاكهه من انتي جوعانه لو انتي اصلا ماعدج هرمون الحوع
ههههه باوعتله يباوع بعصبيه مضحك فر ايده وراح كعد عالميز ايده على كصته جنت اتصرف بعفويه. واضحك اقل شي الطف الجو منا فرحانه انه غير ستايله ومنا حنطلع العصر خليت الاكل اشرلي
اكعدي اكلي
اوك كعدت كدامه وبلش اكل جنت مسويه مركه بيتنجان وتخبل صارت صار يومين. من سويتها وهو يتغده بره واني ماالعب بيها. لان وحدي اكضيها لبن وفاكهه. جان ياكل بعدم شهيه
