حاربي من اجلي

البارت الاول

السويد
عائلة من اربع افراد كاعدين على الاكل ويسولوف شلون مر يومهم
غالية- اني كلش فرحانه اليوم و اخيرا خلصت دراسة و رح اصير صدك دكتورة و اسوي عمليات بالمستشفى. جانت تحجيلهم شلون احتفلت بتخرجهه و يه دفعتهه و الاساتذة بالحفلة الخاصة بالطلاب . وهي منفعلة و تحجي و تسولف على مواقفهم المضحكة بالحفلة انتبهت ان والدهه (كريم) مجان متفاعل وياها او بالاصح ميسمع شنو تحجي عايف اكله و صافن.
غالية- بابا تسمعني انت.
كريم- عاف الشوكة واندار عليهه و كال حبيبتي ها  لا شنو تحجين.
غالية- مو شي ياغالي بيك شي.
احلام ( ام غاليه و احمد)- صدك كريم شبيك مو على بعضك اليوم صاير شي حتى اكلك ملزمته .
كريم- اندار عليهه لا مصاير شي ليش هيج تكولون.
احمد- لا بابا بس انت صافن و من رجعت من الشغل مو على بعضك بيك شي
كريم- لا حبايبي ماكو شي هيج اكو حسبه بالي لتشغلون بالكم هسه لازم نفكر شاون نحتفل ب دكتورتنه الحلوة شتريد الحلوة اطلبي و تمني و بدا ياكل.
غالية- ما اريد شي بس سلامتكم.
احمد- اندار عليهه و كال متاكدة تره هاي فرصة متتعوض بكيفج بعد.
غالية- رفعت حواجبهه و تباوع عليه اني مو مثل غيري استغل الوضع تذكر السيارة.
احمد_ باوع عليهه بتك عين اي شكو بيهه ليش ضايجة غير هدية تخرجي و ضحك وراها اذا تردين سيارة عادي كولي من باحر احدث سيارة تجيج بس اكيد بابا الي يدفع.
غالية- مو اكول مو من عوايدك اطلع من جيبك.
احمد- خزرهه بشقة اني مو من عوايدي اجيبلج شي ميخالف نشوف بعد.
غالية- ضحكت يمه فدوة الحبيبي منو عندي غيره ابو حلويات و الطلعات.
احمد- ضحك و كال بدت اللواكة.
كريم- يباوع عليهم و يضحك يارب دومكم هيج فرحانين و تضحكون.
———————————
العراق (بغداد)
في احد معسكرات
ضابط يستجوب احد الارهابيين المسؤولين عن انفجار صار بالفترة الاخيرة و تابع الاحد العصابات الكبيرة
عمر عصبي و طالعة روحة لان المجرم ميقبل يحجي شي
عمر- ضرب الميز بايده و صيح (صرخ) لازم تكلي منو وراكم والا وحق الله متشوف ضوة الشمس بحياتك و موتك على ايدي. ف دك تليفون البيت و شاف ابن عمه اياد يتصل بيه سد المكالمة و كمل كلامه ويه المحرم بس تليفون ميسكت ابد فاخذه وطلع برا الغرفه و جاوب
عمر- بصياح شكو اياد ثبرتني بالشغل اني
اياد- اي بس لازم تجي هسه ضروري لان جدي رجعوا دخلوه للمستشفى.
عمر- ايده كامت ترجف و بخوف ليش شنو صار.
اياد- ماادري بس جان اكو كعده فصل وجدي منفعل و راسا وكع و اخذوه هسه بالمستشفى اني بالسيارة هسه رايحلهم تعال بسرعة.
عمر-بنفعال هسه جاييكم اني بيا مستشفى.
اياد- بمستشفى ........ومحافظة .......
عمر- ركض على سريع و راح السيارته اي زين قريبة  جايكم هسه.
——————————————
مروة دخلت للصالة و شافت الكل مجتمعين و يبجون و متوترين على صحة عزام ( الجد)
مروة- بحزن مصطنع و حضنت جدتهه لتخافين ان شاء الله ماكو شي ليظل بالج.
الجدة- وهي تحضنهه ان شاء الله حبوبة ان شاء الله .
اندارت على امل الي توهه دخلت و تنطي الدوه الجدتهه.
الجدة- حبوبة كلتي العمامج و خبرتيهم.
امل- وهي تنطي المي و الدوه الجدتهه اي حبوبة خابرتهم من زمان و كتلهم تلكيهم راحو من زمان بس قاسم و مصطفى بقوا هنا عمي هاشم كاللهم.
الجدة- وهي تنطيهه كلاص المي عمر راحلهم.
امل- وهي تاخذ الكلاص اي حبوبة راحلهم اياد كاله.
مروة- فزت على اسم عمر و عافت جدتهه و وكفت يعني عمر يمهم هسه.
امل- بصوت ثقيل اي يمهم اياد خابر قبل ساعة وكال وصل الهم عمر وجدي بعدهه الدكتور ديفحصه.
مروة- و هي تريد تطلع حبوبة ليظل بالج هسه اخابرهم و اشوف شنو صار وياهم.
وركضت مروة الغرفتهه و اخذت تليفونهه من الشحن و خابرت عمر.
عمر شاف مروة وتنهد و جاوب
عمر- هلا مروة
مروة- وهي تتصنع البجي هلو عمر شلونه جدي والله اذا صار شي بيه اموت هسه.
عمر- وهو يتنهد بصعوبة لا مابي شي الحمدالله قبل نص ساعة طلع منه الدكتور و طمنه مابي شي يكدر يرجع للبيت بس تعب لان مصار اسبوعين من طلع من المستشفى من الجلطة مالتهه و مرتاح زين.
مروة- وهي تسوي روحه تريد تخلص من البجي و تتنهد براحة الحمدالله ياربي و اشكر فضلك يعني هسه مابي شي.
عمر - ببتسامه لا مابي شي الحمدالله سلامات هسه بس يكعد انرجعهه للبيت و كولي القاسم ايحضر الذبايح الطلعة جدي.
مروة- ببتسامة ماشي تدلل ياغالي.
عمر- وهو يريد يسد التلفون لان اياد ايريده بشي يلا مروة رح اروح اني هسه بس يمعد جدي نجي كلنه ولتنسين تكولين القاسم.
مروة- و ببتسامة لا ان شاء الله وياك و من سد عمر التليفون مع سلامة يا بعد كلبي.
فنزلت تركض للصالة و تصيح حبوبة حبوبة.
فالجدة فزت خافت لاصابر شي
الجدة- و ندارت عليهه خير بنتي صاير شي.
مروة- وهي تكعد بصف جدتهه الحمدالله حبوبة ماكو شي جدي زين و بس يكعد رح ايجيبوه للبيت.
جنان (بنت الشيخ و عمه عمر )- تبجي و تهلهل الحمدالله ياربي و اسكر فضلك رجعتلنه شمعة البيت و تبجي.
جان حضنتهه امل و كالت الهه الحمدالله يا غالية مابيه شي لتبجين.
الجدة- وهي تبجي و تكول الحمد الله ياربي الحمدالله.
مروة- اندارت على جدتهه. وكالت عمر كال خالي قاسم ايحضر الذبايح على سلامة جدي.
جدة - و هي تباوع على مروة اي يا حبيبة خابريه و كوليله.
جان جنان تندار عليهم و تكول لا اني اكلهه و اريد احجي و ياه هم (قاسم ايصير ابن جنان) .
الجدة- ماشي يمة. جان مروة تكوم وتكول اي رح اصعد الغرفتي هسه ماشي و صعدت.
جنان- تباوع الامهه وتكول يمه ميصير هيج يعني البنات كلهه تشتغل و هي كاعد تصفن و تاكل وتنام والله مو عدل البقية البنات شو شبيهه هي كاعده و ماعدهه شي حتى زواج متقبل تتزوج.
الجدة- وهي تتنهد يمه عوفيهه خطيه هيه لام و لاب يمهه عوفيهه تدلل.
جنان- وهي تباوع على امهه ماشي يمه بس والله موزين عليهه ادللوهه هواي باجر عكبة من تزوج شنو يحجون عليهه متعرف اتسوي شي.
الجدة- تباوع على جنان تكلهه كافي يمه هاي بنت غالي عوفيهه.
جنان- وهي تتنهد ماشي يمه سكتت رح اروح احجي ويه قاسم و كامت.

ان شاء الله عجبكم الفصل الاول وياريت تكولولي رايكم حتى اعرفه لان هاي اول تجربة الي بالكتابة 😊😊😊