تزوجني ولكن

حلقة 12 والاخيرة

#تزوجني_ولكن
الحلقة ( 12 ) الاخيرة
قصة من وحي الخيال 🙂

.
.
.
.
ديريه ع 200 وضرب
دكتور قويه وضرب
دكتور قوويه وضرب
لكن فيش فايدة 😭
دكتور الاخيرة قويه وضرب ورجع النبض

ردو النبض بعدها ممكن بساعة

دكتور طلع

ام يوسف^ بالله طمني يا ولدي
دكتور^ استريحي يا حاجة ولدك كويس بس احتمال كبير الوعي صعب يرجع لان حصل ضربة ف ادعو ربي وخلاص الي علينا درناه
ام يوسف^ يعني بيقعد في غيبوبة ؟
دكتور^ والله هاده مش ف عندي ادعو ربي لان احتمالات تقول انه حيقعد غيبوبة
ام يوسف^ به صحيت
اني في حالة صدمة ونفكر ونقول زعماا شن صاار في مهند ؟
مشيت الرسيبشن نسال عليه

اني^لو سمحتي
الممرضة^ تفضلي كيف نساعدك
اني: بنسالك في مريض اسمه مهند جي من انفجار قنبلة كيف حاله
ممرضة^ حاله باهي بس خسر رجليه الاثنين

ضربني برق صاعقة ضربتني متوقعتها بكل
صح كان حاقد علي بس بحب ف النهاية البشر يغلطو
اني ^ ممكن غرفة كم ؟
ممرضة^ كيف  طلع من عمليات غرفة 32
اني^ تمام شكرا
مشيت ركبت شفت من المرش لقيته راقد والله وجعني 💔
حسيت روحي انسانة تافهه بس هوا باعني وكرامتي متسمحليش وحاليا متجوزة ظلم نفسه هوا 😭

مشيت لي جنب يوسف واني غاادي جوو امه وبوه وعائلته كلهاا وحتا نورس

واني نشوفلهم لانه نفس الممر

ام مهند^ انتي خربتي حياته انتي السبب وعطتها كف
طبعا الكف لي نورس (

نورس طلعت تبكي
وام مهند تبكي وتقول وليدي شن درت في روحك يا وليدي

اني ^ لي ام يوسف^ اني حامل 💔
ام يوسف^ حقاا فرحتيني يا بنتي معا هاده كله والله فرحتيني
اني^ لكن حتا الفرحة ناقصة دئماء 💔

بعد شهرين مات مهند 💔
ويوسف مزال في غيبوبة
واني كنت في الشهر الثاني

قعدت ما بين حوش اهلي وحوش اهل يوسف
ودارو عزاء لي مهند وامه مسكينة ماتت وعاشت
واني كل ليلة نصلي وندعي ربي ونبكي علي مهند وجعني وخصوصا كلمته الاخيرة نبحك
ونبكي ع يوسف مسكين ونذكر في اغنية ع الموووت معك ع المووت

يااارب

بعد 4 شهور عرفت ان الي في بطني ولد
❤
وصارت مشكلة كبيرة بين اهل مهند واهل نورس
يكون حوش عمه يعني تعاركو لان ام مهند ضربت نورس كل ما تشوفها ودارت كل السبب فيهاا وبالنسبة ليا حتا كلام مكلمونيش نهائ

بعد 6 شهور جبت الولد وسميته مهند
وان بشكل يومي ننمشي للمستشفي نهدرز معا يوسف ونري في ولدي مهند في بوه انقولها اهوا بابا راقد هوا وقريب ينوض

نضت ع صوت مهند يبكي كالعادة
اني^ اص يا مهند اص
اني^ ماما تعالي شوفيه نرقد شويةة بس
ومهند يبكي
جت ماما ^ انتي ام توا لازم تهتمي مش ترقدي للظهر
اني/ حرام عليك طول الليل يبكي باش يرقد
ماما^ به به مش ماشية اليوم لي يوسف
اني/ لا بنمشي كيف ما نمشيش
بعد شوية نضت
لبست حوايجي ونزلت تحت لقيت ماما توكل في مهند
ماما^ بترفعيه اليوم مهند
اني/ اكيدة هاتيه
حطيته ف القعماز وولعت السيارة وانطلقت
اني ^ نشوفو بابا اليوم باهي نشوفو بابا
مهند^ اغاا
اني^ اغاا صار اه يا حلو انتا
وصلت المستشفي خديت مهند في حضني ونزلت
الدكتور^ لو سمحتي انتي زوجة يوسف ؟
اني^ اها تفضل
دكتور^ يوسف لو مافقش في الشهرين هادو يعني صعب يفيق وكل يوم يزيد فيه هوا ف الغيبوبة يكون اصعب يرجع منها يعتبر عايش ع الاجهزة شوفي اقتراحي يموت ارحمله مرات وانتو اصحاب القرار
اني/ لا يا دكتور لو يعيش 100 سنة ع الاجهزة مزال عندي امل انه يرجع
دكتور^ زي ما قتلك ف الاخير قرار قراركم ❤

ركبت الدروج ع اساس ندير ف رياضة
وصلت الدار
مهند^ بابا
اني^ حي قال بابا ترا قولها ثاني
فتحت الباب ونشوف لي مهند في حضني قولها ثاني ترا قولها
ونسمع في صوت
يوسف^ لينا
اني^ يوسف نضت ودموعي نزلووو بروحهم بروحهم
يوسف^ من هاده
اني^ ولدك هاااده ولدك
يوسف^ قداش ليا في غيبوبة اني ؟
اني^ سنة واسمع قولي شن قالك بابا ؟
يوسف^ هههه ااه ياراسي حتا بعد سنة قاعدة تفكري
اني^ ايه ننساش حي عليا فرحانة هللباا
يوسف^ به شن اسمه العسل
اني^ مهند
يوسف^ مهند؟
اني^ بعدين نوضحلك
يوسف^ بوك قالي شكرا ع خاطر الي درته معا لينا ف اني جااي بنمشي رجعت قتله يا عمي بنقولك حاجة قالي تفضل قتله اني نحب بنتك ورايدها في البداية رقاله وبيضربني بس قالي تعرف بالكلام هاده قتله لا قالي مدام رايدها اركب معااي السيارة ركبت السيارة وحكالي قصتك معا مهند وقالي انتا راجل جيت قتلي بس الي صار متقولاش الا بعد الزواج وبعد العدة تعال اخطبها واني مش حنردك لان ندور في راجل لي بناتي اني ونعرفك لينا تحطها في عيونك بعد شجاعتك واعترافك ليا

النهايةة

العبرة
مرات يكون عندك شئ قيمته كبيرة وانتا متعرفش قيمته الا بعد خسارته و رد بالكم تصدقو اوهاام الحب زي الوعود الكاذبة نهايتها ضرر لي احد الجانبين ونااس توا مش زي ناس زماان نااس توا نااس مصالح نااس فلوس واول مثال نورس في القصة
والقرار الي تتخده فكر فيه ايوا فكر فيه عشرين مرة قبل ما تختاره مرات يغيرلك مصيرك صح الموت مفيش منه هروب بس انتا بقرارتك تقرر كيف تعيش المدة الي عندك فيها عمر الانسان مخير دئماء عنده خيار ثاني بس الانسان اغبااء مخلووق اول مثال شوفو الحروب ودمار وجرائم القتل الوحشية لي اسباب تافهه ك مختلف الاديان ع خاطر مسيحي نقتله ع خاطر مسلم نقتله ويا شباب ويا بنات الحب هاده غلط خصوصا البنات ما تحترميش في شيب بوك متحترميش في لحية خوك ولا بوك الي يطلع من صبح ربي ويرجع في الليل معندا جهد حتا يتكلم مش تاكلي ويا ولاد لعب ببنات الناس حرام راه يعني حط اختك في اقرب مثال والدنيا يا داير يا الاقي
والام والاب كنز رد بالكم ثم رد بالك تخسر رضاهم يعني حياتك حتتدمر ف الحظة الي حتخسر رضاهم فيها اقرب مثال مهند شن صارله

نتمنا القصة عجبتك وخديتو منها عبرة وفكرة ووصلت لي قلبكم واثرت فيكم وهكي نكون اكملت ثاني رواية ليا من وحي الخيال

مش كان حلقة اخيرة تتفاعلوش

لكم جزيل الشكر