ﻧﺤﻜﻴﻠﻚ ﻗﺼﺔ
ﻳﺎﺳﺘﻲ ﻋﻨﺪﻱ
ﺻﺎﺣﺒﻲ ﺍﺳﻤﻪ ﻣﺤﻤﻮﺩ،،،
ﻣﺤﻤﻮﺩ ﻫﺎﺿﺎ ﻧﺎﻭﻱ ﻳﺠﻮﺯ
ﻭﻋﻨﺪﻩ ﺑﻨﺖ ﻋﻤﻪ ﻋﺎﺟﺒﺎﺗﻪ
ﺭﻏﻢ ﺍﻧﻬﺎ ﺷﻴﻨﻪ ﻟﻜﻦ ﺯﺍﻫﻴﻪ ﻓﻲ ﻋﻴﻨﻪ ﻭﻳﺸﺒﺢ ﻓﻴﻬﺎ ﻗﻤﺮ
ﻭﻣﺤﻤﻮﺩ ﺷﺎﺏ ﻭﺳﻴﻢ ﻭﺍﺷﻘﺮ ﻣﺎﺧﻠﻰ ﺷﻲ ﻟﻤﻬﻨﺪ ﺍﻟﻤﻬﻢ ﻳﺸﺒﺢ ﻓﻲ
ﺳﻌﺎﺩ ﺑﻨﺖ ﻋﻤﻪ
ﺗﻤﺴﺢ ﻗﺪﺍﻡ ﺍﻟﺤﻮﺵ ﺟﺎﻫﺎ ﻗﺎﻟﻠﻬﺎ ﺍﻧﻲ ﺯﻱ ﻣﺎﺗﻌﺮﻓﻲ ﺣﻮﺷﻲ ﻭﺍﺗﻲ
ﻭﻧﺒﻲ ﻧﺘﺠﻮﺯ ﻭﺭﺍﻙ ﻏﺎﻟﻴﻪ ﻋﻠﻴﺎ
ﻟﻮ ﻛﺎﻥ ﺗﻘﺒﻠﻲ ﺑﻴﺎ ﻧﺒﻲ ﺍﻧﻜﻠﻢ ﺃﻫﻠﻲ
ﻳﺨﻄﺒﻮﻙ ﻟﻴﺎ
ﺳﻌﺎﺩ ﻭﻫﺴﺖ ﺷﻮﻳﻪ ﻭﻗﺎﻟﺘﻠﻪ
ﺷﻦ ﺗﻘﻮﻝ ﺍﻧﺖ ﺍﺗﻘﺮﻗﺰ ﻭﻻ ﺷﻨﻮ
ﻣﺤﻤﻮﺩ ﻗﺎﻟﻠﻬﺎ ﻭﺍﻟﻠﻪ ﻧﺤﻜﻲ ﺑﺠﺪ
ﺳﻌﺎﺩ ﻗﺎﻟﺘﻠﻪ ﻳﺎﺭﺍﺟﻞ ﺷﻮﻓﻠﻚ ﺑﻨﺖ
ﺳﻤﺤﻪ ﺗﻤﺸﻲ ﻣﻌﺎﻙ ﺍﻧﺎ ﻧﺘﺤﺸﻢ
ﺣﺘﻰ ﻧﻮﻗﻒ ﺟﻨﺒﻚ ﻗﺪﺍﻡ ﺍﻟﻨﺎﺱ
ﺑﻌﺪﻳﻦ ﻧﻄﻠﻊ ﺯﻱ ﺍﻟﻘﺮﺩﻩ ﺟﻨﺐ ﺍﻟﻮﺭﺩﻩ ﻣﺤﻤﻮﺩ ﺿﺤﻚ ﻭﻗﺎﻟﻠﻬﺎ ..
.
ﻣﺎﻳﻬﻤﻨﻲ ﻋﺎﺩﻱ ﺇﻥ ﻛﻨﺘﻲ ﺷﻴﻨﻪ ..
ﻳﺎﻟﻠﻲ ﺑﻄﺒﻌﻚ ﻓﺎﺍﻟﺤﻪ ﻭﺭﺯﻳﻨﻪ ..
ﻣﺎﺗﻬﻤﻨﻲ ﺍﻟﺴﻤﺎﺣﻪ ..
ﺍﻟﻠﻲ ﻳﻬﻤﻨﻲ ﻧﻠﻘﻰ ﻣﻌﺎﻙ ﺍﻟﺮﺍﺣﻪ ..
ﻭﺍﺳﻤﻌﺖ ﺑﻌﺪﻙ ﻣﺎ ﺍﻫﻨﺎﻙ ﻓﻼﺣﻪ ..
ﻭﻟﻚ ﻓﻦ ﻓﻲ ﺍﻟﺘﻄﻴﻴﺐ ﻭﺍﻟﻜﻮﺟﻴﻨﻪ ..
ﻭﺍﺳﻠﻮﺏ ﻋﻨﺪﻙ ﻣﺎﻋﻠﻴﻪ ﻭﻗﺎﺁﺁﺣﻪ ..
ﻭﺍﻣﺰﻳﻨﻚ ﺭﺑﻲ ﺑﻌﻘﻠﻚ ﺯﻳﻴﻴﻴﻴﻴﻴﻴﻴﻨﻪ ..
ﻭﻓﻲ ﺧﺒﺰﺓ ﺍﻟﺘﻨﻮﻭﻭﺭ ﻭﺍﻟﻔﻄﺎﺣﻪ ..
ﻓﻴﻬﻦ ﺍﺗﻔﺮﻱ ﺍﺳﻤﻌﺖ ﻛﻲ ﺍﻟﻤﺎﻛﻴﻨﻪ ..
ﻭﺍﺳﻤﻌﺖ ﺩﻳﻤﺎﺍﺍ ﺭﻳﺤﺘﻚ ﻓﻮﺍﺍﺣﻪ ..
ﻧﻈﻴﻔﻪ ﻭﻋﻄﺮ ﻳﻔﻮﺡ ﻛﻲ ﺍﻟﻴﺴﻤﻴﻨﻪ ..
ﻭﻛﻲ ﺍﻟﺨﻴﻞ ﻋﻨﺪﻙ ﻓﻲ ﺍﻟﻤﺴﻴﺮ ﺟﻤﺎﺣﻪ ..
ﻭﻓﻲ ﺍﻟﻬﺪﺭﺯﻩ ﻧﻠﻘﺂﺁﺁﺁﺁﺁﺁﺁﻧﻚ ﺗﺮﻛﻴﻨﻪ .. ﻳﺎﻟﻠﻲ ﻋﻴﻮﻧﻚ ﻭﺍﺳﻌﻪ ﺩﺑﺂﺁﺁﺁﺣﻪ ..
ﻭﻛﻲ ﺍﻧﺸﻮﻓﻬﻦ ﻓﻴﻬﻦ ﺍﻧﺘﻮﻕ ﺳﻜﻴﻨﻪ ..
ﻧﺎ ﺭﺍﻳﺪﻙ ﺭﺍﺍﺍﺍﻧﻲ ﺑﻜﻞ ﺻﺮﺍﺍﺍﺣﻪ .. ﻭﺍﻧﺮﻳﻴﻴﻴﻴﻴﻴﻴﻴﻴﻴﺪ ﺗﺒﻘﻴﻠﻲ ﺳﻨﺪﻭﻋﻴﻨﻪ ..
ﻧﺎﺍ ﻗﻠﺖ ﻓﻲ ﺟﻮﻙ ﺍﻧﺪﻳﺮ ﻣﻼﺍﺍﺣﻪ ..
ﺍﻟﺨﺎﻃﺮ ﻣﻌﺎﻙ ﺍﻳﺮﻳﺪ ﻳﻘﻀﻲ ﺍﺳﻨﻴﻨﻪ ..
ﻭﺍﻟﻠﻪ ﻳﺎ ﺍﺳﻌﻴﺪﻩ ﻏﻼﻙ ﺍﺟﺘﺎﺍﺍﺣﻪ ..
ﻭﺍﻟﺨﻠﻖ ﻣﺎﻫﻮ ﻟﻠﻌﺒﺂﺁﺁﺁﺁﺍﺩ ﺭﻫﻴﻨﻪ ..
ﻭﻟﺸﻜﺎﻝ ﻣﺎﻫﻲ ﻟﻠﻌﺒﺎﺩ ﻣﺘﺎﺍﺍﺣﻪ ..
ﻭﺍﻹﻧﺴﺎﻥ ﻣﺎﺍﻳﻘﺪﺭ ﺍﻳﺼﻮﺭ ﺯﻳﻨﻪ ..
ﺣﺘﻰ ﻭﻟﻮ ﺷﻌﺮﻙ ﻛﻤﺎ ﺯﻧﺎﺍﺍﺍﺣﻪ ..
ﻭﺣﺘﻰ ﺇﻥ ﻛﻨﺘﻲ ﻳﺎﺳﻌﺎﺩ ﺑﺪﻳﻨﻪ ..
ﻃﺮﻳﻘﻚ ﻋﻄﻴﻨﻲ ﺭﺧﺼﺘﻪ ﻭﻣﻔﺘﺎﺣﻪ ..
ﻧﺒﻲ ﻧﺨﻄﺒﻚ ﺣﺘﻰ ﺇﻥ ﻛﻨﺘﻲ ﺷﻴﻨﻪ .
.
ﺳﻌﺎﺩ ﻗﺎﻋﺪﻩ ﻣﺶ ﺍﻣﺼﺪﻗﻪ
ﻭﻫﺴﺖ ﻓﻴﻪ ﻧﺼﻴﺐ ﻭﺭﺩﺕ ﻋﻠﻴﻪ
ﻗﺎﻟﺘﻠﻪ ..
.
ﻳﺎﻭﻟﺪ ﻋﻤﻲ ﺷﻮﻓﻠﻚ ﺳﻨﻔﻮﺭﻩ ..
ﻛﻴﻔﻚ ﺍﺳﻤﻴﺤﻪ ﻋﻴﻮﻧﻬﺎ ﻣﻘﺮﻭﺭﻩ ..
ﺷﻮﻓﻠﻚ ﻣﺰﻳﻮﻧﻪ ..
ﻣﺮﺍﺕ ﺗﻠﻘﻰ ﺑﻨﺖ ﻧﺎﺱ ﺣﻨﻮﻧﻪ ..
ﺷﻦ ﻋﺎﺟﺒﻚ ﻓﻲ ﺧﺸﻮﻡ ﻫﺎﻟﻤﻘﺮﻭﻧﻪ ..
ﻻﺯﻳﻦ ﻗﺎﻟﺐ ﻻ ﺳﻤﺎﺍﺣﺔ ﺻﻮﺭﻩ ..
ﻭﺷﻌﺮﻱ ﺍﻣﺸﻔﺸﻒ ﺩﻭﻡ ﻛﻲ ﺍﻟﻤﺠﻨﻮﻧﻪ ..
ﻭﻧﺎ ﺟﺎﺍﺍﻫﻠﻪ ﻣﺎﺍﻧﻲ ﺍﻟﻠﻲ ﺩﻛﺘﻮﻭﺭﻩ ..
ﻓﻲ ﺣﻮﺵ ﺍﻫﻠﻲ ﺧﻠﻨﻲ ﻣﺮﻛﻮﻧﻪ ..
ﻳﺎﻟﻠﻲ ﺍﺭﻣﺎﻗﻚ ﻛﻲ ﺍﺭﻣﺎﻕ ﺍﺻﻘﻮﺭﻩ ..
ﻧﺎ ﻟﻠﻌﻨﻮﻭﺳﻪ ﻗﺴﻤﺘﻲ ﻣﺮﻫﻮﻭﻧﻪ ..
ﻭﻧﺎ ﺭﺍﺿﻴﻪ ﻣﺎﺍﻧﻲ ﺍﻟﻠﻲ ﻣﻘﻬﻮﻭﺭﻩ ..
ﻳﺎﺑﻮ ﻏﺜﻴﺖ ﺍﺷﻘﺮ ﺍﻳﻠﺼﻒ ﻟﻮﻭﻧﻪ ..
ﻭﺃﺑﻴﺾ ﻛﻤﺎ ﺍﻟﺠﺒﻨﻪ ﺍﻟﻠﻲ ﻣﻌﺼﻮﺭﻩ ..
ﻛﻲ ﻧﺎﺧﺪﻙ ﻭﺍﻧﻜﻮﻥ ﻟﻴﻚ ﺍﻟﻤﻮﻧﻪ ..
ﻭﺷﻜﻠﻲ ﻓﺠﻨﺒﻚ ﻛﻲ ﺍﻟﻨﺎﻗﻪ ﺍﻟﻌﻮﺭﻩ ..
ﺑﻌﺪ ﺻﻮﻣﺘﻚ ﺗﻔﻄﺮ ﻋﻠﻲ ﻓﺮﻋﻮﻭﻧﻪ ..
ﺑﺎﻟﻠﻪ ﺩﻭﻭﻭﺭﻟﻚ ﻓﺘﺎﺍﻩ ﻏﻨﺪﻭﻭﺭﻩ ..
ﺭﺷﻴﻘﻪ ﻭﻣﺎﺗﻘﺮﺑﺶ ﻓﻲ ﺍﻟﻤﻜﺮﻭﻧﻪ ..
ﻭﻋﻴﻮﻧﻬﺎ ﻛﻴﻔﻚ ﻛﻤﺂﺁﺁﺁﺁﺍ ﺍﻟﺒﻠﻮﻭﻭﺭﻩ .
.
ﻣﺤﻤﻮﺩ ﻗﻌﺪ ﻳﻀﺤﻚ ﻋﻠﻲ ﻭﺻﻒ ﺑﻨﺖ ﻋﻤﻪ
ﻟﺸﻜﻠﻬﺎ ﺑﻌﺪﻳﻦ ﻗﺎﻟﻠﻬﺎ ..
.
ﺧﺎﻃﻴﻚ ﻣﺎﻧﺒﻲ ﻭﺣﻖ ﺍﻟﻌﺎﻟﻲ ..
ﺣﺎﻝ ﻋﺎﻳﺘﻲ ﺗﺒﻘﻲ ﺑﺠﺪ ﺣﻼﻟﻲ ..
ﻭﺣﻖ ﺍﻟﺒﺎﺭﻱ ..
ﺧﺎﻃﻴﻚ ﻣﺎﺗﻤﻶ ﺍﻟﺒﻨﺎﺕ ﺍﻧﻈﺎﺍﺭﻱ ..
ﺷﻴﻨﻪ ﻭﻧﺎ ﻧﺒﻴﻚ ﺃﻡ ﺻﻐﺎﺍﺍﺍﺭﻱ ..
ﻭﺧﺎﻃﻴﻚ ﻣﺎﻧﺒﻲ ﻏﻼ ﻣﻦ ﻭﺍﻟﻲ ..
ﺣﻘﻚ ﺍﺗﺤﺒﻲ ﻭﻛﻲ ﺍﻟﺒﻨﺎﺕ ﺍﺗﻐﺎﺭﻱ ..
ﻭﺣﻘﻚ ﺍﺗﺪﻳﺮﻱ ﻳﺎﺳﻌﺎﺩ ﻏﻮﺍﻟﻲ ..
ﻭﺗﺘﺠﻮﺯﻱ ﺍﺗﺠﻴﺒﻲ ﻧﺼﻴﺐ ﺿﺮﺍﺭﻱ ..
ﻧﺎﺍﺍ ﻣﺶ ﻣﻬﻢ ﺍﻟﺰﻳﻦ ﻓﻲ ﻣﻜﻴﺎﻟﻲ ..
ﺍﻟﻠﻲ ﻳﻬﻤﻨﻲ ﺗﻤﺸﻲ ﻋﻠﻴﻪ ﻣﺴﺎﺭﻱ ..
ﻭﺍﺗﺴﺎﻋﺪﻱ ﻳﺎﺑﻨﺖ ﻋﻤﻲ ﺣﺎﻟﻲ ..
ﻣﺎﻧﻴﺶ ﻛﻲ ﺑﺎﻗﻲ ﺍﻟﺸﺒﺎﺏ ﺍﻓﻜﺎﺭﻱ ..
ﺭﺍﻫﻮ ﺍﻟﺰﻳﻦ ﺍﻟﻌﻴﻦ ﻣﺎﺍﺍﻳﻤﻼﺍﺍﻟﻲ ..
ﻭﻧﺎ ﺟﻴﺖ ﻛﻠﻤﺘﻚ ﺑﻜﻞ ﺍﺻﺮﺍﺍﺭﻱ ..
ﻏﻴﺮ ﻭﺍﻓﻘﻲ ﺧﻠﻲ ﺍﻧﺠﻴﺐ ﺩﺑﺎﻟﻲ ..
ﻭﺍﻧﺠﻴﺐ ﺃﻫﻠﻲ ﻟﺤﻮﺷﻜﻢ ﻭﺍﻛﺒﺎﺭﻱ ..
ﺑﻴﺶ ﻧﺨﻄﺒﻚ ﺧﻠﻲ ﺍﻳﺘﺮﻳﺢ ﺑﺎﺍﺍﻟﻲ .
.
ﺍﻟﺸﻴﻨﻪ ﻓﺮﺣﺖ ﺑﺎﻟﻜﻼﻡ ﺍﻟﻠﻲ ﺳﻤﻌﺎﺗﻪ
ﻣﻦ ﻭﻟﺪ ﻋﻤﻬﺎ ، ﻭﺑﻌﺪ ﻋﺮﻓﺎﺗﻪ ﻧﺎﻭﻱ
ﻳﺘﺠﻮﺯﻫﺎ ﺑﺠﺪ ﺭﺩﺕ ﻋﻠﻴﻪ ﻗﺎﻟﺘﻠﻪ ..
.
ﻣﺎﺩﺍﻡ ﻫﻜﻲ ﺍﺗﺮﻳﺪ ﻳﺎﺑﻦ ﻋﻤﻲ ..
ﺟﻴﺐ ﻣﻴﻨﺘﻚ ﺧﻠﻬﺎ ﺍﺗﻜﻠﻢ ﺃﻣﻲ ..
ﻛﻠﻢ ﺑﺎﺗﻚ ..
ﻭﻛﻠﻢ ﻭﺧﻴﻴﻨﻚ ﻭﻛﻞ ﺧﻮﺍﺍﺗﻚ ..
ﻭﺟﺪﺍﻙ ﺟﻴﺒﻮﻫﺎ ﻣﻊ ﺧﺎﻻﺗﻚ ..
ﻭﺭﺍﻫﻮ ﺍﻟﺪﺑﺶ ﻳﺎﺯﻳﻦ ﺁﺧﺮ ﻫﻤﻲ ..
ﻓﻲ ﺍﻟﻌﺮﺱ ﺑﺲ ﺍﺗﺠﻴﺒﻬﻦ ﻛﺴﻮﺍﺗﻚ ..
ﻳﺎﻟﻠﻲ ﺑﺪﻣﻚ ﻧﺎ ﺍﻣﺨﻠﻂ ﺩﻣﻲ .
.
ﺗﺤﻴﺎﺗﻲ
منقوووووووول
أنت تقرأ
كلام على مقاس القلب ❤
غير روائيمنوعات ويلي في خاطرك تلقاه 🎇🎶 ملاحظه:- الاشعاار اللي في هذا الكتاب كلهن منقولاات 😄❤
