البارت التاسع
رويده- حيدر مخله شي. مجابه ذهب لبس هدايا تلفون كلشي جانو اهلي خايفين لان اول بنيه تتزوج عدهم وبابا جدا متوتر وحسين هم ركض ركض صار كطع المهر. مااعرف شون وسوينا مهر جان طاير بيه من طبيت الضحكه والوجه الاحمر المفضوح بي حبه وعيونه التركض عليه من منبت شعري لطارف اصبع رجلي جان يباوعلي بفرح كانما صرتله الجنه وصار كل حياتي نسيت نضرات الكاعدين وعيونهم الحاقده وتضايق اهلي والتهيت بي فرحتي بي نستني كلشي يضايقني ركصنا وحدنا وخواتي هم ركصو بهدوء وشوي وكعدو وهمه ولاواحد بيهم ركص ولا هلهل غير خالته وحدها واخر شي امه حجت وياها وكعدت بعد مكامت ابد تكول عدهم عزه الذهب اللابسي كومه مثل المشايفين كملت الحفله وراحوا بعذ مشبعت من عيونه اول مول اتصل
حياتي
ها عيني
احبج شنو كمر ويضوي بين اهلي لج كلنا رصاصي بس انتي ثلج طالعين زي موحد
ههههههه
شنو ثلج شنو فهميني اكتلها لروحي خرب ببلسيج جسم لو حوريه
تسلم
اووف ربي بس كون الله ينطيني الصبر منا لشهر ابوج ليش عررت بالشهر مو كلنا سبوعين
حبيبي اهلي خايفين من الاستعجال
ها اوك هاهي
زين اهلك شبيهم ضايجين
عمري عوفي كلشي علينا بفرحتنا. ماريد احد يتدخل بيننا ابد
اوك
احبج
اموت عليك
ياووويل كلبي اصيح شون
هههه
مرت الايام وخلص الشهر وتزوجت انزفيت لشقتنا وحيدر مثل الممصدك حتى من فتحه السياره طلع ورمه بالسما ورجع يبوس بيدي وبدت حياتي الجديده وياه واني مداصدك احس كلشي ركض ركض صدك تزوجت اخذني بلهفه وشوك جان مثل الحلم يكولي انتي حلم وردي ماريد اصحى منه. بقه سبوعين بالشقه ميقبل يروح للشغل نتفرج افلام نسولف مسلسلات. واغاني نركص نضحك هواي تونسنا هواي حبيته وحبني مر على زواجنا شهر وبده الدوام واجتني اول صدمه
حيدر تدري شنو احلى شي
شنو حبيبي
المدرسه قريبه عليه كلش ههه بعد سبوع دوامي
شنو يادوام هذا شويه سكتي
حبيبي لازم اداوم برطمت شفتي ادلل عليه جرني لحضنه قوي ويبوس بركبتي كال
حبيبي رويده سدي الموضوع اذا تحبيني سدي ماريد تطلعين من البيت انتي ام بيتي جوه ماريد تنزلين من اروح للشغل
بقيت صافنه عليه هزيت راسي اوك لا اني الاخب الدوام كلش ولا اني الشاطره وافقت وسكتت بدت حياتي يوميه يروح للشغل ب7 ويرجع بالاربعه ينام ساعتين ويطلع يلعب حديد ساعه ويرجع اكله كله دايت وبروتين وخلاني اني هم العب رياضه وي واهسه لحد الان مرايحه لاهلي وحيصير 50يوم لزواجنا مشتاقتلهم كلش علاقتي باهله غريبه حيل ميقبل انزل الا وياه احسه يخاف عليه منهم ومن يصعد يكولي يله ميبقيني دقيقه وحده يمهم واللشي الغريب اكثر من يطلع يقفل الباب عليه يكولي اخاف عليج موبيدي جنت استغربه حيل مااعرف ليش بس مو فد شي اكعد ب6اسوي ريوك اله ونتريك سوه وارجع انام اسوي الغده ب11 وارتب ويجي ب4واني جاهزتله ومرتبه روحي ومتحضره اله جان من يطب رغم تعبه وجهه يضحكلي ويتقدم يحضنني ويشتمني
عافيتي انتي رويده تدرين
هههه انت هم من تطب الدنيا كلها متهمني بعد
ياعمري انتي حبيبي ابوج خابرج
اي
زين اني هم خابرني وعزمتي كال عازم بيت عمج هم
اوك نزلت جوه وياه وره مكعد العصر وجتي عمته عمرها ب30وممتزوجه يابه سمينه ومطبكه تطبك ضهرها كله طبكات. وكعدنا نسولف امه كالت
يمه حيدر وجهك اصفر دتاكل
اي امي احد كلج ميت جوع دتسويلي مرتي كله اكلات بروتين بس توني كاعد من النوم
تثاوب وتمدد على قنفه بيتهم وخله راسه بحضني باوعلي ابتسم كال
لعبي بشعري لعبت بشعره اباوعلهم صافنين علينا اخته انكلبت خلقتها وبدينا نسولف كالت اخته
رباب
هاي بيت عمج بناتهن متزوجات
اي روعه وفيف صار هواي متزوجات
شكبرهن
بكد خواتي
لعد شعجب خواتج معنسات خطيه ههه
لا همه يردون يكملون دراستهن
ماكملتي دراستج لعد شبيج يحضي
حيدر نتر
هاي شبيج رباب مجان درستي انتي
والله اني امي متقبل عليه الروحه والجيه عدنا عيبدالبنيه يشوفون طولها كل احنا هيج بنات عمي هم ينحجه بشرفنا مانكعد نسوي علاقات وتلفونات والله يا الله
حيدر- اهووو كومي رويده الضاهر ميعجبهم انزل جوه اني هم نازل على اعصابي
رويده- كعد عدل يلبس شحاطته مااسمع الا عمي طب و نتر
بسسس شنهاللغوه
صارت صنطه وحيدر صار كتكوت منصي راسه ورباب سدت عينها ودارت وجهها بغرور كالت
يابه مايعجبه يكعد ويانا
ويطبه طرب كوم اخذها واصعد عنكم مانزلتو اصلا ماحب طبتكم تجيبلي العله امشي يله اصعد
حيدر- اعتذر يابه
رويده- بقه منصي راسه واعتذر بقيت صافنه بقيت ساكته ريكي اخاف ابلعه يباوعلولي بحقد واتهام اني شعليه كملت رباب
اي وولد عمج هم ما مزوجين
احم لا بعد احم-
طبعا ياهو الينطيهم خطيه فكر رايحين يكول رجلي واحدهم عماله واللخ عامل بمكوى واللخ يشتغل عد اخوج واللخ خبل
بقيت اباوعلها نصيت راسي امها كالت
شنو هو خبل
لا بس هو بس يضحك همست واباوع لابوهم الضل يخزر بحيدر وحيدر منصي طلع ابوهم وطلع وراه حيدر امه كالت
زين شعجب مامزوج
والله خاله ماعرف مينطو خطيه
هو شنو موضف
موضف ويدرس ويشتغل تكسي ميكعد بس شون الهبل بس يضحك بالوجه وميعرف شيحجي ولبسه مخربط
هذا يرادله مره وتعدله خطيه عمي احنه ننطي ياسه هههه شتكولين ياسه
رويده- باوعت لمرت عمي باوعت على عمتهم هو صح رووف عده كرش بس مو بسمنها هاي كلش سمينه من كالتلها عمتي هيج هي باوعتلي وكامت ركض كعدت بصفي الله عليج كوليله عليه كالتلي هيج
ابتسمت باوعت لعمتي
شفايتله تصيرين اله عمه اباوعلها عيونها مجحضه تخوف وهو جعب استكان ربطت وعلي كالت امه
اي كولي لامه لامج عمي كبعو واخذوهههه
بقيت صافنه عليهم هزيت راسي ورباب تباوعلي من فوك ليجوه من صعدنا حيدر انكلبت وضعيته عرفت رباب اخت رجلها تصير الجان خاطبها حيدر وفصخ بس الصدمتي انه حيدر وتغييره كام بس يتصفن مر يومين حيدر حضن ميحضنني وكلامه قليل تركته براحته وبعدني اداري اكله والبروتين وصار يوم العزيمه ورحنا اني وياه لبيت اهلي خطيه بابا ممخلي شي مجايبه وبيت عمي كلهم هناك وكعدت يم مرت عمي وكتلها على ياسه كالت بلكن الله تركت الشقه بله قفل كملنا غده ورجعنا بعدما شفت اهلي وحيدر وي الولد كلش تونس ولد عمي واخويه. رجعت للشقه صعدت اباوع اكو دم عالدرج الخارجي كلبي وكف طبيت للشقه لكيت مثل الاحد ماسح الكع بعد مايصير بيها دم استغربت الموضوع حيدر بيومها بليل اختنك وكعد يصرخ واني مكدرت انام جسمي ينغزني. ---
مروه- قبل الدوام بيوم اخذت هدير وسرى اشتريلهم للمدرسه قبل لنطلع دك تلفوني
هذير هاي نور
ها طيني الو نور ها اني حروح وي مروه ها اوك هسه اسالها
مروه تكول نور عادي اجي وياكم لان بابا عده شغل ميكدر يتسوك
خل تجي عادي
تعاي يله نور ههه انتضرج اني هم تشوفت
مروه- هدير كامت تكمز حيل متعلقه بنور ومقهوره عليها شوي ودك هورن بالباب كلبي راد يوكف هورن سيارته طلعنا اني والبنات نزلت نور من شافني رضا نزل مبتسم تقدم
هلو شونج مروه شون صحتج دنتعبج يابه
لا استاذ عادي بقيت اباوع بعينه هلكد مشتاقه اله بس لكيت بعينه تعب وجهه ضعفان رايح بريق اللمعه اللي بعينه وحتى جسمه ضعفان وعيونه تباوع بعيني حسيت لهفه وشوك بس يمكن اني متوهمه او متصوره هالشي صح كال
اوصلكم بطريقي
لا العفو استاذ احنا نحب نتمشي يله نترخص
ماوصيج بنور
لا لتوصيني حالها حال هدير وسرى
واثق اني من هالشي يله الله وياكم بابا نور ب8امرلج
اوك بابا باي
اذا مكفتج الفلوس استعملي الكرت تعرفين منين تسحبين
اي بابا باي
مروه- طلع وعيونه عليه من الجامه الجانبيه نصيت جريت نفس حتى مباركتله بزواجه عيوني راسن اكلت عيونه ونسيت كلشي بعد وين اشوفك مشينا واسمع نور تحجي وي هدير كدامي---
لج جذابه وحقيره لج تاخذ من بابا فلوس وتكوله بنتك احتاجت واخذتها من غير ابنها عزززه كومه فلوس باك
عزه بعينج متحجين لابوج
بابا دايخ خطيه بيني وبينها تعبته البارحه يكولي ما الله ياخذني وارتاح ورطت روحي خلاني اسكت وتشوفيها تلبس وتكشخ وتضحك عبالك كلشي ممسويه. هي بابا ممقصر عليها بشي ليش تبوك منه ليش تاذي
عوفيها نفسيه طاح حضها
عايفتها والله بس بابا خطيه نضامه الغذائي جانت الخدامه تحضره اله ومرتبته وهدومه وكشخته هسه تدرين شتكوله من يكولها الخدامه ترجع تكوله عينك عليها تريد تسوي وياها شغلات عيب
عزه بعينها
بابا كلها اني لوعدي هالسوالف مااتزوج
تكوله لا تغطي على روحك خلت بابا يصيح تدرين اول مره بحياتي اسمعه يصيح وصوته وصل للشارع
شكد عيب
خطيه بابا والنبي مستاهل
الله يساعده
مروه- جنت اسمع وكلبي عاصرني وسرى تباوعلي تكولي دتسمعين تنهدت وهزيت راسي اي اشترت سرى ملابس وهدير ونور هم ودك تلفون نور
الو ها خاله. اي خاله ليش. خاله بابا طانيا
كالتها وبجت وراها خلصت مكالمه تقربت منها
شبيج نور
خاله تخبلت من عرفت المرت عدي مال راتب بابا تكول لعد ليش من اكوله ميقبل ينطينيا قابل ابوكه اليوم احرك الدنيا. ست والله تعبت واخاف من الصياح والنبي
حبيبتي خلي روحج بقوقعه عوفيهم ابوج جبير وهو يحل مشاكله تعاي كملي مشترى لتغثين روحج
مروه- كملنا مشترى ورجعنا للبيت دكيت الباب حسين فتحها كال مصيح
هلا شرفن وسكت من شاف نور ابتسم
هاي نور عدنا هلو نور شونج
هلو حسين همست بفهاوه كال
شونج مرت ابوج شونها كالو مضوجتج وابتسم
نور-نصيت راسي بجيت
مروه- خزرته وملامحه من شاف عيونها تغيرت فك عينه كلها
حسين- هي بجت لو الدنيا سودت باوعت لهدير جريت نفس
شبيها
مروه- هيج تلاغت وي خالتها يله نور تعاي
لاست بابا حيجي هسه
دك هورن كالت اجه يله باي شكرا ست
هدير- راحت نور وكلبي راح وياها ولافرحت بغراض المدرسه من وره هاي خالتها-----
سرى- بعد ذاك اليوم متتصل رغم مفتوح الحضر على طول اشوفه متصل قررت مافكر بعد بالموضوع كانما مصاير باجر دوامي وهالسنه وحدي مروه موويايه سالي صديقتي اتصلت علمود الخط وسجلنا نفسه اول سوال سالتها
مها ويانه كالت
لا انقلت وراحت لاربيل
جريت نفس براحه خلصت اول يوم خطيه رووف اجه عليه بسيارته ورحت وياه وصلت للجامعه ونزلت طبيت راسن للقسم كمت احس الانضار عليه مدري اني احس هيج تقربو مني حجو ويايه كل موضوع ينفتح احسه بسمار الي لحد ماتي سالي جريتها
تعاي
ها شكو
شحجت عليه مها وكدامن
حجت كدام الكروب مال قسمج وواحد اسمه رافد طيح حضها وطلع خياساتها
شنو
اي والله كالها سكتي ام العلاقات لتجيبين طاريها اشرف منج وهي خنست
شحجت احجي
كالت عدها علاقات وتستشرف ولصمها رافد
تدرين سالي هذا رافد حاول مرتين ويايه واني اعتذر منه بلباقه واكوله انت واحد متنرفض بس اني معقده وراح بعد مااجه
فديته لو ممتزوجه جان تزوجته ههههه
تدرين بعرسج شصار لو متدرين
شصار
مصوريني بالقاعه النسويه اباوع سالي وجهه انكلب كالت
مها
اي مها
تالي
هاهي الله ستر بدت محاضرتنا امشي
اوك بقت كلسا تصفن وتباوعلي بالمحاضره بس كملنا كالت الا اخابرها اطيح حضها توسلت بيها ماريد مشاكل واخذت منها وعد متجيب طاري كدامها وسكتت كوه مر اول يوم بسلام رافعه راسي والحمد لله وثاني يوم شفت رافد ابتسمتله هو من شافني ابتسمت عكد حاجبه يضحك يباوعلي مستغرب شوي وخلصت محاضره واجاني راسن
شونج سرى انشاء الله عام دراسي كله تفوق
هلو رافد هله بيك انت هم انشاء الله تتخرج
شخبارج
ماشيه الحمد لله ابتسمت ضحك وجهه ابتهج كال
شنو جنها امي مكثره دعاء بصلاه الفجر لابنها
هههه لا والله بس حبيت اشكرك عالموقف
ياموقف يابه مواقفي هواي ههه
لا والله لانك دافعت عني هواي احترمتك
هااه ههه يمعوده هاي بعوضه زنانه محد يصدكها
ماعدي شي وياها والله ماعرف ليش هيج
من غيرتها يابه هه على العموم اتشرف بشكرج بس غير ترضين عليه
والله انت اخ عزيز رافد واحترمك جدا
يابه مرايدين شي مكتلج عاشكج بس حبيت اقوي علاقتي بيج اخابرج تخابريني
اعذرني ارجع واكررها الك. انت الف وحده تتمناك بس اني معقده
الله يباوك بيج تربيتج سرى
يله اترخص نصيت راسي ومشبت من يمه منصيه ومرتاحه كلش بقيت امشي بالممر المودي للكراج جان الممر فارغ امشي واباوع عالكع. وافكر بكلام سالي وحجي رافد. شكد حاولت مااختلط بس ضعاف النفسيه هم متركوني استغفر الله امشي وسارحه سمعت صوت خشن ورايه اشبه بالهمس
شونج سرى
وكفت جامده التفتت كلبي يدك رفعت راسي معد ابتسم من صارت عيني بعينه نزع المناضر الشمسيه وميل راسه بقيت جامده نضرته الحقيره مموجوده متغيره لنضره تخبل كلبي دكته تخربطت ومرت دقيقه على وكفتي وصفنتي ونفسي وهو هم واكف ولازم المناضر عينه بعيني لحد ماواحد دك هورن بداخل الكراج فزيت نصيت راسي ومشيت سريع وارجف وهو ورايه يمشي
دقيقه بس احاجيج. سرى
مجاوبته خايفه عبالك وعبالك حتجيني حجايه مادري كلش انحرجت ردته يروح باي طريقه كملت طريقي وصلت للسياره الخط وصعدت وكعدت ليوره درت وجهي لصفحه اللخ عن صفحته وكف يباوعلي مستغرب باوعت السياره فارغه ورجعت باوعتله بدو البنات يجون ويسلمون عليه باوعلي اخر مره لبس نضارته وراح ارتاحين بعد ماكانت اعصابي مشدوده كلشش ارتخت طلعت السياره وصلت للبيت
مروه- درست ورده ومن شفتها مااعرف شصار بيه جانت بنيه ناعمه وضعيفه ومطفيه لابسه اسود ومعالم الحزن متعشعشه بوجهه قهرتني. بس بهرتني بذكائها بيوم الجتي شوي واجه علي وكعد وي حسين بالحديقه. من نزلت اجيب المي شفته وعينه عالشباك مال صاله عباله دادرس بالصاله عرفته عاشك وواكع هم ب الحب كملت محاضره دتطلع واني داوصلها وكف علي ابتسم باوعتله ونصت راسها غابت ابتسامته ونصه راسه راحت ورده شلت ايدي سلمت
هلو علاوي
هلو هلو مراوي الله يساعدج
اليوم عدنا وكاشخ ومتهندس وعطرك واصل لراس الفرع
ابتسم نصه راسه كال والله ضايج وجيت وي سليم
هله بيك ابن عمي هسه اسويلكم جاي وكيك
اي والله
جر نفس بتعب وباوع للسما مااعرف شنو البيهم بس حلوين كلش كملت الشهر وياها وكل متجي علي يجي حتى يشوفها بس هي عيونها مطفيه حبيبتي هاي التفقد ام حاولت هواي اتقرب منها اضحكها ابد بس جانت تدرس وهاهي متحجي زايدمثل نور كمل الشهر وامتحنت ونجحت الحمد لله وبقيت كاعده بالبيت واساعد ماما ماعدي غير شغله بابا نصحني اقدم عالماجستير بس احس روحي تعبت واريد ارتاح فتره وفجاه وره الدوام بسبوعين اتصل استاذ رضا من شفت رقمه كلبي فز رديت وره كم دكه بعد ماعدلت نفسي وهياتها
الو
السلام عليكم شونج مروه
هلو استاذ شونك
بابا بعد تخرجتي ههه مو مال استاذ
ههه تبقى دكتوري واستاذي
بت اصول مروه
تسلم جريت نفس دكتور مبروك زواجك سمعته جر نفس بحسره وكال
تسلمين بنتي يوم الالج
تسلم
اني اليوم ردتج بموضوع ومتامد مراح ترديني
لا استاذ العفو كول
الج خلك تلزمين نور المواد المتعرفها لان فد نوب مفارغلها وبدت الدروس تصعب وهي كلش حابه على واهس هدير تدرس
تدلل استاذ اصلا. اتمنى ادرسها
بس تعرفين شرطي
ميخالف استاذ التومر بي يصير
ممنون منج مروه والله انتي غاليه الله يشهد
كالها وكلبي رجف همست تسلم
والله اليوم اباوع مكانج اكول جانت تضوي القسم من تطب
فكيت حلكي على حجيه بقيت ساكته كال
الو
ننعم استاذ
مشكور مره ثانيه يله اترخص سلامي لوالدج
وصل استاذ الله وياك سديته ورجيت راسي عالحايط والتلفون على صدري واتنفس خرب كلبي محبيت غيره كل كلمه منيدبعفويته تشمرني شمر
سرى- رجعت للبيت سبحت ونمت وراها تغديت روتين عادي لليل بعد مكملنا شغلنا صعدنا نتمدد وبقت مروه جوه تسوي معجنات بعدما كعدت كامت تنام متاخره وتكعد متاخره اخذت التلفون وقتته واشوف رساله مننه
ياترى استحق منج هاللقاء
بقيت صافنه من فتحتها راسن رسل
اخيرا قريتيها
مرديت
سرى ردي
نعم
تره بس ردت اسلم عليج ليش هيج تلكيتيني
مكتب شي سديته وعفته شوي ودك فايبر
يااا عزه بعينك رفضته رجع دك رجعت رفضته رجع دك سويتله بلوك توني انام دك عالشبكه صدك جذب رفضته سويته سايلنت ونمت واني مسطوره بي الصبح كعدت لككيت40 مكالمه لم يرد عليها شبي مخبل هذا لبست ورحت للجامعه اول مطبيت لكيته واكف بباب جامعتي بس شافني نزع المناضر باوعلي نفس النضره القديمه بغضب وعتب هالمره بيها نصيت تعديته ومشيت كال
اوكفي بس كلمه
وكفت التفتت عليه كال
مو اعتذرت منج هلكد حاقده
تركته ومشيت شبي هذا خبل مو استاذ معهد الله يچرم كملت محاضرات ورجعت بعدما شفته وهم بليل داانام لكيت مراسل
يعني تره عيب عليج
اهووو رديت
تفضل رايد شي
راح ادك عليج ردي
اوك كلت راح اجاوب افتهم شرايدمني دك رديت راسن
الو
ليش هيج دتسوين شنو متونسه من دتشوفيني اركض وراج
لا ماريد تركض ورايه حينتبهون الطلاب نترت
مردت بس احاجيج كلمتين وهاهي
احجي شتريد جر نفس وسكت بقيت انتضر كال وره شوي
سامحتيني
همست اي
يعني الصار نسيتي
نسيت كلشي اطمؤن
لعد ليش متباعين بوجهي
استاذ معد جر نفس
نعم سرى
تره اني هاي طبيعتي ماريد امولك ترهراكول لرووف لو اكول لابوبه عيب انت استاذ والك مكانتك وهيبتك بس اني معقده والله وافتخر بهالشي ياهو اليحاول يعترفلي اكوله اني معقده العيب بيه همس
هذا احلى عيب
بقيت ساكته كال
سرى اتمنى نكون اصدقاء
لا استاذ اسفه يله اترخص وعيب اسوي بلوك عالشبكه مو صح لان انت استاذ ومراح ترجع تتوسل بوحده حتى تحاجيك
بقه سامت
معزالسلامه استاذ
الله وياج ديري بالج عروحج
سكتت ورها كلت مع السلامه وسديته من يومها بعد متصل بس نضراته من اطب ينتضرني لحد مااجي وميطلع لحد مااروح حتى يشوفني صرت اذا ماالكاه ادوره بعيوني
