مشتاق نشرب قهوتى يالاك...وناخذ ونعطي فالكلام امعاك
... كان تنشدى مشتاق
مشتاق نا من جدى........... مشتاق ناخذ فالكلام ونعطي
ساعه اتشيل الجفــا يا ودى......... انحس ابهناى وغيتى وهناك
ويبقا غلاكم كى الفلم الهندى..........وتختم امعانا غيتى بلقاك
مشتاق نشرب قهوتى يالاك
مشتاق لك يا غالى...... ماعاد نسمر فى رجاك ليالى
وين ما اتهفو ما انهبو والى.... نعمد اديارك لو ايسير ادعاك
لانى لبن شداد لانى اهلالى... غير خاطرى ذايب ايريد هواك
مشتاق نشرب قهوتى يالاك
نشربو قهوتنا....... مشتاق امعاكم لو بعدها متنا
ساعه هنا فالغلا كفيتنا...... انتى دنيتى وانتى الروح افداك
ضحكتك وجمالك سبب غيتنا......اتجلى جداره كل من راعاك
غايب جمالك زاد من لوعتنا......سبحان من صبر على فرقاك
نشرب القهوه يا غلا منيتنا...... من يدك دوا يسعد ويبرى داك
مشتاق نشرب قهوتى يالاك
مشتاق نشرب قهوه .......مشتاق والله من ايديكى زهوه
مقصود اسمك نجبده ماهو سهوه ...... مسك الختام ايكون فى طرواك
مشتاق نشرب قهوتى يالاك ...... وناخذ ونعطى فالكلام معك
###
أنت تقرأ
كلام على مقاس القلب ❤
Non-Fictionمنوعات ويلي في خاطرك تلقاه 🎇🎶 ملاحظه:- الاشعاار اللي في هذا الكتاب كلهن منقولاات 😄❤
