حاربي من اجلي

البارت الثاني

البارت الثاني

العراق محافظةجنوبية
الجد بعد مطلع من المستشفى ركب ويه عمر السيارة وكاله.
الجد عزام- خير يابو نمر ( لقب عمر) كلت للوادم احنه جايين.
عمر - وهو ايسوق اي شيخنه كتلهم و صار عدهم علم.
الجد عزام- اتنهد بتوتر و يحرك بالسبحة وكال اي خوش و باوع على الشارع و السيارات الماشية من يمهم و منو خابر عمك كريم.
عمر - عصر الستيرن ( مقود السيارة) بيده الحد مصارت بيضه وبينت الاورده منهه ابويه خابر عمي من دخلت اول مرة للمستشفى بس مرد خبر.
الجد اتنهد تنهيده طويله و كان هم الدنية كلهه بيه و كال اي الحمد الله على كل حال و رجع ايباوع على السيارات
انملت المنطقة سيارات و ناس كلهه ترحب بالشيخ الي طلع من المستشفى هسه و كلهه تتحمدله بالسلامة جاب قاسم الذبايج و ذبحوا خمس ذبايح على سلامته للشيخ. و دخل للديوان لان هوايه شيوخ جايين من محافظه و خارج المحافظه حتى يتحمدون للشيخ بالسلامة وراها بساعتين دخل الشيخ للبيت حتى ايطمن اهل بيته اول مدخل بدت الهلاهل و الفرحة على وجوه بناته و نسوان ولده و عائلته كلهم يتحمدوله بالسلامة و البناته بس تيحضنون بيه و يبجون. شافهم الشيخ و ضحك.
الجد عزام - خير شبيكم الي يشوفكم ايكول جاي من الحرب مو من مستشفى فجان سعاد ( ام عمر) اتكول
سعاد- ياشيخنه غير فرحانين بسلامتك و طلعت الحمدالله سالم و غانم.
عزام- اي ام عمر اكليني بهاي الكلمتين وين الحبيبه اريد اشوفهه وينه فالكل ضحك و حجت جنان خير بوية خوما اكو شي تره الحجيه بغرفتهه تعبت هلكد منتطرتكم و تمرضت من سمعت بيك وكعت. جان الحجي يدفعهم و يمشي سريع الغرفته و بلهفه و خوف خير شبيهه غالية.
سعاد-مابيهه شي شيخنه بس تعبت راح الغرفتهه و يعاينهه كعد على طرف السرير و لزم ايدهه و يحجي.
عزام- خير عاليتي شبيج هيج نايمه متلوكلج النومة غاليتي.
غالية( الجدة) - حست عليه و فتحت عيونهه وشافت عزام جان بجت و تحجي بلهفه يابعد روحي اجيت اسفة مكدرت استقبلك شلونك شلون صرت شكال الدكتور ورادت اتكوم و تكعد على حيلهه.
جان عزام ساعدهه تكعد و حضنهه و باس راسهن يا بعد الروح مابيه شي بس تعب اه كبرنه و بعد راح الحيل مو مثل الاول و كعد بصفهه و صفن و بعيونه نظره حزن و عتاب.
ف غاليه ( الجدة) -تباوع عليه و تكول شبيك يابعد روحي ليش هيج مقهور و حزنان تره ماعاش الي يزعل ابو ياسر والروح بعدهه موجودة.
ضحك عزام و لزم ايدهه و باسهه و حجه.
عزام- مابيه شي ياغالية لتشيلين هم.
ف جرت ايدهه و تباوع عليه بخزره ليش عزام قابل ما اعرفك هاي مو عشرت يوم و يومين صارعمر سوه قابلما اعرفك. جان عزام يضحك و يرجع يلزم ايدهه و يكول.
عزام- اتعرفيني ياغاليتي بس وتنهد بحزن و حركة قلب كريم مخابر ولا سال عليه ولا كال ابويه شبيه مابيه اجي ازوره صح طردته بس مو هيج هاج يعني خابره ياسر و لااهتم و سال صح صار 28 سنه بس موكافي ييجي ويشوف عزئلته. جان غالية تطفر الدمعه من عينهه هو منو كاسرني غير كريم اه لو يرجع الوكت مجان خليته يطلع و هو هيج جان ادنك راسهه و تحجي و الدموع تنزل هو مرتاح بحياته هسه ؟؟ عنده جهال ؟اتزوج ديشتغل ؟؟ شو كلشي ما اعرف عنهه اه يا قلبي شكد مشتاقتله. ( هم ميعرفون ان اياد عنده تواصل ويه ابوه و اخوته لان ابوه وصاه مينطي خبر و اياد اكثر من مره شايفهم و زايرهم بتركيا بس. محد يعرف حتى لتصير مشاكل)
——————————————
السويد
كريم كاعد على مكتبه هو مهندس و دكتور ايدرس بالجامعات هو و زوجته ف بستراحة الاكل راحت عليه احلام حتى ياكلون سوه بما ان بنفس المكان يشتغلون ف دكت الباب وفتحته لكت كريم كاعد على كرسي مالته و راسه بين ايده جان تركض عليه بخوف و تحجي.
احلام- كريم بيك شي حبيبي جاوبني فز و انتبه عليهه و كعد عدل مابيه شي حبيبتي بس راسي يوجعني شوية. جان تكومه و تكعد على القنفه الي بالغرفه و تلزم ايده و تحجي كريم احجيلي شبيك تره انت هاي الفتره كلش مو زين وبس صافن و ممركز ويانه حتى البارحة على العشه انت مو يمنه مع ان البارحة حفله تخرج بين زملاء مال غالية.
فباوع عليهه و كال خابروني من العراق جان تضحك و تكول اي شلونه ايادوالله اله وحشه جان تكول بغل بس بشقه اني اعلمه ميسال عليه اذا ما اني اسال خالي اشوفه اذا ما اشلع اذانه ميكون اسمي احلام.
جان كريم يضحك ويباوع عليهه ويكول ليش هيج ويه الولد جان تباوع عليه بنص عين وتكول ولا كاني امه ويسال عليه مثل ابوه و الحمدالله فسحبت ايدهه تريد تكوم ف احمد راسا لزم ايدهه و جرهه عليه و كعدهه بصفهه ولزم ايدهه و باسهه و يكول غير امه و يدلع عليج ( ايادعلاقته قويه ويه مرت ابوه بالاول محبهه ايادبس بعدين بطيبه قلب احلام و حبهه اله مثل ابنهه اتعلق بيهه اياد و يخابرهه و دائما ايكوللهه ماما كان هي الي ولدته و الربته) هسه عوفينه خالي اكملج جان يحجي بحزن و عيونه انترست دموع بس مقبل ينزلهم وكال ياسر خابرني و كالي ابوية صارت بيه جلطه قبل اسبوعين بس مكتله شي و اريد اروحله بس خايف جان احلام تجر ايدهه منه و تحطهه على خده و تخليه اباوع بعيونهه و تحجي بخوف و قلق على والده هذا ابوك لازم تروحله و تشوفهه و لازم تنسى الماضي يعني عاجبك ولدك كل واحد بلد اياد و مروة بالعراق و احنه هنا. وخر ايدهه من خده و لزمهه بحضنه و حجة خايف يرجع يطردني من جديد و ميستقبلني لو رح ايكون باله جاي علمود الورث مالتي . باوعتله تبتسم بحنيه لاحبيبي لتخاف اذا صدك مثل متكول انت تشبه ابوك فحط نفسك بمكانه تطرد اولادك اذا اجوك . فهز براسه و كال لا مستحيل اسويهه و كالتله اذا يلا لعد اخذنه اجازه كلنه خالي نسافر بما ان كريم اصلا عنده اجازه شهر ف عادي جان تصفن و تحجي بتوتر بس غالية شلون و حفلة الكلية هي متحمسة لان هي من الاوائل وهي رح اتكول القسم ابقراط شلون. ف كريم صفن حجه اذا هيج انسافر اني و احمد بعدين انتي و غالية تجون . جان تبتسم و تكول ماشي اتفقنه ف سحبته من ايده و تكوله يلا حتى ناكل قبل لتخلص الاستراحة و تخبصني جوعان جوعان ف ضحك كريم و كام وياها راحوا على مطعم الجامعة ياكلون.
اي حبايبي شنو رايكم بالبارت اريد اعرف توقعاتكم
عمر ليش صار عصبي من جابو سيرت عمه ؟؟؟؟
وشنو ردت فعل اهل كريم هل يستقبلو لو لا ؟؟؟؟
احب اعرف رايكم ولتنسون اتصوتون 😘😘😘😍😍