كلام على مقاس القلب ❤

« يامرسال قوله 💔»

#يامرسال قوله كيف صار....
..راح وجيب مالغالي #اخبار

قوله #كي_الحال ..
ياك أمغير طيّب يا غزال
علينا قيس يغلق هالهلال
و أحنا فوق من كانون نار

قوله #رحت_وين ..
غبت ايام كيفنهن سنين
يا مديون ماتسلّك الدين
كنك ليش مانك شي اخيار

قوله #ما_اتقول ..
ميت موت ع الرد العجول
نذير العين ينقر في الطبول
حالم حلم مستوحي غرار

قوله #قول_جد ..
يحكي غير لو كلمة تسد
يعد انكان عنده ما يعد ..
و أن ما عد تكفيه العذار

قوله #يا_حبيب ..
وين تغيب شي واجد يغيب
لاني نوم ... نومي نوم ذيب
و لاني ضحك .... ضحكاتي قصار

قوله #ياا_عشوق ..
غيابك نوّ ماله شي بروق
فقص و نقل ضاقن به حلوق
يبحوس في العذاوي ع الاشفار

قوله #يا_ودود ..
صبري طال ولصبري حدود
أوقات نقول تمشيله تعود
ان ريت الزرع ما يرد البذار

قوله #السو_زال ..
غير تعال يا غالي تعال
رد بداك ديمه م الدلال
الكاثر نين زايد عالعبار

قوله #يا__حنون ..
غيابك شوك زارع في العيون
حرّاقات في غمض الجفون
طرطاشات للدمع الكبار

قوله #يا__الغالي ..
ما خاطيك يملى العين والي
ولا ميعاد عمره صاد بالي
مانك فيه يا سم الجضار

قوله #هالكلام
يا مرسال جيب منه علام
يكون الود و الغايه سلام
و في أقرب حين موعد و انتظار