أحتفظي بيها
بعيد عن اعيون الناس ما تنسيها
خلي صـورتي عندك...أحتفظي بيها
ردي بالك
مهمـــــا جـــرالك فالحيـــاه وطرالك
حتى لو عليهـــــا ينشــــدوك أعيالك
أحكيلهــم وبصـــــــدق عــن ماضيها
قولي عشقته عشق طاهــــر سالك
وقصــــه بـــريئه مـــا غبــــــار عليها
وقوليلهــم كيـــــف كنت حــد أمالك
وصــــــادق ومـــا نيتي خبــاثه فيها
وكيــف كنت مـا نفـرح اللا بأوصالك
ومــا أنـدير غـــير يا غالي اللي تبيها
ومن عشق عشقي فيك كنت خيالك
ونعشــق مطـارح كنــت دوم أتجيها
لي طلــــب خليهــــا الصـوره أقبالك
تــــذكار للزمــان أتعـــــــاودي تلقيها
وقوليلهـــم سلـــم القلــــب عطالك
وبـــزه الشوكــــــه في مــــا راضيها
وقوليلهـــم ما عمـــــــــــر دار بدالك
نبي أشهـــــادة صادقــــــــه تلقيها
ومنهــــو اللي ســيب حبيبــه هالك
حتى وهي صعبــــــه حاولي قوليها
نا أمسامحــــــــك وربي أيهني بالك
وراضي أقسامي رغـــم مـــــا نبيها
أحتفظي بيها
الشاعر احميده بالقاسم القطعاني
أنت تقرأ
كلام على مقاس القلب ❤
Non-Fictionمنوعات ويلي في خاطرك تلقاه 🎇🎶 ملاحظه:- الاشعاار اللي في هذا الكتاب كلهن منقولاات 😄❤
