كلام على مقاس القلب ❤

« نين بكيت 😭»

نين بكيت
وين ما خطرت لشوفتك حنيت
جابك منامى اليوم
لين بكيت
جابك جيبـــــه
جابك فـ صـوره مخالفـــــه وعجيبه
جميع المـــــلامح واضحـــه وقريبه
وين شفتــــها مفجــوع نين اصحيت
خطـــرن عليــا ايامـــــنا الحبيبه
وبالدمـــع نبكى وقتـــها بديت
تميت فى حالــه كثيــــر غريبه
فاقد حواســى اتقــــول ما حسيت
الا العين تبكــى بالدمـوع نحيبه
اتشاكــى فخيالك ليش توه جيت
ابكـــاى عجيب
ابكا شــوق زايد فى الكنين لهيب
ابكا قلب فاقـد من زمان حبيب
ابكا عين وااااعـر كيف ما حقيت
طيفك لفالــى فـ المنام قريب
وفى وقتـها نا مالجفــــاء مليت
يعنــى تلاقيــــــنا عليك نصيب
بنفس الغــلا اللى بيــــه نا وديت
ودرنــــا عــزانا يا منـــاى نحيب
وااااجــــــد بكينا فــوق ما ظنيت
نين بكيت
وين ما خطرتى لشوفتك حنيت