#تزوجني_ولكن
الحلقة ( 9 )
قصة من وحي الخيال 🔥
.
.
.
.
.
.
.
فتحت الباب
خشو نساوين اول مرة نشوفهم بس عرفت وحدة بس 🙂 ملك
ملك بي ابتسامة / اهلين
اني^ مستغربة ^ تفضلو تفضلو
واني نسكر في الباب يوسف ف السيارة يشوفلي 🤐
خشيت خشو الصالون وفادية وماما خشولهم الصالون واني مشيت الكوجينة لقيت نور تصب ف عصير
اني^ نور يا بهيمة مش صغار عمي بيجوو
نور^ 😂😂 عادي خيرها ف غيرها حبيبتي مبروك عليك من توا
اني^ تي شن تقولي
نور^ اص اص وانتي طلعتي طرف العائلة مطلوبة نااا لتوا مجاني حد 😭
اني^ اص اص بالله وارفعي العصير
نور^ انتي دخليه
اني^ لا نعرضوك عليهم قبل مرات ياخدوك نتفكا من دوشتك 🙂
نور^ مصح وجكك
اني درت القهوة وبعد شووية خشيت اعطيتهم القهوةة وهدرزت
والمراة قالت نطلبو ايد بناتكم الزوز نور ولينا 😨
طبعاا نا نصدمت
وماما جوابها نستشيرو بوهم وهوا صاحب القرار
طبعاا روحو في الليل ويوسف بعتلي رسالة 🙂
يوسف^ اهلين 🙂
اني^ اهلين 🤐
يوسف^ شني مني
اني^ ؟؟ 🙂 وضح
يوسف^ انتي شن قرارك
اني تفكير بيني وبين نفسي نعتبير مطلقة وفرصتي مرات ويوسف صح بارد بس والله ثم والله اطيب من قلبه ما في ❤
اني^ موافقة
يوسف^ بالله عليك
اني^ اهاا
يوسف^ تصبحي ع خير لازم نحلم شوية
اني^ مهبول تصبح ع خير
نور^ تعرفي خطبوني واخيرا
اني^ هبلة 😂
نور^ اص والله سحاب بنوصله حااسةة
نور^ كيف شكله محمد
شكل محمد ابيض فيه سمورية شوية عيونه عسليات وشعره اسود وعنده لحية خفيفة وملامحه حلوة
شكل يوسف ابيض هلباا وشعره اسود طويل بس مش هلبا عنده لحية وملامحه حلوة عيونه سود غمقات
نور^ شكله طرف
اني/ اها عندي احلي من يوسف 😶
نور^ لا خليك ف حالك انتي تقربيش حمودي
اني/ حي عليها هادي حتا شوفان مشافاته تقوله حمودي 😐
نور^ اص بنرقد نحلم شوية
اني ع كلمت نور نفس كلمت يوسف يعني متحمس للموضوع فرحان للموضوع
رقدت ونضت الصبح ع صوت بابا خش الدار وخدا كرسي وسكر الدار طبعا معاي نور ف الدار فقط
بابا^ اسمعي انتي وياها انا عمري غصبتكم ع حاجة
انا ونور^ لا
بابا^ به تمام يا لينا تبيه يوسف انتي
اني^ انتا تعرف اكثر يا بابا
بابا^ كان عليا اني يوسف ولد راجل واني اختبرته وكان قد المسولئة
اني^ بابا يعني لو سمحت ممكن تقولي شن قتله اول مرة لما قتلي نادي عليه
بابا^ متفاهم نا وياه لو تجوزك يومها يقولك اكثر من هكي مش حتعرفي
اني ^ يعني لازم نتجوزه مش نعرف
بابا^ لا مش لازم بس اني حلفته انه ميقولش الا لو تجوزك
أنت تقرأ
تزوجني ولكن
Romansaرواية من وحي الخيال تحكي عن قصة بنت اسمها لينا تزوجت وهيا بعمر صغير ولكن الي صدمها ان زوجهاا كان مغصوب ع زواجها وقلبه عند غيرهاا كيف تتصرف لينا وشن حيكون مصيرهاا للكاتب / محمد مالك الصفحة الرسمة علي موقع الفيس بوك باسم محمد مالك
