الفصل الحادي والثلاثون ( الفصل ما قبل الاخيرة)
#لهيب_الحب
#آية_اسماعيل
محمد بانفعال: هرب ابن ال.... هرب من السجن دي كارثه
محمود بخضه: هو مين اللي هرب
محمد بعنف: معتز هرب هو وواحد مجرم من السجن هربوا الاتنين مع بعض النهارده الصبح
ثم ضرب بيده علي مكتبه بقوه
محمود بصدمة: يعني ايه ممكن ياذي اسيل او اي حد من عائلتي
ثم اكمل بعصبية: ده انا ممكن اقتله واشرب من دمه لو فكر ياذيها او يمس شعره منها مش هيكفيني فيه موته
احمد: اهدي بس يا محمود وكل حاجه هتتحل
محمود بعصبية: اهدي ايه انت مش شايف اساسا هو هينتقم من اسيل او سندرا
ايه يا محمد هنعمل ايه في المصيبه دي
محمد بتفكير: متقلقش كل حاجه هتكون تمام
محمود: بخير ازاي والفرح اللي كمان كام يوم ده هنعمل ايه فيه
محمد: هنعمل حراسه مشدده علي اسيل وسندرا والفيلا والفرح هيكون متامن جامد ومفيش نمله هتقدر تخش
محمود: واسيل وسندرا هنقولهم ايه لما يشوفوا الحراسة دي
محمد: لا اوعي تقولهم حاجه، هتعدي الايام دي عادي والحراسة هتمشي وراها وهما مش حاسين بيها
وكمان هنعمل الحنه بتاعتهم عندنا في الفيلا علشان التامين يكون اسهل وهنستاذن من والد اسيل وسندرا اننا نعمل الحنه عندنا وهنفهمهم الوضع وان شاء الله هيقبضوا علي معتز في اقرب وقت
محمود: ماشي، بس اسيل وسندرا مش هنخليهم يخرجوا من البيت لحد معاد الفرح
احمد: ازاي يعني يا محمود هتحبسهم يعني
محمود بانفعال: ايوه لو طالت احبس اسيل هعملها انا مش ناقص يحصلها حاجه تاني او الكلب ده يعمل حاجه ليها
محمد: اهدي يا محمود انا خايف علي سندرا ذيك بالظبط بس الامور تتاخذ بهدوء شوية
لو عايزين يخرجوا هنروح معاهم علشان محدش يحس بحاجة، ويالا بقي علشان نروح نشوف القاعه
واحمد هيخلي باله من المكتب ماشي يا احمد
احمد: حاضر
ثم ذهب محمود واخيه ليشاهدوا قاعه زفافهم
ووصل اسيل وسندرا الي بيوتهم بعد ان اتموا شراء مستلزماتها
______________________________________________
اما في مكان اخر
الشخص: ايه يا معتز بيه هنعمل ايه دلوقتي
معتز: متقلقش احنا نستخبي شويه علشان عيون البوليس محاوطه كل مكان وبعد كدا نعمل خطه علشان اخلص علي الاربعه اللي مزهقيني يا جعفر
جعفر: ماشي يا معتز بيه والرجال تحت امرك وطبعا كله بحسابه
معتز باشمئزاز: متقلقش كل فلوس هتخذها علي داير مليم
جعفر: ما هو ده العشم بردوا قولي بس هنفذ امتي الخطه علشان اخلي الرجاله تجهز
